Suosittuja jakeita Raamatun kirjasta یوحَنّا 21

Jaa

وختِیکه اُونا نان ره خورد، عیسیٰ دَ شِمعون پِترُس گُفت: ”اَی شِمعون باچِه یوحَنّا،آیا تُو امزیا کده مَره کَلوتر مُحَبَت مُونی؟“ پِترُس دَزُو گُفت: ”اَرے مَولا، تُو مِیدَنی که ما تُو ره دوست دَرُم.“ عیسیٰ دَزُو گُفت: ”باره‌گون مَره بِچَرنُو.“ دفعِه دوّم اُو دَز شی گُفت: ”اَی شِمعون باچِه یوحَنّا، آیا تُو مَره مُحَبَت مُونی؟“ اُو دَ جواب شی گُفت: ”اَرے مَولا، تُو مِیدَنی که ما تُو ره دوست دَرُم.“ عیسیٰ بسم دَز شی گُفت: ”گوسپندوی مَره نِگاه کُو.“ اُو دفعِه سِوّم دَزُو گُفت: ”اَی شِمعون باچِه یوحَنّا، آیا تُو مَره دوست دَری؟“ پِترُس دِق شُد، چراکه عیسیٰ دفعِه سِوّم دَزشی گُفت: ”آیا تُو مَره دوست دَری؟“ و اُو دَز شی گُفت: ”یا مَولا، تُو از پگ چِیزا خبر دَری؛ تُو مِیدَنی که ما تُو ره دوست دَرُم.“ عیسیٰ دَزُو گُفت: ”گوسپندوی مَره بِچَرنُو.

ما حقِیقت ره دَز تُو مُوگُم: وختِیکه جوان بُودی تُو کَمَر خُو ره بسته مُوکدی و هر جای که دِل تُو مُوشُد مورَفتی. مگم وختِیکه پِیر شُنی تُو دِستای خُو ره دِراز مُونی و دِیگه کس کمر تُو ره بسته کده تُو ره دَ یگ جای مُوبره که تُو نَمیخاهی دَ اُونجی بوری.“

اُو دَزوا گُفت: ”تور ره طرفِ راستِ کِشتی بِندَزِید و از اُونجی ماهی مِیگِیرِید.“ اوخته اُونا تور ره اَندخت و از بَس که کَلو ماهی گِرِفتُد، اُونا تور ره دَ مَنِه کِشتی کش کده نَمِیتنِست.

شِمعون پِترُس دَزوا گُفت: ”ما ماهی گِرِفتو مورُم.“ اُونا دَزُو گُفت: ”مو ام قد تُو موری.“ پس اُونا بُرو رفته مَنِه کِشتی شِشت، مگم امُو شاو هیچ چِیز گِرِفته نَتنِست.