Suosittuja jakeita Raamatun kirjasta Éxodo 7

Jaa

Tsënö niptinnam Moisésta TEYTA DIOS nirqan: <<Shumaq wiyamë. Qamtam churarquq Faraónpa nöpanchö noqapa rantï kanëkipaq. Wawqiki Aarónnam willakuqniki kar Faraónta parlapanqa.

Tsënö parlapaptinpis Faraónpa shonqunta chukruyätsiptïmi jukllaqa jaqiyäshunkitsu. Mana jaqiyäshuptikinam espantëpaq castïgukunawan Egipto nunakunata jipatsishaq. Jipëkätsiptïpis Faraónqa manam cäsushunkitsu. Tsëmi Egipto nunakunata masraq jipatsir kuyanqä Israel nunakunata tröpa tröpa jorqamushaq.

Israel nunakunata tsënö jorquptïmi Egipto nunakuna käyikuyanqa poderyuq TEYTA DIOS kashqäta>>.

Tsënam Faraónpis qayatsirqan yachaqkunatawan brüjukunata. Pëkunapis Aarón rurashqannöllam rurayarqan. Tsëmi tukrunkunata pampaman jitëkuyaptin culebraman tikrariyarqan. Aarónpa tukrunnam pëkunapa tukrunkunata mikukurkurqan.

Kananmi musyanki TEYTA DIOS pï kanqantapis. TEYTA DIOS nimanqannömi kë aptarëkanqä tukruwan mayuta wiluptï yawarman tikrarinqa.

<<Faraón ima milagrutapis ruranëkipaq nishuptikiqa Aarónta ninki tukrunta Faraónpa nöpanman jitëkunanpaq. Jitëkuptinmi culebraman tikrarinqa>>. Tsënö niptinmi Moiséswan Aarón ëwar TEYTA DIOS ninqannölla Faraónpa nöpanchö llapantapis rurayarqan. Tsëmi Faraónpa y yanapaqninkunapa nöpanchö tukrunta pampaman Aarón jitëkuptin culebraman tikrarirqan.