Suosittuja jakeita Raamatun kirjasta Matius 15

Jaa

Tamaka lumimbaꞌano ne wobha nomaiꞌao we totono lalo, aituꞌaemo fofekaharamuno. Kapaꞌamo nomaiꞌao we totono lalo nolimba sabhaha fekihi modai, dofopongko, domonsule, dopokawite-wite, dosibu, degau-gau bhe dofoꞌumbu.

“Fetingke bhe tandaiꞌeomu! Suano mesuaꞌano ne wobhano manusia fofekaharamuno, tamaka lumimbaꞌano ne wobhano aituꞌaemo fofekaharamuno.”

‘Mie andoa ini dosombai kanau kaowu ne wiwindo, tamaka totono lalondo nokodoꞌo bhe Idi. Miina nakoꞌuluꞌa dosombai kanau, kapaꞌamo kafoinaꞌu nefoguhuꞌaondo pahintano manusia.’ ”

Yesus notobhoosi ambano, “Waꞌina, nobhala mpuu kaparasaeamu, dadiꞌanomo nokadhadhiaꞌo toha peda kapoindalomu itu.” Gahaꞌa anano lasao dua noꞌosa.

Tamaka hobhine anaꞌa nomaꞌotie, notaohao sombano ne Yesus bhe nopugau, “Waompu, tulumi kanau.” Yesus tanotobhoosi ambano, “Ingka pae namantasia daeala rotindo anaꞌi maka daꞌumohoane daꞌu.” Ambano dua hobhine aitu, “Anoamo naꞌa Waompu, ampamo kaowu daꞌu ⸤ peda insaodi ini⸥ nohumaa dua kapondawu maiꞌaono ne medhano ompuno.”