Suosittuja jakeita Raamatun kirjasta XÓ NI̱GI̱ꞋDU̱U̱N-MUU 1

Jaa

Xúꞌkhue̱n máꞌ niꞌthán Ana̱ꞌlóꞌ: «Gu̱ꞌni̱i̱lóꞌ xa̱bo̱ rá, mbá xóo ikháánlóꞌ, jamí xóo jaꞌñáálóꞌ, ikhaa jngó muthan-ñajúu̱n i̱gi̱ꞌ tsí júwa̱ꞌ ná iya a̱pha̱, jamí ño̱ꞌo̱n tsí nagóó inuu gíñá. Xúꞌkhue̱n máꞌ muthan-ñajúu̱n xu̱kú kiraꞌdiin, xu̱kú-xáná, xúꞌkhue̱n máꞌ xúgíin xu̱kú tsí nu̱xma̱tha-mi̱jna̱ ná inuu ju̱ba̱ꞌ». A̱ꞌkhue̱n rí Ana̱ꞌlóꞌ niꞌnii xa̱bo̱ mbá xóo ikhaa̱, xómá jaꞌnii jayuu Ana̱ꞌlóꞌ niꞌnii̱. Xa̱biya̱ jamí a̱ꞌgo̱ niꞌnii̱.

Xúꞌkhue̱n máꞌ neꞌne tsakun-rámii̱ rí niꞌthúu̱n ajngáa ríge̱ꞌ: «Ga̱mi̱dia̱ꞌlaꞌ, a̱ga̱ꞌne mbaꞌáa̱nꞌlaꞌ, a̱go̱ne̱ matíí-mi̱jna̱laꞌ ná inuu numbaa, xúꞌkhue̱n máꞌ a̱gu̱tha̱n-ñájuíín numbaa. A̱gu̱tha̱n-ñájúún i̱gi̱ꞌ tsí júwa̱ꞌ ná iya, ño̱ꞌo̱n tsí nagóó inuu gíñá, jamí mbá xúgíin xu̱kú tsí na̱ba̱ñi̱i̱ꞌ ná inuu ju̱ba̱ꞌ».

Nákhí rí ginii, neꞌne ku̱maa Ana̱ꞌlóꞌ mikhu ga̱jma̱á ju̱ba̱ꞌ.

Mbá nikhuáa kri̱ga̱ ju̱ba̱ꞌ jamí kri̱ga̱ chú ne̱. I̱ndo̱ó jína kri̱ga̱ inuu iya me̱jno̱ꞌ a̱pha̱. I̱ndo̱ó Xu̱u̱ꞌ Ana̱ꞌlóꞌ ngrámuu inuu iya.

Niꞌthán Ana̱ꞌlóꞌ: «Ga̱ri̱gá agu». Jngó niríga̱ agu rí nambiꞌi.

A̱ꞌkhue̱n ndiꞌyoo Ana̱ꞌlóꞌ mbá xúgíí rí neꞌne ku̱maa, rí phú máján mi̱ndaꞌkho jaꞌnii ne̱. A̱ꞌkhue̱n niríga̱ mbroꞌon jamí mbiꞌi, rí mbiꞌi timajuun.

A̱ꞌkhue̱n ndiꞌyoo Ana̱ꞌlóꞌ rí máján agu. Jamí xúꞌkhue̱n nixpíꞌtháa̱ ne̱ ga̱jma̱á rí jína.

A̱ꞌkhue̱n niꞌthán Ana̱ꞌlóꞌ: «A̱gu̱yáálaꞌ rí na̱xna̱ꞌlaꞌ mbá xúgíí iná rí naxná tsíga rí ríga̱ inuu ju̱ba̱ꞌ, xúꞌkhue̱n máꞌ ixe̱ rí naxná xndúu jamí gíꞌdoo tsígoo, rí ikhaa ne̱ mo̱pholaꞌ.

Rí agu, Ana̱ꞌlóꞌ nixná mbiꞌyuu «mbiꞌi», rí jína nixná mbiꞌyuu̱ «mbroꞌon». Niríga̱ mbroꞌon jamí mbiꞌi, rí neꞌne timbá mbiꞌi.

A̱ꞌkhue̱n niꞌthán Ana̱ꞌlóꞌ: «Ga̱ri̱gá gaꞌchú a̱pha̱ ná ti̱kua̱pho̱o̱ iya, jngó ma̱wiꞌtháa iya».

Xómáꞌ xúgíin xu̱kú tsí júwa̱ꞌ nduya, xúgíin máꞌ xu̱kú-xáná, ño̱ꞌo̱n tsí nagóó inuu gíñá, jamí xu̱kú tsí nu̱xma̱tha-mi̱jna̱, mbá xúgíí iná rí maxa ma̱ꞌne rí mu̱phi̱i̱». Jamí xkuaꞌnii máꞌ nimbánuu.

A̱ꞌkhue̱n niꞌthán Ana̱ꞌlóꞌ: «Ga̱ri̱gá ná mikhu agu rí ma̱mbiꞌi-ti̱ga̱, jngó ma̱goo ma̱ꞌne wájíí-mina̱ꞌ mbiꞌi ga̱jma̱á mbroꞌon. Ikhaa jngó ma̱ꞌga-rakujmaa go̱nꞌ rí ruꞌphu, go̱nꞌ rí ruꞌwa, xúꞌkhue̱n máꞌ mbiꞌi ga̱jma̱á tsigu.

A̱ꞌkhue̱n niꞌthán Ana̱ꞌlóꞌ: «Gaxná inuu ju̱ba̱ꞌ iná ga̱jma̱á ixe̱: iná rí naxná tsíga, jamí ixe̱ rí naxná xndúu jamí tsígoo. Mbámbá inii gáríga̱». Jamí xkuaꞌnii nimbánuu.

Xkuaꞌnii máꞌ nimbánuu. Ana̱ꞌlóꞌ neꞌne gaꞌchú a̱pha̱, ikhaa jngó nixpíꞌtháa̱ iya rí kri̱ga̱ agoo gaꞌchú ga̱jma̱á iya rí ríga̱ tsu̱du̱u̱ gaꞌchú ri̱jma̱á.

Nixná inuu ju̱ba̱ꞌ mbá xúgíí inii iná ga̱jma̱á ixe̱: iná rí naxná tsíga, jamí ixe̱ rí naxná xndúu jamí tsígoo. Ndiꞌyoo Ana̱ꞌlóꞌ rí máján rí neꞌne.

Ana̱ꞌlóꞌ neꞌne a̱jma̱ agu mba̱ꞌo̱. Agu rí i̱wa̱á mba̱a̱ maꞌthán-ñájuun mbiꞌi. Agu rí wáa tikhu mba̱a̱ maꞌthán-ñájuun mbroꞌon. Xúꞌkhue̱n máꞌ niꞌnii̱ a̱ꞌgua̱án mangiin.

A̱ꞌkhue̱n niꞌthán Ana̱ꞌlóꞌ: «A̱gu̱waa̱ iya. I̱mbóó gáꞌni̱i̱ rí kri̱ga̱ ná agoo mikhu. Ga̱kujmaa rí mixoo». Jamí xkuaꞌnii máꞌ nimbánuu. Rí mixoo, Ana̱ꞌlóꞌ nixná mbiꞌyuu «ju̱ba̱ꞌ», jamí ná niwa̱a̱ iya Ana̱ꞌlóꞌ nixná mbiꞌyuu «iya a̱pha̱». A̱ꞌkhue̱n ndiꞌyoo Ana̱ꞌlóꞌ rí máján rí neꞌne.

A̱ꞌkhue̱n Ana̱ꞌlóꞌ neꞌne tsakun-rámii̱ ga̱jma̱á ajngáa ríge̱ꞌ: «Ga̱mi̱dia̱ꞌlaꞌ, a̱ga̱ꞌne mbaꞌáa̱nꞌlaꞌ, a̱go̱ne̱ matíí-mi̱jna̱ ná awúun iya a̱pha̱. Xúꞌkhue̱n máꞌ ga̱mi̱diu̱ún ño̱ꞌo̱n inuu numbaa».

A̱ꞌkhue̱n niꞌthán Ana̱ꞌlóꞌ: «A̱ga̱mi̱diúún ná inuu ju̱ba̱ꞌ mbámbá inii xu̱kú: xu̱kú kiraꞌdiin, xu̱kú-xáná, jamí xu̱kú tsí nu̱xma̱tha-mi̱jna̱». Jamí xkuaꞌnii máꞌ nimbánuu.

A̱ꞌkhue̱n niꞌthán Ana̱ꞌlóꞌ: «Ga̱mi̱diu̱ún xúgíin xu̱kú iya, jamí xúꞌkhue̱n máꞌ ga̱mi̱diu̱ún ño̱ꞌo̱n tsí magóó inuu gíñá ná mikhu a̱pha̱».

Ana̱ꞌlóꞌ niꞌnii mbámbá inii xu̱kú kiraꞌdiin, mbámbá inii xu̱kú-xáná, mbámbá inii xu̱kú tsí nu̱xma̱tha-mi̱jna̱ inuu ju̱ba̱ꞌ. A̱ꞌkhue̱n ndiꞌyoo Ana̱ꞌlóꞌ rí máján rí neꞌne.