Suosittuja jakeita Raamatun kirjasta متیٰ 21

Jaa

هر چِیزی ره که قد ایمان دَ دُعای خُو طلب کُنِید، دَ دِست میرِید.“

عیسیٰ دَ جوابِ ازوا گُفت: ”ما حقِیقت ره دَز شُمو مُوگُم، اگه ایمان مِیدَشتِید و شک نَمُوکدِید، نَه فقط امی کار ره که قد دِرختِ انجِیر شُد انجام دَده مِیتنِستِید، بَلکِه اگه دَ امزی کوه ام مُوگُفتِید که ’کنده شُو و دَ دریا پورته شُو،‘ امُو رقم مُوشُد.

جمعیَتِ مردُم که پیشلونِ ازُو مورفت و از پُشتِ ازُو میمَد، چِیغ زَده مُوگُفت: ”هوشیعانا دَ باچِه داوُود! مُبارک اَسته کسی که دَ نامِ خُداوند مییه! هوشیعانا دَ بِلندترِین جای عالمِ باله!“

دَزوا گُفت: ”نوِشته شُده که ’خانِه مه جای عِبادت گُفته مُوشه، مگم شُمو اِی ره غارِ دُزا جور کدید.‘“

”دَ دُخترِ صَهیون بُگِید: اونه، پادشاهِ تُو دَ پیش تُو مییه، اُو فروتن اَسته، سوار دَ بَلِه اُلاغ، دَ بَلِه یگ کُره، چُوچِه حَیوانِ بارکَش.“

اوخته عیسیٰ دَزوا گُفت: ”آیا شُمو هرگِز دَ کِتابِ مُقَدَّس نَخاندید که: ’سنگی ره که اُستاکارا رَد کد، سنگِ مُهِمِ تادَو شُده؟ اِی کار ره خُداوند کده و دَ نظرِ ازمو عجِیب اَسته.‘“

”امزی خاطر دَز شُمو مُوگُم که پادشاهی خُدا از شُمو گِرِفته مُوشه و دَ قَومی دَده مُوشه که ثَمر شی ره بیره.