Suosittuja jakeita Raamatun kirjasta Yohanes 1

Jaa

nimi nenneri toro piro aekti, el siag sikne aro wana palilamek. El siag wana palirop nimi tanekoag mikiba tatsiog andarina, sin Allah elmabo tanep.

Nia mangkina wamna komag, yum-yum samenag Allah Yubu aneko wamog. Yubu aneko Allahap nikag wamdekti, Yubu aneko Allah Eldamne wamog.

Tibin wareropne nenekori inibin uro urobag warelamla aghana, inibinne nenekori tibin aneko salero niknibanep koma wamog.

Allah Yubu aneko mog so'oag nimi taogti, nu nusamag ua ulamog. El ponekoag sikneap nimiag wana yororo senehinneap to'opto wamog. Undo wamogpa, sunsunum uro Iliri Elme ot nhonogne ponekoag imang wareroba pibogpa, elag imang warelamogha haingdi ibubu.

Allahri nia ni sumbaogne Allah Yubu poneko pere agha sumbaog. Nia ni el pere agha sumbaogpa, nhon babe el pere agha sumban koma uropne wamla kom. Kamag uro unne elag wamogpa, kamag uro unne neneko mog so'oag nimi sembe tibin wareropne wamog.

Imbaogti kwelekaogpa, lukunne neneko Yesus yalamogha tiboghaogti, Yohanesti nimiag ambarelamsiogti, “Tibogahut! Allahri Pham Domba Me yalamla. Nimi mog so'oag urop nimiri malia uroba toro tobogahinepne poneko yalamla.

Yaogti mog so'oag wamog. El pere agha mog so'o ane sumbaog aghana, mog so'oag nimi tanekori el ilirop kom. Elna elenge mog so'oag wamek nimiag yaog aghana, elenge mog so'oag wamek nimi tanekori toro piro aek kom. Toro piro aek kom aghana

Ambarelamsiog sum eneko, tibin wareroba taptopne nimi ni tibin warebahinepne poneko mog so'oag yalamog.

Eldi tatsiropne nunag taog nena, Musa pere agha aruksirop yubu eneko tatsiog. Apna wana yororo senehinneap sikneap Yesus Kristus pere agha nunag taog.