Suosittuja jakeita Raamatun kirjasta Génesis 17

Jaa

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Ma ha'uquix Abram te abihile, Abraham ya xc'ohtix, yu'un la jcac' te tatil ya xc'ohat yu'un tsobol nacionetic.

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

Ha'at te chapbil-c'op ini te ya jpas ta atojol: ha'at tatilat ya xc'ohat yu'un tsobol nacionetic.

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Te Abraham la spahcan sba la ya'be sta lum yelaw ta stojol te Diose, hahch ta tse'ej, hich la yal ta yo'tan: ¿Ya to bal xhu' ya x'ayin snich'an te winic te ayix ho'winic (100) ya'bilal? Soc ¿bin ut'il c'an alajuc te Sara te ayix lajuneb yo'winic (90) ya'bilal? xchi ta yo'tan.

Soc hich halbot xan yu'un Dios te Abraham: Te awihnam Sarai, ma xawalbeyix Sarai, ha Sara sbihil ya c'ohtix.

Yac ajoybe loq'uel ta bojel te snuhculel sjol sc'unilic, ha seña ya xc'oht yu'un te chapbil-c'op cu'untic.

Pero ya jchap te c'op cu'un soc Isaac, ha te anich'an te ya x'ayin ta scuenta Sara ta hich ora ta yan ha'bil, xchi.

Ta swaxaquebal c'ahc'al yayinel a ya me yich' circuncisión spisil te alal-queremetic awu'unic ta cajalcaj ats'umbal, ha te mach'a ya x'ayin ta ana soc te jyanlum te mambil awu'un, te ma ats'umbaluc. Te mach'a ya x'ayin ta ana soc te mach'a mambil awu'un ta ataq'uin, ya me yich' te circuncisión. Ha seña ta abaq'uetalic te chapbil-c'op cu'un te stalel ay.