Suosittuja jakeita Raamatun kirjasta Gimpuunan 17

Jaa

Pagka 99 yi ka timpu si Abram, napakakit sa kanya ti PANGINUUN ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Taynguna ginan, balaw yi Abram ti iingaran sa kanmu nu unman Abraham yi, dahil buwatun niku kawu ama mayamu nasyun.

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

“Inda kang kasunduan sa kanmu: Kawu bumaliw ama mayamu nasyun.

Nagsagut ti Diyus, “Kay tutuu indaay di, kanmu asawa si Sara manganak lalaki ag paingarnan nimu siya Isaak. Sa kanya niku pag iparargu kang kasunduan sa kanmu, ag pumarargu inda pag kasunduan sa manga linahi niya hanggan aban.

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Pagka nadnugan inda ni Abraham nagyuk-ub siya bilang paggalang sa Diyus, dapat nasari siya sa kay nadnugan. Magkumun siya sa kay sadili, “Magkaanak aw waya aku sa inda pag idad niku 100 yi ka timpu? Ag si Sara, mamuduy aw waya nguna siya kay idad 90 yi ka timpu?”

Magkun waya ti Diyus sa kan Abraham, “Tungkul waydi sa kanmu asawa sa kan Saray, balaw yi nimu siya ingarnan Saray, dahil kainda ginan Sara yi kanmu ipaingaran sa kanya.

Inda ti tanda kasunduan niku sa kanyu.

Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.”

Taynguna ginan tugka sa sunud pag manga sinulput tawu, ti tanan ianak pag lalaki kailangan turiun sa ikawalu pag sirang ginan sa kay pagkalusad. Turia diman niyu ti manga suruguun lalaki ilinusad sa kanyu ulian hanggan ti manga suruguun kanyu binili sa manga taga iba rugar. Inda pag tanda sa kanyu bilug ti manpatutuu kuntay ti kasunduan niku sa kanyu pumarargu hanggan aban.