Suosittuja jakeita Raamatun kirjasta लूका 9

Jaa

तब ऊ सभैके कहैल्कै, “अगर कोय हमर चेला बनैले चाहैछैं ते तोरासिके आपन योजना आर हितके छोडे पड्तौ। ओकरा हमर लिए मरैके लिए भी तैय्यार रहे पड्तै। अन्तमे, ओकरा हमर चेलाके रुपमे हमर अनुसरण करे पड्तै।

कहिनेकी जे यी धर्तीपर आपन जीवन बचाबैके कोशिश कर्तै, ऊसब सच्चा जीवन नैपाबे सक्तै। मगर तुहेंसब जे हमर कारण आपन जीवन दैछैं, सच्चा जीवन पैभैं।

मगर येशू ओकरा कहैल्कै, आपन हात हरमे लग्याके पाछु महर देखेवाला कोय भी परमेश्वरके राज्यके योग्य नैहैछै।

तुहें संसारमे सभे चीज प्राप्त करि लेल्हैं मगर परमेश्वरके साथ कहियो खतम नैहुएवाला जीवन पाबैके मौका खतम क्या देल्हैं ते, तोरा कोनो फैदा नैहैतौ।

अगर तोरासिमेसे कोय भी हमरा आपन परमेश्वरके रुपमे स्वीकार करैले आर हमर शिक्षाके पालन करैले इन्कार करैछै, कहिनेकी तुहें डराबैछैं कि एरंको पापी आदमीसब तोर मजाक उडैतौ, तब हमे, आदमीके बेटा इन्कार कर्बौ कि तुहें हमर चेला छैं, जब हमे पवित्र स्वर्गदूतसिके साथ धर्तीपर वापस ऐबै। तब सभेको हमर चम्कल तेजके देख्तै जे हमर पिताके जुगुर छै।”

येशू ओकरा कहैल्कै, “खटिहाके बिल आर आकाशके चिडियासिके खोय्ता छै, मगर हमे, आदमीके बेटाके संगे एकटा घर भी नैछै जते हमे सुते सकियै।”

आर ओकरासिके कहैल्कै, “जे हमर नाममे यी बच्चाके स्वागत करैछै, ऊ हमरा स्वागत करैछै, आर जे हमरा स्वागत करैछै, ऊ हमरा भेजेवालाके स्वागत करैछै। कहिनेकी तोरासिमेसे जे सभैसे छोट बनैछै उहे बडका हैछै।”