Suosittuja jakeita Raamatun kirjasta Lucas 24

Jaa

Y c'ani inwareox era que nen c'ani inweb'ta watar e chojb'esiaj b'an cocha cay uyareox Catata Dios y tamar era nox tua' ich'ami Unawalir e Dios. Pero irato ixloc'oy tama e chinam Jerusalem era este que ac'apa ich'ami tunor uc'otorer Unawalir e Dios xe' watar tichan tut e q'uin, che e Jesús.

Machix turu tara, sino que sutpa b'ixc'a tujam e chamenob'. C'ajpesic imener lo que uyareox conda turuan tacarox tama e departamento Galilea.

Y tama e momento era checta tutob' que e winic era jax e Jesús, pero wacchetaca satpa tutob' y ixin. Entonces cay ojronob' jaxob' taca y chenob': —¿Machi ca aquirca cawalma conda war o'jron tacaron waton tama e b'ir conda war uchecsu ticoit tunor uyojroner e Dios? chenob'.

Y che e Jesús: —Ch'ar tz'ijb'ab'ir tama uyojroner e Dios ixnix e tiempo que e Cristo uc'ani tua' achamesna, y de allí c'ani asutpa ab'ixc'a tujam e chamenob' tama e uxte' día. Y ch'ar tz'ijb'ab'ir ub'an que tama uc'ab'a e Cristo uc'ani tua' ixixin ichecsu tut tunor e gente xe' aturuanob' tama tunor or e rum que uc'ani tua' uyactob' tunor umab'amb'anirob', y tamar era e Dios tua' ac'umpa tacarob'. Pero nox uc'ani tua' icajyes iche tunor era tama e chinam Jerusalem.

Pero conda c'otoyob' tama umujr e Jesús utajwiob' que jachb'irix e nuquir tun xe' macar ani e ch'en tacar. Y ochoyob' tama e ch'en, pero machi utajwiob' ucuerpo Cawinquirar Jesús.