Suosittuja jakeita Raamatun kirjasta Juan 3

Jaa

Entonces che e Jesús: —E Dios meyra uyajta utob' e gente tara tor e rum y umen era uyeb'ta tari Uyunen xe' inte' taca ayan tua' achamay tamarob', y tamar era tunor tin e ac'otoy ac'upseyanob' tamar machi tua' asatpob' sino que c'ani uch'amiob' e cuxtar xe' machi tua' ac'apa.

Porque conda Catata Dios uyeb'ta tari Uyunen tara tor e rum, machi uyare Uyunen tua' utijres tin e turob' tara tor e rum, sino que uyare tua' watar acorpesian.

Entonces ojron e Jesús y che: —C'ani inwaret que tin e machi asutpa acuxpa otronyajr machi uyub'i uwira uchinam e Dios, che e Jesús.

’Pues tin e war ac'upseyan tama Uyunen e Dios machi tua' asatpa, pero tin e machi ac'upseyan tamar satrem ixto, porque machi c'otoy c'upseyan tama Uyunen e Dios xe' inte' taca ayan.

Y tamar era tunor tin e machi c'ani ac'upseyanob' tamar aquetpob' satrem inyajrer, porque conda uwirob' e janch'aquenar xe' jax Uyunen e Dios xe' tari tara tor e rum, machi uc'aniob', sino que más war uc'aniob' e incsib'aner porque mab'amb'an tunor lo que war uchiob'.

Y tamar era jaxir uc'ani tua' aquetpa más nuxi winic, y nen uc'ani tua' inquetpa más chuchu nic'ampib'ir, che e Juan.

Tunor tin e war uchiob' e mab'amb'anir war uxejb'iob' ut e janch'aquenar, y tamar era machi ac'otoyob' tut e janch'aquenar porque machi uc'aniob' tua' achectesna que mab'amb'an tunor lo que war uchiob'.

Pues tin e ac'upseyan tama Uyunen e Dios c'ani uch'ami e cuxtar xe' machi tua' ac'apa. Pero tin e machi c'ani ac'upseyan tamar machi tua' uch'ami e cuxtar xe' machi tua' ac'apa, sino que c'ani ac'axi tunor e nuxi q'uijnar tua' e Dios tama ujor, che e Juan xe' ajch'uymar.

Pues b'an cocha e Moisés ut'ab'se uturb'a tichan incojt chan tama e choquem lugar tama e onian tiempo, y b'an ixto tua' achena tamaren xe' Uyunenen e winic que c'ani int'ab'esna inch'ub'na tut inte' te'.

Y chequer que Catata Dios uyajta ut Uyunen, porque ixin uyajc'u tua' ac'otori tujor tunor lo que ayan.