Suosittuja jakeita Raamatun kirjasta رُومیا 5

Jaa

مگم خُدا مُحَبَت خُو ره بَلدِه ازمو دَ اینی طرِیقه ثابِت کد، دَ حالِیکه مو هنوز گُناهکار بُودی مسیح بَلدِه مو مُرد.

و امی اُمِید، مو ره شرمِنده نَمُونه، چراکه مُحَبَتِ خُدا دَ وسِیلِه روح اُلقُدس که دَز مو دَده شُده، دَ دِل های مو ریختَنده شُده.

نَه تنها دَ امزی، بَلکِه دَ رَنج ها-و-مُصِیبت های خُو ام اِفتخار مُونی، چُون مو مِیدَنی که رَنج-و-مُصِیبت پایَداری ره دَ وجُود میره؛ پایَداری، باطِن مو ره قَوی مُونه و باطِنِ قَوی، اُمِید ره دَ وجُود میره

پس بخاطرِ که مو از طرِیقِ ایمان عادِل حِساب شُدی، مو قد خُدا دَ وسِیلِه مَولای خُو عیسیٰ مسیح دَ صُلح-و-آشتی اَستی. مو دَ وسِیلِه ازُو و از طرِیقِ ایمان دَ فَیضی دِسترَسی پَیدا کدی که فِعلاً دَز شی اُستوار اَستی. مو دَ اُمِیدی که بَلدِه شرِیک شُدو دَ بُزُرگی-و-جلالِ خُدا دَری اِفتخار مُونی؛

چُون وختِیکه مو هنوز بیچاره بُودی، مسیح دَ زمانِ تعیِین شُده بَلدِه مردُمای بےخُدا جان دَد.

پس آلی که مو دَ وسِیلِه خُونِ ازُو عادِل حِساب شُدی، چِیقَس کَلوتر مو دَ وسِیلِه خودِ ازُو از غَضَبِ خُدا نِجات پَیدا مُونی!

چُون امُو رقم که دَ وسِیلِه نااِطاعَتی یگ اِنسان غَدر کسا گُناهکار شُد، امُو رقم دَ وسِیلِه اِطاعَتِ یگ آدم غَدر کسا عادِل حِساب مُوشه.

نَه تنها امِیقَس، بَلکِه مو دَ بَلِه خُدا ام دَ وسِیلِه مَولای مو عیسیٰ مسیح اِفتخار مُونی که تَوَسُطِ ازُو مو فِعلاً صُلح-و-آشتی دَرے.