Matiu 1
1
1Ma fayahi Yesu Kilisitohi tata'agi enigi'ani mana ni'ibe. Yesuhi tata'afu mone Tebiti yabe. To ana bomofihi tata'afu mone koyapa bo gi'a Abalaha yabe.
2Abalaha ai Isakahi afo'afu yabe. To Isaka ai Yakopuhi afo'afu yabe. To Yakopu ai Yutahi to gona'amagihi afo'anifu yabe. 3To Yuta ai liha'a Tema yagi etali pana'atiti loemo Pelesi to Yelaha yabe. To Pelesi ai Hesolonihi afo'afu yabe. To Hesoloni ai Lamihi afo'afu yabe. 4To Lami ai Aminatapehi afo'afu yabe. To Aminatape ai Nasonihi afo'afu yabe. To Nasoni ai Salamohi afo'afu yabe. 5To Salamo ai liha'a Lehapu yagi etali pana'atiti Boasa yabe. To Boasahi ai liha'a Luti yagi etali pana'atiti Opeti yabe. To Opeti ai Yesehi afo'afu yabe. 6To Yese ai Tebitihi afo'afu yagi ya'ma Tebiti sipi kibina bo huto hu'ehina yabe.
To Tebitiu ai mone bo Yulaiya yabe ana bomofihi liha'a Tebitiu lilago pana'a keto'ehina gi'a Solomoni yabe. 7To Solomoni ai Lehoboamuhi afo'afu yabe. To Lehoboamu ai Abaiyahi afo'afu yabe. To Abaiya ai Asahi afo'afu yabe. 8To Asa ai Yehosofatihi afo'afu yabe. To Yehosofati ai Yolamuhi afo'afu yabe. To Yolamu ai Asaiyahi afo'afu yabe. 9To Asaiya ai Yotamuhi afo'afu yabe. To Yotamu ai Ehasihi afo'afu yabe. To Ehasi ai Hesekaiyahi afo'afu yabe. 10To Hesekaiya ai Manasehi afo'afu yabe. To Manase ai Emosihi afo'afu yabe. To Emosi ai Yosaiyahi afo'afu yabe. 11To Yosaiya ai Yekonaiyahi to gona'amagihi afo'anifu yagi fateha'animagi enali'i Bebiloni metoga enele'mete bi'ahanamofihi kana'a yabe.
12To ana Bebiloni melugu mine'ahananamofihi kana'agu Yekonaiya ai Sialitielihi afo'afu yabe. To Sialitieli ai Yelababelihi afo'afu yabe. 13To Yelababeli ai Abiutihi afo'afu yabe. To Abiuti ai Elaiyakimihi afo'afu yabe. To Elaiyakimi ai Asohi afo'afu yabe. 14To Aso ai Yatokihi afo'afu yabe. Yatoki ai Ekimihi afo'afu yabe. To Ekimi ai Eliutihi afo'afu yabe. 15To Eliuti ai Eliesahi afo'afu yabe. To Eliesa ai Matanihi afo'afu yabe. To Matani ai Yakopuhi afo'afu yabe. 16To Yakopu ai Yosefehi afo'afu yabe. To Yosefe Maliahi baha'a yabe. Ya'ma Malia ai Yesuhi ito'afu yabe. To Yesuhi gi'a mone Kilisito yabe. Ana gi'amofihi hapa'a Hu'mau le'mo ho ti'ehina bo nelanamo ni'ibe.
17Ya hu'ehigo asaga Abalahahi naga'aloti tito Tebitito pa sago nayahi luga luga su hoto nigigusagati loegi loegi heleko malago naga'i mine'ahana yabe. To nayahi luga luga su hago to nigigusagati loegi loegi heleko malago Tebitihi megesaloti tigo minana enali Bebiloni hepato enele'mete bi'ahana. To ana huto nayahi luga luga su holoto nigigusagati loegi loegi heleko malago minana naga'a enali mineme tite Mesiau huto hina kanalo mine'ahana yabe.
Malia ai Yesuhi keto'ehina
18Yesu huto hu'ehinamofihi kaga'a ma huto ni'ibe. Ai ito'afu Malia, ai Yosefe hiti li alobole hilu'ibe lite kehelite mine'aha'ina. Ya hu'ehina etali li alobole hite yafi gofa hete etayanugu meli'aha'inamo Maliau molo kehelina Sikalafu'uba ailugu minago yagapana'i ketalube'mu hu'ehina yabe. 19Maliahi baha'a Yosefeu, ai bati bo, to ai Maliahi ya hu'ahane luto le'mo buya mehu'ehina. Ai legeso huto fala kito suguna'i Maliahi he'mi etalube luto keheli'ehina. 20Ai Yosefeu Maliahi suguna'i he'mi etalina ekesa yigiba yigiba huto nohigo bamulugu agelouba bulo huloto ma luto lu emi'ehina: Yosefeo, Abalahahi tata'aga, kai Maliahi lihaka le'mo lolo hilatana'mu koli mehubo. Ai Sikalafu'uba Maliahi yagapana'i emi'ehibe. 21Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.
22Ya'mana asaga'na ma huto huto hilina ai kaga mone Sipi Bouba lu huto huto bomofihi bagagu lulago o'ehinamofihi legeya'a huto hilibe. Lu huto huto bouba ma luto lu'ehina: 23Yafana'uba yagapana hiti huloto pana'i ketoto gi'a Emanueli luto malalina'mu yabe. Ya'mana gi'amofihi hapa'aya ma luto ni'ibe: Hu'ma lali hiti nominabe.
24Yosefeu bu'i ko'ehinati ho tiloto Hu'mamofihi agelo'auba bamulugu lu emina'a huto Maliahi li eto'ehina. 25Ya hu'ehina Yosefeu ai Malia hiti nohi kete ya hite mehuse nohigo Maliau pana'i keto'ehina. Ya higo Yosefeu ana pana'mofihi gi'a Yesu yabe luto molo'ehina yabe.
Tällä hetkellä valittuna:
Matiu 1: bef
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 1982, Wycliffe Bible Translators, Inc. All rights reserved.