Suosittuja jakeita Raamatun kirjasta Tioni 19

Jaa

La anu muno'u uaini ne sevile. Mukalu xe ili'i la anu muvikala lexe, “Anu mukalu!” Sila anu mutaloxonixu kisou mo mu'italonu mauli noxou.

Mukalu xe ili'i la Iesua mulavu lexe mimi mukalusi muxali mu'isalilisi. Laso anu muvikala lexe, “Limilaxo esi'esi 'oe.” Muvikala axone mo so uxalixu nene'axu vaikala ane uxolu no anu lavukuou Mosinge.

Xe Iesua musaxisie nenu ilou tisaipeli e musexelaxu misevile a miveisa'i mitutulu. Sila Iesua muvikalane nenu lexe, “Semao, namalei, anu ne a so iline.” Xe muvikalanu tisaipeli ne lexe, “Namalei, ane ne a so nenine.” La musoko'u no voxo se nesi la tisaipeli ne muno'e Malia mo mixoxolu no taine'i tatemanu tasou.

Ia mine'e noxou Iesua xe mimalei lexe musoli mukalu laso ane'i ixola'u tava'u uasisi. Io ami vile muto'omolu Iesua no vaimolu no anu lalumiso, sila alaxu vilesisi sialu ilou lexa munixi mula.

Mimi ne muxali so muxalixu nene'axu vaikala ane uxolu no anu lavukuou Mosinge aloxo 'o, “Xinu vile no vasimolu so ixola'u uasisi.” Xe vaikala vile no anu lavukuou Mosinge aloxo 'ola, “Ane'i isaxi­sou anu ane mito'omolu.”

Ioxe, mukalu la mino'u Iesua milaixu mo anu molu a muta­tavulenu ovu valautu so ulili no anu. Milai xo la mixalixu no anu apu vile e ilemolu lexe Kisou Xinu. Anene ilemolu no anu vaikala Ipilu lexe Xoloxota.

Xe ta'ami mipalixoxonu lamota ana'anaxu ka mimulaxu no kisou aloxo atiou kingi. Mo mi'ailaxu no anu lava­lava lauionu.