Suosittuja jakeita Raamatun kirjasta Jenesis 9

Jaa

An God hemi tok olsem, “Spesol promis blong mi ya wea mi mekem wetem yufala an evrisamting wea i laef, bae hemi no save finis, an saen blong hem nao bae hemi olsem. Bae mi putum renbo blong mi fo hemi stap long klaod, an renbo ya bae hemi saen long promis blong mi ya, wea mi mekem wetem yufala.

Taem renbo hemi kamaot long klaod, bae mi lukim an bae mi tingim promis blong mi ya wea mi mekem wetem yufala. Spesol promis blong mi ya bae hemi no save finis.”

Man wea i kilim dae narafala man, bae olketa mas kilim hem dae tu, bikos mi mekem man fo hemi olsem mi seleva.

Nao God hemi blesim Noa wetem trifala san blong hem, an hemi tok olsem long olketa, “Yufala mas garem plande pikinini, mekem wol ya hemi fulap long olketa.

Fastaem, mi givim olketa samting long gaden nomoa long yufala fo yufala kaikaim, bat stat distaem, mi givim olketa animol an bed an fis ya tu long yufala, mekem olketa nao olsem mit blong yufala fo kaikaim.

Evri animol blong wol ya, wetem evri bed an evri fis bae olketa fraet long yufala. An evrisamting ya olketa stap long han blong yufala.

Yufala mas garem plande pikinini, an olketa pikinini blong yufala olketa mas garem plande pikinini blong olketa, mekem olketa fulumap wol ya.”