Suosittuja jakeita Raamatun kirjasta Yohanee 14

Jaa

Ke̱tɔ ne̱ ko̱ kyɔ‑ɔ e̱ gye̱ fe̱yɛ mo̱ e̱ sa mo̱ne̱ kaye̱e̱yuri. Mo̱ fɔŋfɔŋ kaye̱e̱yuri ne̱ n de mo̱ e̱ sa mo̱ne̱, amaa n gye̱ ane̱ŋ ne̱ kaye̱‑rɔ ase̱sɛ de ba sa‑ɔ ne̱ n de mo̱ e̱ sa mo̱ne̱. Mo̱ne̱ ma sa a mo̱ne̱ iduŋ te̱ŋŋe̱ mo̱ne̱ na kufu nya mo̱ne̱.

Ne̱ Yeesuu a be̱ŋŋaa mò̱ fe̱yɛ, “Mo̱‑ɔ mo̱ e̱ gye̱ kpa amo̱. Mo̱ e̱ gye̱ ne̱ ŋ kaapo̱ ɔko̱ kase̱ŋtiŋ a kpa ne̱ ɔ bo̱rɔ se̱, na ɔ nya nya ŋkpa na kukyure ne̱ a mo̱ŋ de kɛɛ‑ɔ. Ane̱ŋ se̱‑ɔ, ɔko̱ maa taare̱ a ɔ yɔ n se̱ ase̱, amɔ ɔ bo̱rɔ mo̱ se̱ pwɛɛ.

Ne̱ Yeesuu a kya se̱ tɔwe̱ gywii mò̱ agyase̱po̱‑ɔ fe̱yɛ, “Mo̱ne̱ ma lɛɛ sa a mo̱ne̱ iduŋ te̱ŋŋe̱ mo̱ne̱. Mo̱nꞌ de̱e̱ kɔɔre̱ Wuribware̱ gyi, na mo̱nꞌ de̱e̱ kɔɔre̱ mo̱‑ɔ gyi.

Amaa mo̱ne̱ ya taŋ mo̱ ase̱ŋ‑ɔ se̱, ɔkyarɔpo̱ amo̱ ne̱ ba te̱e̱ mò̱ ɛ Wuribware̱ a kufwiiŋe timaa‑o ne̱ n se̱ de mò̱ ɔ kyo̱ŋwe̱ mo̱ ke̱nyare̱‑rɔ‑ɔ e̱ kaapo̱ mo̱ne̱ ke̱tɔ ke̱maa, na ɔ sa a mo̱nꞌ nyiŋŋi ke̱tɔ ke̱maa ne̱ mo̱ a tɔwe̱ gywii mo̱ne̱‑ɔ se̱.

Ɔke̱maa ne̱ ɔ kɔɔre̱ mo̱ mbraa, ne̱ ɔ gya mmo̱ se̱ nɛɛnɛɛ‑ɔ, a kaapo̱ ne̱e̱ fe̱yɛ ɔ kpa mo̱ ase̱ŋ. Ɔko̱ ne̱ ɔ kpa mo̱ ase̱ŋ‑ɔ, n se̱ e̱ kpa mò̱ ase̱ŋ. Na ŋ gbaa, ŋ kpa mò̱ ase̱ŋ, na n sa a o gyii mo̱.”

Na ŋ ye̱re̱‑rɔ tɔwe̱ gywii n se̱, na ɔ ba ɔkyarɔpo̱ bo̱ kyo̱ŋwe̱ mo̱ne̱, na ɔ ye̱re̱ mo̱ ayaa‑rɔ, na mo̱ne̱ aa mò̱ kye̱na. Mò̱ e̱ gye̱ Wuribware̱ a kufwiiŋe‑o, kase̱ŋtiŋ wuye‑o. Kaye̱‑rɔ ase̱sɛ maa taare̱ a bo̱ buŋŋi bamo̱ ŋkpo̱nɔ‑rɔ sa mò̱, a le̱e̱ fe̱yɛ bo̱ mo̱ŋ ke̱e̱ mò̱, ne̱ bo̱ maa taare̱ a bo̱ gyii mò̱. Amaa mo̱ne̱ fe̱raa, mo̱ne̱ e̱ taare̱ a mo̱nꞌ gyii mò̱, a le̱e̱ fe̱yɛ o sii mo̱ne̱ ase̱, na ɔ kye̱na mo̱ne̱ ŋkpo̱nɔ‑rɔ.

Mo̱ ya yɔ n se̱ ase̱, ke̱tɔ ke̱maa ne̱ mo̱ne̱ ke̱maa ya ko̱re̱ mo̱ ke̱nyare̱‑rɔ‑ɔ, mo̱ e̱ waa a n sa mò̱, na n se̱ ke̱dabe̱ nya bo̱rɔ mo̱ se̱ bo̱ le̱e̱ kawu. Amo̱se̱ se̱‑ɔ, mo̱ne̱ ya ko̱re̱ ke̱tɔ ke̱maa mo̱ ke̱nyare̱‑rɔ, mo̱ e̱ waa a n sa mo̱ne̱.”

Ne̱ Yeesuu a kya se̱ tɔwe̱ fe̱yɛ, “Mo̱ne̱ e̱ kpa mo̱ ase̱ŋ fe̱raa, mo̱nꞌ gya mo̱ mbraa se̱.

A le̱e̱ fe̱yɛ akyaŋ bwe̱e̱tɔ bo̱ n se̱ aye̱, amo̱se̱ se̱‑ɔ mo̱ e̱ gye̱ ŋkpɛɛ a ŋ nya lɔŋŋɔ e̱kye̱nakpa sa mo̱ne̱. Weetee a dɛɛ a mo̱ŋ gye̱ ane̱ŋ ne̱e̱, ma tɔwe̱ amo̱‑ɔ a n gywii mo̱ne̱.

Fe̱yɛ mo̱ ya lɔŋŋɔ e̱kye̱nakpa sa mo̱ne̱‑ɔ, mo̱ i kiŋŋi a m ba bo̱ taa mo̱ne̱ yaa mo̱ ase̱, na mo̱nꞌ nya kye̱na mfe̱ŋ ne̱ n te‑o.

Ne̱ Tomas a tɔwe̱ gywii mò̱ fe̱yɛ, “Mo̱ nyaŋpe̱, ane̱ mo̱ŋ nyi mfe̱ŋ ne̱ fo̱ e̱ yɔ‑ɔ. Ne̱ e̱me̱ne̱ ne̱ ane̱ e̱ waa a ane̱ ŋu kpa bo̱ yɔ mfe̱ŋ?”