Suosittuja jakeita Raamatun kirjasta मरकुस 16

Jaa

अर वो उणौ नै कयौ, “थै हैंग संसार मांय जायनै हैंग लोगां नै सुभ संदेस परचार करौ।

अर विसवास करण वाळा मांय ऐ निसाण होवैला की वे म्हारै नाम ऊं दुस्ट आतमा निकाळैला। नई नई भासा बोलेला। अगर सांपो नै उठावैला अर जे वे जैर भी पी जावै तौभी उणौनै हानि नीं होवैला। वे बिमारों माथै हाथ राखेला, अर वे ठीक हो जावैला।”

जिकौ सुभ संदेस माथै विसवास करै अर बतिस्मो लेवे उणरौ ही उद्धार होवैला। पण जिकौ कोई थौरी बातां माथै विसवास नीं करैला वो दोसी ठैरायौ जावैला।

चेलौ मिलनै हैंग जगा परचार करयौ, अर परभु उणौरै साथै कांम करतौ रियौ, अर उण निसाण रै साथै जिकौ साथै साथै होवता हा वचन नै हाच करता रिया।

वो उणौ नै कयौ, “डरौ मती, थै नासरत मे रैवण वाळा यीसु नै जिकौ सूली माथै चढ़ायौ गियौ हो, सौधौ हो। वो जी उठयौ है, अठै कोनीं है। देखौ आ वोहीज जगा है, जठै वे उणनै राखियौ हो।

जणै वे आंख उठाई, तो देख्यौ की भाटो सिरकयोड़ो हो! वो अणूंतौ ही मोटो हो। अर कबर रै मांय जायनै, घणी हेरान होई वे एक जवान नै सफेद गाभा पेरयोड़ा जीमणै तरफ बैठा देखिया।