Suosittuja jakeita Raamatun kirjasta Chan 1

Jaa

Amba laua kaniohmi hosh ahninchit, ilapo hohchifo ha̱ i̱ yimmi hokʋno, Chihowa ushi ʋhleha toba chi̱ mak o̱ isht ai ʋlhpesa ka ima tok

Ʋmmona ka Anumpa hʋt ahanta mʋt, Anumpa hʋt Chihowa ya̱ ai iba chʋfa tok: mihmʋt Anumpa hash ot Chihowa ya tok.

Mihmʋt tohwikeli hash ot ai okhlilika ya̱ a toho̱mmi; yohmi ka okhlilika yʋt yʋmmak ash o̱ ik akostinincho ki tok.

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Yʋmmak atuk mak o̱ nan oklu̱ha kʋt toba tok; yohmi ka nana kʋt toba tok ʋt yʋmmak o̱ keyu hokʋno ik tobo ki tok. Yʋmmak oka isht ai okcha̱ya yʋt a̱sha tok: yohmi ka isht ai okcha̱ya yʋmmak ash ot hatak puta ka in tohwikeli ya tok.

Atuk o̱ ont onna ma Chan ʋt, Chisʋs ʋt i̱ minti na pisa mʋt, Chihowa in Chukfʋlhpoba ushi, yʋmmak osh yakni im ai‐ashʋchika isht kanchi a̱, ho pesá.

Yʋmmak atuk mak o̱ yakni ʋt toba tok o̱, yakni a̱ ai ahanta ma, yakni ʋt yʋmmak ash ik ithano ki tok. Yʋmmak okʋt a̱yʋt ilap immi ʋhleha ho̱ im ʋla ma, immi ʋhleha hash osh ik i̱ yimmo ki tok.

Yakni pakna hatak ʋt ai ʋtta hoka mominchit in tohwikelichi, yʋmmak osh Nan‐tohwikeli a̱hli mak a tok.

Nan‐ʋlhpisa yokʋto Moses ak atuk mak o̱ ʋlhpihi̱sa tok: amba nan isht i̱ kana, micha nan‐aia̱hlika aiena hokʋto Chisʋs Klaist ak o̱ a minti tok.