Suosittuja jakeita Raamatun kirjasta CAKACAKA 2

Jaa

Sa qai kaya vei ira o Pita, “Oi kemuni yadua mo ni veivutuni ka papitaisotaki ena yaca i Jisu Karisito, me bokoci kina na nomuni i valavala ca; ena qai soli vei kemuni na i solisoli ni Kalou, na Yalo Tabu.

Era sa soli ira vakatabakidua ki na nodratou veivakatavulici na i apositolo, na tiko vakaveitokani, na dovi madrai kei na masumasu.

Era sa vakasinaiti kecega ena Yalo Tabu, ka sa vakatekivu me ra vosataka na veivosa tani eso, me vaka sa solia vei ira na Yalo Tabu.

Sa qai lako vakasauri mai lomalagi e dua na rorogo, e vaka na cagi vakacevaruru kaukauwa, ka vakasinaita na vale taucoko era tiko kina. Sa qai rairai vei ira na ka e vaka na yameyame ni buka, sa veisebayaki, ka la'ki toka ena buradela ni tamata yadua. Era sa vakasinaiti kecega ena Yalo Tabu, ka sa vakatekivu me ra vosataka na veivosa tani eso, me vaka sa solia vei ira na Yalo Tabu.

Era dau tiko ena lomavata ena Valenisoro ena veisiga, ka dovi madrai ena nodra veivale, ka kania na kedra ena marau kei na lomavinaka, ka vakavinavinaka vua na Kalou, ka marautaka na i solisoli loloma ni tamata kecega. A sa vakaikuritaka na Turaga na i wiliwili ni tamata vakabulai ki na nodra i soqosoqo ena veisiga.

‘Sa kaya na Kalou, Sa i koya oqo na ka au na vakayacora ena gauna mai muri. Au na sovaraka na Yaloqu vei ira na tamata kecega; Era na parofisai o ira na luvemuni tagane kei ira na luvemuni yalewa, Ka ra na raica eso na raivotu o ira na nomuni cauravou, Ka ra na tadra na tadra eso o ira na nomuni qase.

Era sa la'ki tiko vata tikoga o ira kece sa vakabauta, ka ra dui solia na nodra i yau me ra taukena vata. Era volitaka na nodra vanua kei na nodra i yau, ka vota na kena i lavo kivei ira kece, me vaka na ka e ganita na tamata yadua.

Ena qai yaco me vakabulai o koya yadua sa masuta na yaca ni Turaga.’ ”

Ena vuki na matanisiga me butobuto, Ka na damu na vula me vaka na dra Ni bera ni yaco mai na siga lagilagi ka rogo ni Turaga.