Suosittuja jakeita Raamatun kirjasta Jṉ. 17

Jaa

Ti nekasa nuja̱i̱ péṉker shiir awajsarta. Ame chichamem imiá nekasaiti.

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Aya níniunkeka seatainiatsjame antsu ashí ni chichame̱ncha antukar Winia nekas enentáimtursartatna nusha ame yaiṉkiarta tusan seajme. Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Jú̱ nuṉkanmaya̱ ji̱i̱ra̱i̱ tusan seatsjame. Antsu emesmau nin nupetkar yajauch awajsara̱i̱ṉ tusan seajme.

Ame páantniuram surusuitmena núnisnak Wisha winia páantniurun súsaruitjiai. Iikia chikichik ájinia núnisaṉ nisha chikichik ajasárti tusan túraitjiai. Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.