Suosittuja jakeita Raamatun kirjasta Chenesis 13

Jaa

Yakni ish pi̱sa ka̱ mominchit chishno, micha chim isht aiunchololi aiena ka̱ immi bilia he mak o̱ ima la chi̱ hoke.

Atuk o̱ Chihowah yʋt Eblam a̱ Lot ʋt i̱ filimmi ha ya̱, Himak a̱ akachakali cha, ish aiʋtta ka̱ hikiʋt falʋmmi imma, micha oka mahli imma, micha hʋshi akochaka imma, micha hʋshi ai okatula imma aiena ka̱ pit ish hopo̱koyashke

Mikma chim isht aiunchololi ya̱ lukfi pushi yakni paknaka aiasha kak o̱ chiyuhmichi la hi oke: yohmikma hatak nana hosh lukfi pushi yakni paknaka aiasha ka̱ hotihnʋt tahla hinla hok mak o̱, chim isht aiunchololi ak kia holhtina hi oke.

Mihma Eblam ʋt Lot a̱ Ʋno, micha chishno piti takla, micha a̱ nan ʋlhpoa apesʋchi ʋhleha, micha chi̱ nan ʋlhpoa apesʋchi ʋhleha aiena iti takla ya̱ itachowa kʋt iksho kashke; chim asilhha lishke, itibapishi ʋhleha pia hokʋt.

Yohmi ma Eblam ʋt im ʋlhtipo ya̱ kanʋllichit Mamli i̱ baiyi Heblon yakni talaia hieli ka̱ ont ai ʋtta tok: micha yʋmma Chihowah ya̱ alta im ikbi tok.

Mihma Lot ʋt akachakali mʋt, Chatan yakni patali moma kʋt kanima moma kia oka laua achukma kʋt a̱sha; Chihowah yʋt Sotom, micha Komollah ya̱ okpʋnit ik tahlo ki̱sha ma, Chihowah im osapushi ak o̱ chohmi cha, Soa ish chukowa Echip yakni ak o̱ chiyuhmi tok a̱ pi̱hi̱sa tok.