Suosittuja jakeita Raamatun kirjasta Pogsiog Nang 5

Jaa

Wene seogpa, Petrusap elkabo Yesusti wepto pogsiog nangapti, “Mog so'oag nimiri yubu leropne nuri nelebanep koma wamnep aghana, Allahri leropne agha sik sembanepti, nelebanepneog wamla.

Lambaekti sop-sop Allahri Mem Ae aramag yubu ambarelamsiekti, nimiri ae toman babe nhonag wa'ang, nhonag wa'ang ambarelamsiek nena, “Yesus poneko Allahri wepto poghol aogne Kristus wamla,” aro yubu walinge amoro ambarelamsiek.

Pail piogpa, Petrus ponekori elag, “Ananias, phia sikini nubungeri seneragnange andi wanaag teknero ulangkelba, Allah Eldamne Yame Walinge whingag orolena sa'a sembe ualam? Orolena lelamlamdi, so'o sembe tatkeangne pogto sa'a sembe tognoro pairo alam? Anam kamna kapto tomna komagna, so'o anena anenge. Kamna kaplamdi, toplamag babe anenge. Tam ane anba andi saeag wamla. Aghana sa'a sembe an wanaag orolenange seneraglam? Nimiag orolenange ua ualam kom. Anena Allahag ua ualam,” seog. Wene alamogpa, Ananias ka'elamogne abeneko pere, so'oag malingkina Ananias tebaog. Tebaogne sembe nimi niri ka'ebaekti, log maikno senelamek.

Ane sembe nari a'unag lelamnange, nimi taneag sa'a-sa'a ualulom kom. Teudasap Yudasap tebarekne sembe ambatsin. Sin abeneko saog uro, Yesus yubu ka'ero neleptop nimi taneko babe mog so'oag nimiri seneragtopneag agha, ‘Uaukap,’ senelamangdi ulamang tanena, sa'a-sa'a ulamangne kom tanep. Aghana sindi ulamangne nene agha Allahri seneropneag agha ulamang tanena, a'undi nimi tane kom nembahilulom kom. Ane sembe sae lobitsululom. A'undi ulamlomne nene agha, ‘Allah luknubaukap,’ aro ulapmunag, wali uro kembi agha seneraglapmundi ulamlulom,” aro ambatsiog. “Gamalieldi wene seogne sik,” aro eldi yubu ka'ebaek.