Suosittuja jakeita Raamatun kirjasta متیٰ 28

Jaa

پس بورِید و تمامِ مِلَّت ها ره پَیرَو جور کده اُونا ره دَ نامِ آته و باچه و روح اُلقُدس غُسلِ تعمِید بِدِید و دَزوا تعلِیم بِدِید تا از تمامِ چِیزای که دَز شُمو اَمر کدُم اِطاعَت کُنه. و بِدَنِید که ما همیشه قد شُمو اَستُم، تا آخِر زمان.“

اوخته عیسیٰ پیش اَمَد و قد ازوا گپ زَده گُفت: ”تمامِ اِختیار-و-قُدرت دَ آسمو و دَ رُوی زمی دَز مه دَده شُده.

مگم ملایکه دَ خاتُونو گُفت: ”شُمو ترس نَخورِید، چُون ما مِیدَنُم که شُمو عیسیٰ ره مُوپالِید، کسی ره که دَ صلِیب میخکوب شُد. اُو دَ اِینجی نِیَسته. اُو دُوباره زِنده شُده، امُو رقم که اُو گُفتُد. بیِید، جایی ره که اُو خاو بُود، توخ کُنِید

اوخته عیسیٰ دَزوا گُفت: ”ترس نَخورِید. بورِید و دَ بِرارون مه بُگِید که دَ جلِیلیه بوره؛ دَ اُونجی اُونا مَره مِینگره.“

بعد ازی که پیشوایونِ عالی مقام قد رِیش سفیدا جم شُده دَ بَین خُو مشوَره کد، اُونا یگ مِقدار پَیسه بَلدِه پَیرَدارا دَد و گُفت: ”شُمو بُگِید که ’یارای شی دَ وختِ شاو اَمَده اُو ره دُزی کد دَ غَیتِیکه مو خاو بُودی.‘ و اگه اِی توره دَ گوشِ والی رسِید، مو اُو ره راضی مُونی و شُمو ره از جنجال دُور نِگاه مُونی.“ پس اُونا پَیسه ره گِرِفت و امُو رقم که بَلدِه ازوا گُفته شُدُد، امُو رقم کد. اِی قِصّه تا اِمروز دَ بَینِ یهُودیا گُفته مُوشه.