Suosittuja jakeita Raamatun kirjasta Mateus 21

Jaa

Po pe jikogi Tupana'ga rehe, a'ero po ti Tupana'ga penhi'ig̃a rendukatui pe erame ga pe nahanahã ore oropota javo, ei Jesus'ga g̃wemimbo'ehara'g̃a pe.

A'ero Jesus'ga ei g̃a pe: —Imombe'ukatuavo ji ei pe me: Po pe jikohetei Tupana'ga rehe, a'ero ji ja po ti pe imohe'õi i'yva. Koji'i po ti pe popoakaramo nehẽ no. Po ti pe ei avova'ea pe yvytyra pe nehẽ: “Ejipe'a ti enhimomboa ypiahua pype.” Po ti pe ei na nehẽ, a'ero po ti yvytyra ihoi ypiahua pype nehẽ, ei Jesus'ga.

Jara'g̃a oho ga renonde. Jara'g̃a oho ga reviri. Nahã he'yjuhuheteve'g̃a hoi ga rupi. Hahyahi hete g̃anhi'ig̃a g̃a erame: —“Timbohete ti Daviva'ea rymymino'ga!” ei g̃a ga ko nhanderuvihavuhuhete'ga javo. “Ga pe ti nhandepojykaharete'ga tomombyry. A'ereki nhandepojykaharete'ga ga mbuhuruka avo,” ei g̃a. “Timbohete ti Tupana'ga yvagipeheteve'ga!” Nahã g̃a ei Jesus'ga ko Tupana'ga remimbuhurukara'ga javo.

G̃a pe ga ei: —Ymyahũ Tupana'ga ei ikwatijaruka hako: “Tonhi'ĩ ti g̃a ji ve nhironga pype yvya koty ji mboheteavo,” ei Tupana'ga hako, ei Jesus'ga g̃a pe. —Pe ki a'e te pe'ji pejohupe: “Timoandyandyjuhu ti g̃a ikwepykwepyga mbatera pyvõ Tupana'ga ronga pype,” pe'ji, ei Jesus'ga. Nahã pe Tupana'ga ronga mongoukari iporomive'g̃a nduhavamo, ei Jesus'ga ikwepykara'g̃a pe.

“Ere ti cidadepeve'g̃a pe Siãopeve'g̃a pe: ‘Pehepia ti! Penduvihavuhuhete'ga uhu pe pyri. Ga ko oko nhyrõ. Ga po ti oho yuhua'javuhuva'ea arimo jumenta ra'yra arimo ua nehẽ’,” ei ahe Tupana'ga nhi'ig̃a mombe'gwovo hako.

—Na tuhẽ po ti nehẽ, ei Jesus'ga. Napemonhi'ig̃i pe Tupana'ga rembikwatijarukara naerũ? A'ea e'i: “Onga apohara'g̃a japorame onga ita apopyra hepiagi ojipeji ita. A'ea g̃a imombori ipo'rue'yma tiruahũ javo jupe. Aerẽ akoja jitehe hekoi huvihavamo jara hohe opyryhetero onga pyhykatuavo. Nhandepojykaharete'ga reki omongo huvihavamo. Hepiagame nhande nhimomby'ai nanongara ko pyry hete javo.” A'ea ikwatijaripyra i'ei, ei Jesus'ga oarõe'yma mombe'gwovo g̃a pe.

—Nurã ji ei pe me: Tupana'ga ndokoa'javi penduvihavuhuhetero judeus'g̃a nduvihavuhuhetero pe ndepiakatua'jave'yma nehẽ, ei Jesus'ga. Oko po ti ga ojipe'g̃a nduvihavuhuhetero – kiroki g̃a ga nhi'ĩpo'ru ojikoga ga rehe, ei Jesus'ga.