Suosittuja jakeita Raamatun kirjasta ᤋᤥᤗᤡᤱᤛᤥᤔᤢ 27

Jaa

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤏᤧ᤹ ᤋᤠᤱᤛᤠᤱᤒᤥᤒᤠ ᤛᤣ᤺ᤰᤘᤠᤗᤠᤶ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤀᤠᤳᤋᤠᤋᤠᤴᤏᤣ ᤕᤖᤡᤰ ᤁᤢᤘᤠ᤹ᤔᤠ ᤁᤢᤒᤣ᤺ᤰᤔᤠᤗᤠᤶ ᤕᤖᤡᤰ ᤐᤢᤖᤢᤵᤗᤢᤵᤛᤣ᤹ ᤌᤡ ᤏᤢ ᤐᤥᤃᤢᤃᤧᤴ ᤁᤢᤈᤠ ᤁᤧᤒᤡᤖᤖᤥ॥ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤂᤧᤏᤧ᤹ ᤁᤧᤛᤣᤖᤥᤘᤠ ᤔᤧᤒᤥᤱᤗᤖᤥ. ᤜᤧᤰᤁᤩᤠᤱ ᤔᤏᤠᤜᤠ᤹ᤖᤧ ᤂᤧᤏᤧ᤹ ᤛᤧᤘᤠ ᤁᤧᤶᤔᤧᤳᤗᤖᤥ॥ ᤁᤧᤶᤓᤢ᤹ ᤁᤧᤴᤛᤠ᤹ᤛᤡ ᤁᤧᤕᤢᤰᤁᤥ ᤔᤧᤘᤠ᤹ᤖᤖᤥ. ᤂᤧᤏᤧ᤹ ᤁᤧᤶᤔᤠᤖᤧ ᤁᤢᤛ᤻ᤛᤠᤜᤠ᤹ᤖᤧ ᤂᤧᤏᤧ᤹ ᤛᤧᤘᤠ ᤁᤧᤶᤔᤧᤳᤗᤖᤥ॥ ᤂᤧᤏᤧ᤹ ᤛᤠᤱᤃᤪᤠ ᤔᤠᤱᤍᤣ ᤁᤧᤔᤧᤵᤐᤠᤜᤠ᤹ ᤁᤧᤖᤧᤰ ᤛᤠᤱᤃᤪᤠ᤺ᤸᤗᤧ ᤋᤧᤳᤋᤢᤛᤡᤖᤖᤥ. ᤜᤧᤰᤁᤩᤠᤱ ᤂᤧᤏᤧ᤹ ᤔᤢ᤹ᤀᤡᤛᤠᤶ ᤁᤧᤒᤡᤒᤠ ᤁᤧᤖᤧᤰᤗᤧ ᤔᤢ᤹ᤀᤡᤛᤠᤶ ᤔᤧᤄᤥᤛᤢᤖᤖᤥ॥”

ᤀᤣᤛᤠᤒᤧᤸᤗᤧ ᤔᤧᤳᤋᤢ. “ᤂᤧᤸᤗᤧ ᤁᤢᤔᤡᤱ ᤕᤠᤁᤢᤒ ᤘᤠ᤺ᤵᤔᤏᤠᤒᤧᤴ ᤔᤧᤗᤠ᤹ᤖᤢᤶᤒᤡ᥅ ᤌᤣᤀᤠᤱᤓᤧᤸᤗᤧ ᤂᤧᤸᤗᤧ ᤀᤠᤱᤃᤠ᤹ ᤏᤡᤗᤧᤱ ᤀᤡᤱᤗᤧᤰᤋᤠᤱ ᤛᤢᤖᤠᤱ॥ ᤂᤧᤸᤗᤧ ᤀᤠᤱᤃᤠ᤹ ᤋᤢᤶᤒᤠ ᤀᤠᤗᤰᤁᤡᤴ ᤏᤠᤵᤋᤠᤱ. ᤜᤧᤰᤁᤩᤠᤱ ᤀᤠᤸᤗᤥ ᤀᤠᤱᤃᤠ᤹ ᤂᤥᤔᤠ ᤁᤧᤒᤥᤱᤒᤠ ᤔᤢ᤹ᤀᤡᤛᤠᤶᤔᤡᤴᤏᤠᤱ ᤋᤣ᤹ᤖᤢ॥” ᤂᤢᤏᤧ᤹ ᤕᤠᤶᤔᤥᤀᤠᤱ ᤔᤧᤳᤋᤢ. “ᤂᤧᤏᤧ᤹ ᤀᤠᤱᤃᤠ᤹ ᤀᤠᤗᤠᤃᤡ ᤗᤳᤌᤡᤰᤁᤠᤱ ᤔᤢ᤹ᤀᤡᤛᤠᤶ ᤁᤧᤏᤴᤇᤢᤒᤠ ᤜᤥ᤺ᤵᤐᤡ᥅”

ᤂᤧᤒᤩᤠᤱ ᤁᤢᤶᤒᤠ ᤀᤡᤛᤜᤠᤰᤁᤧᤸᤗᤧ ᤔᤧᤳᤋᤢᤖᤥ. “ᤀᤥᤔᤧᤳᤋᤧ᤹. ᤂᤧᤏᤧ᤹ ᤁᤧᤕᤢᤱᤔᤠ ᤁᤧᤘᤠ᤹ᤔᤠᤴ ᤂᤠᤶᤒᤣ᤺ᤰᤔᤥᤒᤠ ᤀᤠᤳᤋᤠᤋᤠᤴᤏᤣ ᤏᤢ᤹ᤔᤠ ᤋᤠᤔᤠᤗᤠᤶ ᤗᤠ᤺ᤰᤁᤠᤳ ᤔᤠ᤺ᤱᤄᤠ ᤐᤥᤱᤗᤥ. ᤜᤧᤰᤁᤩᤠᤱ ᤋᤠᤱᤛᤠᤱᤒᤥᤒᤠ ᤛᤣ᤺ᤰᤘᤠᤗᤠᤶ ᤗᤠ᤺ᤰᤁᤠᤳ ᤔᤠ᤺ᤱᤄᤠ ᤐᤥᤱᤗᤥ॥ ᤂᤧᤏᤧ᤹ ᤀᤠᤒᤠᤅᤣ ᤁᤧᤍᤠᤓᤣ᤺ᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤧᤜᤡᤱᤗᤥ. ᤁᤖ ᤂᤧᤏᤧ᤹ ᤁᤧᤴᤛᤠ᤹ᤖᤧ ᤁᤢᤛᤧᤘᤠᤖᤥᤒᤠ ᤁᤧᤒᤥᤱᤗᤥ॥ ᤁᤖ ᤂᤧᤏᤧ᤹ ᤁᤧᤏᤠᤁᤧᤛᤡᤀᤠᤱ ᤂᤧᤏᤧ᤹ ᤂᤧᤸᤗᤧ ᤁᤢᤈᤡᤄᤧ᤺ᤵᤐᤡᤴ ᤁᤧᤏᤡ᤺ᤱᤔᤥᤗᤠᤶ ᤁᤧᤕᤰᤂᤢᤀᤠᤱ ᤗᤠᤵᤁᤧᤓᤢᤛᤢᤖᤥ॥”

ᤀᤣᤛᤠᤒᤧᤸᤗᤧ ᤁᤢᤶᤒᤠ ᤔᤧᤳᤋᤢ. “ᤀᤠᤶᤒᤦ. ᤂᤧᤏᤧ᤹ ᤗᤳᤌᤡᤰᤌᤡᤰ ᤔᤢ᤹ᤀᤡᤛᤠᤶ ᤁᤧᤃᤳᤋᤢᤒᤡ᥅ ᤀᤠᤱᤃᤠ᤹ᤀᤠᤱᤛᤠ ᤔᤢ᤹ᤀᤡᤛᤠᤶ ᤐᤡᤖᤠᤱᤅᤧ᤹ᤏᤠ॥” ᤜᤧᤰᤁᤩᤠᤱ ᤀᤣᤛᤠᤒᤧᤴ ᤕᤶᤒᤠ ᤀᤡᤰᤗᤠᤀᤥ ᤀᤢ᤺ᤰᤁᤠᤱ ᤀᤢ᤺ᤰ ᤜᤠᤒᤧ॥