Suosittuja jakeita Raamatun kirjasta Yoãm 10

Jaa

Ha ta xupxet nũn, nũy tu xupxet, nũy kahnẽn kix, nũy xohix koxyõy. Hã kaxĩy 'ũnõy tep-tup, nũy yõg kuxa mãm ka'ok xop kix, nũy koxyõy. Pa 'ãte yõg kuxa mãm ka'ok xop pẽnã max, ha' kuxa mãm, tu' hittup, yã' kuxa hittup xexkah.

—Ta 'ãte kahnẽn pẽnã'ax max putuk kamah. Kahnẽn pẽnã'ax max te kahnẽn pupi tu xok, yã 'ãte tikmũ'ũn pupik xok putup.

'Ãte yãy yõg kuxa mãm ka'ok xop xãnãhã', ha nõm tek 'ãpak, tu' yĩpkox pip. 'Ãte nõm yũmmũg, ha nõm tek pe' mõg, yã kahnẽn putuk, yã kahnẽn te kahnẽn pẽnã'ax pe' mõg putuk.

Yã yõg kuxa mãm ka'ok xop, ha' nõy te nõm pop putup'ah. 'Ãte yãy yõg xop hĩnnãhã', ha' pip hãmyãxatamuk xohix kux 'ohnãg hã Topa yĩka', yã' xakix xexkap-tup'ah.

Kahnẽn te hãmpak'ax yõg hãmyĩkox hã mõxakux hãmpak'ax kopah, tu ta' mõg nõmhã hato'ah kamah, nũy tu xit. 'Ũnõy te kahnẽn koxyõy 'ohnãg. Hã kaxĩy 'ãte yõg kuxa mãm xop pẽnãhã', ha' nõy te nõm koxyõy 'ohnãg.

Pa 'ãte kahnẽn yõg pẽnã'ax max putuk. Yõgnũ 'ãtak tek yũmmũg, ha 'ãte yãy yõg 'ãtak yũmmũg. 'Ãte yãy yõg kuxa mãm xop yũmmũg, ha yõg kuxa mãm ka'ok xop tek yũmmũg, ha 'ãte mõ nõm yãyxe'ẽgnãg, hu nõm pupik xok putup.

Yõgnũ 'ãtak 'ã kuxa mãm xop popmãhã'. Ha yõgnũ 'ãtak 'ũxexkanãm. 'Ũkuxa mãm xop yã yõgnũ 'ãtak yõg, ha' nõy te nõm pop putup'ah. Yõgnũ 'ãtak 'ũxexka xik mũn yã yãy putuk. Kaxĩy.

Pa 'ãte kahnẽn yõg pẽnã'ax max putuk. Yõgnũ 'ãtak tek yũmmũg, ha 'ãte yãy yõg 'ãtak yũmmũg. 'Ãte yãy yõg kuxa mãm xop yũmmũg, ha yõg kuxa mãm ka'ok xop tek yũmmũg, ha 'ãte mõ nõm yãyxe'ẽgnãg, hu nõm pupik xok putup.

'Ãte tux hok, pu tikmũ'ũn 'ũkputex hok, puxix tikmũ'ũn 'ũkputex hok. 'Ãtep-tup, puxix tikmũ'ũn 'ũkputex. Topa te' xat, ha 'ãtep-tup, kopxik xok putup, tu putpuk hip-tup. Kaxĩy.

Ta xe hãm'ãktux Yeyox te, hu: —'Ãte xa hãpxe'e 'ãktux. Kahnẽn te hãmpak'ax yĩkox hã mõxakux hãmpak'ax kopah. Yã' pip 'ũkopah, ha' nõy te kahnẽn koxyõy 'ohnãg. Hã kaxĩy 'ãte yõg kuxa mãm ka'ok xop pẽnãhã', ha' nõy te nõm koxyõy 'ohnãg.

Ha ta' xip kãmãnat. Xuxyã te nõm pu pago, pu tu kahnẽn pẽnã', pa 'ap kahnẽn yõg pẽnã'ax xe'e'ah, yã kãmãnat, yã 'ũyõg'ah kahnẽn. Ta kokexkata nũn, ha ta mõxupaha kãmãnat, yĩy ta kokexkata te kahnẽn pop, ha kahnẽn xohix nũpãnãm.

Ta xe tikmũ'ũn pu hãm'ãktux Yeyox te, hu: —'Ãte xa' yũmmũgãp-tup hãpxop, tu hãpxe'e 'ãktux putup. 'Ũxip kahnẽn yõg hãmpak'ax, ha' xupxet te hãmpak'ax 'ãtex, pa hãmpak'ax yĩkox hã' xupep 'ohnãg