Suosittuja jakeita Raamatun kirjasta लूका 17

Jaa

तेही घनी ईसू हर ओके ला कहीस, “उईठ के चले जा, तोर बिस्वास हर तोके चंगा करीसे।”

अगर दिन भेर में, ओहर सात दाएर तोर बिरोध में पाप करही, अऊ सातो दाएर तोर जग आए के माफी मांगही, त ओके ला छमा कएर देबे।

ओमन में ले एक झन हर, जब अपन-आप ला देखीस, कि मंए चंगा होए गए हों, त जोर-जोर से परमेस्वर कर बड़ाई करत लहुट आईस। अऊ ओहर ईसू कर गोड़ में खपोईयां गिर गईस, अऊ ओकर धनबाद करीस, अऊ ओहर सामरी जाति कर रहीस।

सवाचेती रहा, अगर तोर भाई पाप करही, त ओके ला समझाओ, अऊ अगर पसताही, त ओके छमा कएर दे।

ते घनी ईसू हर पूछीस, “का दसो झेमन सुध नई होईन? त फेर ओ नवो झेमन कहां हवें?”

त परभू हर कहीस, “अगर तुमन कर बिस्वास हर सेरसों कर बीहनोच कर, बरोबर होतीस, त तुमन ए तूत कर रूख ला कहता, कि जएर ले उखेड़ के समूंदर में लएग जा, त ओहर तुमन कर गोएठ ला माएन लेतीस।”

अगर तुमन अपन जिनगी ला बचाए बर चईहा, त तुमन अमर जिनगी ला गंवाए देईहा। बकिन अगर तुमन अपन जिनगी ला गंवाए देईहा, त तुमन अमर जिनगी ला पाए जईहा।

एक दिन ईसू हर, अपन चेला मन जग कहीस, मईनसे मन ला पाप में गिराए कर परीछा तो आबेच करही, बकिन जेकर चलते परीछा आथे, परमेस्वर ओके जरूर दंड देही। जेहर ए छोटे में ले कोनोच ला पाप में गिराए कर कारन बनथे, त ओके ला परमेस्वर दंड देही, ओ दंड हर ओकर ढेंटू में जनता ला टाएंग के, ओके समूंदर में ढकेल देहल जाए ले, बड़खा होही।

जेकस नूह कर दिन में होए रहीस, ओहीच कस मईनसे कर बेटा कर, परगट होए कर दिनोच में होही। ओ दिन में मईनसे मन खात पीयत रहीन, अऊ सादी बिहाओ होवत रहीस, ओही घनी नूह हर पानी जहाज में चघीस, तेही घनी ढेरेच बड़खा बांढ़ हर आईस, अऊ ओ सब झेमन ला नास कएर देहीस।