Suosittuja jakeita Raamatun kirjasta لُوقا 3

Jaa

یگ روز وختِیکه تمامِ مردُم غُسلِ تعمِید گِرِفتُد، عیسیٰ ام غُسلِ تعمِید گِرِفت و دَ غَیتِیکه دُعا مُوکد آسمو شَق شُد و روح اُلقُدس دَ شکلِ یگ کَوتر دَ بَلِه ازُو نازِل شُد. اوخته یگ آواز از آسمو اَمَده گُفت: ”تُو باچِه دوست-دَشتَنی مه اَستی که از تُو خوش-و-راضی اَستُم.“

یحییٰ دَ جوابِ پگِ ازوا گُفت: ”ما شُمو ره قد آو غُسلِ تعمِید مِیدُم، ولے یگ کس مییه که از مه کده قُدرتمَند اَسته و ما حتیٰ لایق شی ره نَدَرُم که بَندِ چپلی شی ره واز کنُم. اُو شُمو ره قد روح اُلقُدس و آتِش تعمِید مِیدیه.

پس ثَمری بِدِید که لایقِ توبه بَشه و شُروع کده قد خود خُو نَگِید که، ’اِبراهِیم بابه‌کَلون مو یَه؛‘ چُون ما دَز شُمو مُوگُم که خُدا مِیتنه امزی سنگا بَلدِه اِبراهِیم اَولاده پَیدا کُنه.

حتیٰ امی آلی، تیشه دَ رِیشِه دِرختا ایشته شُده؛ پس هر دِرخت که ثَمرِ خُوب نَدیه، قطع شُده دَ آتِش پورته مُوشه.“

امُو رقم که دَ کِتابِ توره های اِشَعیا نَبی نوِشته شُده: ”آوازِ کسی که دَ بیابو چِیغ زَده مُوگیه: ’راه ره بَلدِه خُداوند آماده کُنِید و راه‌رَوی شی ره راست-و-سِیده کُنِید، هر قول پُر مُوشه، هر کوه و تِپه اَوار مُوشه، راه های کَج راست مُوشه، و جای های پَخچ-و-بِلند یگ برابر مُوشه. و تمامِ بَشر نِجاتِ خُدا ره مِینگره.‘ “