Suosittuja jakeita Raamatun kirjasta Éxodo 2

Jaa

Tsënö mañakuyaptinmi Teyta Dios wiyarqan. Tsëmi Abrahamwan, Isaacwan y Jacobwan pactu rurashqanta yarparnin ankupëkurqan. Tsënömi Israel nunakuna alläpa jipayanqanta rikarqan.

Tsëpita atska watakuna pasariptinnam Egipto nacionpa reynin wanurqan. Israel nunakunaqa esclävu kar jinallam jipakïkäyarqan. Tsënam llakikurnin Teyta Diosta mañakuyarqan Egiptupita jorqunanpaq.

Winariptinnam Faraónpa tsurin ëllukurkurqan. Pënam kikinpa wawannö kananpaq ëllukurqan. <<Yakupitam jorqarqü>> nirmi shutin churarqan Moisés nishpa.

Chäriptinnam Faraónpa warmi tsurin nirqan: <<Kë llulluta wätamunki. Pagashqëkim wätamunqëkipita>>. Tsënö niptinmi llulluta apakurqan wätananpaq.

Tsëpita rätullatanam Faraónpa warmi tsurin paqakunanpaq mayuman ëwarqan. Sirwiqninkuna mayu kuchunpa rikachakur puriyanqanyaqmi rikarqan ututu chöpinchö canasta kaskäkïkaqta. Tsëta rikëkurmi juk sirwiqninta kacharqan tsë canastata jorqunanpaq.

Tsëpitanam Moisésqa poqushqana këkar jukpin ëwarqan Hebreo mayinkunaman watukaq. Tsëchömi pëkuna alläpa jipar uryëkäyanqanta rikarqan. Tsënöllam juk Egipto nuna Hebreo nunatapis maqëkaqta rikarqan. Tsëmi Moisés llapan lädüpa rikachakurir y pitapis mana rikarnin Egipto nunata wanuratsirqan. Nïkurmi aqushaman pampëkurqan.