Suosittuja jakeita Raamatun kirjasta رُومیا 14

Jaa

چُون پادشاهی خُدا خوردو و وُچی کدو نِییه، بَلکِه عدالت، صُلح-و-سلامَتی و خوشی دَ روح اُلقُدس اَسته. هر کسی که دَ امزی طرِیق مسیح ره خِدمت مُونه، مَورِدِ پِسَندِ خُدا اَسته و قابِلِ قبُولِ مردُم.

اگه مو زِندگی مُونی، مو بَلدِه مَولا زِندگی مُونی و اگه مُومُری، ام بَلدِه مَولا مُومُری. پس چی زِنده بَشی، چی بُمُری، مو دَ مَولا تعلُق دَری.

پس بیِید که پُشتِ چِیزای بِگردی که باعِثِ برقراری صُلح-و-صفا و آبادی یگدِیگه مو مُوشه.

امزی خاطر بیِید که دَ بَلِه یگدِیگِه خُو قضاوَت نَکُنی، بَلکِه دَ عِوَض شی تصمِیم بِگِیری که کُدَم سنگِ لَخشَندُک یا مَوانِع دَ سرِ راهِ بِرار خُو نَیلی.

چُون نوِشته شُده: ”خُداوند مُوگیه: قَسم دَ زِندگی مه که هر زانُو دَ برابر مه خَم مُوشه و هر زِبو خُدا ره اِقرار مُونه.“ پس هر کُدَمِ ازمو حِساب خُو ره دَ خُدا مِیدی.

کسی ره که دَ ایمان خُو ضعِیف اَسته قبُول کُنِید، لیکِن نَه بَلدِه ازی که دَ بارِه عقِیدِه های ازُو جَر-و-بحث کُنِید.

تُو کِی اَستی که دَ بارِه غُلامِ کسِ دِیگه قضاوَت مُونی؟ اُستوار مَندو یا اُفتَدونِ ازُو مربُوطِ بادار شی مُوشه. و اُو اُستوار مُومَنه، چُون خُداوند مِیتَنه که اُو ره اُستوار کُنه.