Suosittuja jakeita Raamatun kirjasta JONI 21

Jaa

Ni ratou sa katalau oti, sa qai kaya vei Saimoni Pita ko Jisu, “I Saimoni na luve i Jona, o sa lomani au vakalevu cake mai vei iratou oqo, se segai?” Sa kaya vua o koya, “Io Turaga, o ni sa kila ni'u sa lomani kemuni.” Sa qai kaya vua ko Jisu, “Vakani ira na noqu lami.” Sa kaya tale vakarua vei koya ko Jisu, “I Saimoni na luve i Jona, o sa lomani au li, se segai?” Sa kaya vua o Pita, “Io Turaga, o ni sa kila ni'u sa lomani kemuni.” Sa qai kaya tale vua ko Jisu, “Qaravi ira na noqu sipi.” A sa taroga tale, “I Saimoni na luve i Jona, o sa lomani au se segai?” Sa rarawa na loma i Pita ni sa kena i katolu na nona taroga vua, “O sa lomani au, se segai?” A mani kaya vua, “Kemuni na Turaga, o ni sa kila na ka kecega, o ni sa kila ni'u sa lomani kemuni!” A qai kaya vua ko Jisu, “Vakani ira na noqu sipi.

Au sa kaya vakaidina vei iko oqo: ni o a se gone, o a dau tu vakarau ka lako yani ki na vanua ga o sa digitaka mo lako kina; ia ni o sa qase cake, o na dodoka na ligamu ka na vesuki iko e dua tale na tamata, ka kauti iko ki na vanua o sa sega ni vinakata.”

Sa qai kaya vei iratou o koya, “Dou balata na lawa ki na i matau ni waqa, dou na kunea kina eso.” E ratou a mani balata kina, ka ratou a sega ni yavia rawa na lawa, ni sa ka levu sara na ika.

A qai kaya vei iratou o Saimoni Pita, “Au sa lako mada ki qoli.” E ratou a mani kaya vua, “Keitou na lako talega yani.” E ratou sa qai lako ka vodo ki na dua na waqa. Ia e ratou a sega ni rawata e dua na ika ena bogi o ya.