Suosittuja jakeita Raamatun kirjasta Jenesis 39

Jaa

Yawe hemi stap wetem Josef, an olketa samting wea hemi duim, hemi gohed gudfala tumas. Josef hemi stap long haos blong Potifa, disfala man ya blong Ijip hu hemi masta blong hem.

So Potifa hemi putum evrisamting wea hemi onam long han blong Josef, an hemi no wari moa long enisamting, hemi gohed fo tingting nomoa long olketa kaikai blong hem. Josef hemi wanfala yang man wea hemi barava naesbola fogud.

so hemi putum hem fo lukaftarem olketa narafala prisin man wea olketa stap insaet long prisin ya, an hemi mekem hem fo bos tu long olketa waka insaet long prisin ya.

So hemi sendem olketa man blong hem fo go holem Josef, an torowe hem long prisin. Hem nao sem prisin ya wea oltaem king hemi gohed fo putum olketa prisin man blong hem insaet. Nomata Josef hemi stap long prisin, Yawe hemi stap wetem hem olowe nomoa, an hemi gohed fo blesim hem. Nao bos blong prisin ya hemi hapi long Josef

No longtaem nomoa, waef blong Potifa hemi gohed fo kavetem hem, an hemi askem hem fo hemi slip wetem hem. Bat Josef hemi no laekem disfala wei ya, so hemi tok olsem long woman ya, “!Nomoa ya! !Yu no duim olsem long mi! !Yu lukim! Distaem, masta blong mi hemi no wari long enisamting long haos blong hem ya nao, bikos mi stap wetem hem. Hemi putum mi fo bos long evrisamting ya wea hemi onam. An mi garem raet fo yusim olketa samting wea hemi garem long haos ya. Bat yu nomoa yu blong hem seleva, bikos yu nao waef blong hem an mi no save yusim. Sapos mi slip wetem yu, hemi barava nogud tumas ya, mi no save duim disfala ravis samting olsem, an hemi mekem sin long ae blong God tu.”

Go-go nao, long wanfala de, taem hemi go insaet long haos fo duim waka blong hem, no eni narafala slev moa hemi stap wetem hem. Nao woman ya hemi holetaet long kaleko blong hem, an hemi tok olsem, “!Plis yu slip wetem mi nao!” Bat Josef hemi lusim longfala kaleko blong hem ya, an hemi ranawe go aotsaet long haos.