Genesis 27
27
Isaac-gum Piḷḷuatautiqaquvlugu Jacob Uqautimmagu
1Isaac aŋayuqaaqłuni ayauŋaruq. Aipkaŋagaa aŋayukłiq iġñini Esau aasii uqallautivlugu, “Iġñiiŋ!”
“Aaŋ,” ilaata kiugaa.
2Isaac uqallaktuq, “Uvva qiñiġiŋma aŋayuqaaqtuŋa suli tuqquviksraġa qallivalliqsuq. 3Pisiksillu qaġrutillu piḷugich, avuŋa nunamuglutin, niqsautisaqtuŋŋa. 4Niqłiuġutiyumagiŋma niġiḷḷaturamnik, aasii uvamnuutilugu. Niġianikkuma, uqautisuiqsaaġniaġikpiñ piḷḷuatautiqaqulutin tuquŋaiñŋaġma.”
5Isaac-mun uqautipkaqługu Esau, Rebekah naalaġniŋaruq. Tavraasii Esau aŋuniaġiaġman, 6Rebekah-m uqallautigaa Jacob, “Naalaġniraġa uvva aapavich uqautimmagu Esau, 7‘Qaġġirriiñ niġrunmik aasii niqłiuġutiluŋa. Niġianikkupku, uqautiniaġikpiñ piḷḷuatautiqaqulutin takkuani Atanġum tuquŋaiñŋaġma.’ 8Uvvaasii iġñiiŋ,” Rebekah uqallavsaaqtuq, “Naalaġniŋŋa suli kamagiluŋa. 9Niġrutiqaġvigmi naliġagiaġiñ malġugnik quiñiruagnik nutauruagnik nagrulignik, niqłiuġumauŋa niġiḷḷaturaŋanik aapavich. 10Niqiksraŋa aatchumagiñ ilaanun niġiyumagaa, aasii qaitchiñiaġaatin quviasaaġunmik tuquŋaiñŋaġmi.”
11Aglaan Jacob-gum aakani uqallautigaa, “Iḷisimarutin Esau-m uviñiŋa nusaukkaqtuq, aglaan uvaŋa uviñigiksuŋa. 12Aasii aapaa aksigḷuŋa iḷitchuġigumi pisaasuġmiaqtilaamnik ilaanun, uqamaqłuusiaqaqsiññaġniaqtuŋa quviasaaġusiaŋiḷaamik.”
13Aakaŋata kiugaa, “Uqamaqłuusiaksran tutchumauq uvamnun, iġñiiŋ; kamagisiññaŋŋa, aullaġutin qaġġirriŋŋa nagrulignik.” 14Tavraasii aikł̣iqhuni ilaanuutiŋagaik, aasii niqłiuqhuni niġiḷḷaturaŋanik aapaŋata. 15Tavra Esau-m annuġaaġigñiqtaŋiñik pivḷuni, iglumiutaġuuramiñik, atipkaŋagaich Jacob-mun. 16Nagrullak amiŋigñik iḷisiŋaruq talligñun suli nusaitchuamun quŋusiŋanun. 17Niqiksriñŋagaa niqłialluatamiñik, punniliamiñiglu.
18Tavraasii Jacob aapamiñuŋaruq aasii uqallakłuni, “Aapaaŋ!”
“Aaŋ,” kiugaa. “Nalliak ilvich iġñagma?”
19Jacob-gum kiugaa, “Uvaŋauvva aŋayukłiq iġñiġiñ Esau. Savaaniktuŋauvva pitquraġnik. Aquvillutin niqipiaqtuġiñ qaġġisiramnik, aasii qaitchiḷuŋa quviasaaġusiaksramnik.”
20Isaac uqallaktuq, “Qanuqłutin uvva qilamiuraq paqitchianiktiqpich, iġñiiŋ?”
Jacob-gum kiugaa, “Atanġum God-igiraqpich ikayuqłuŋa paqitchipkaġaaŋa.”
21Isaac-gum uqallautigaa Jacob, “Qalliḷauraġlutin aksikkumagikpiñ. Esau-gupiaġaluaqpich?” 22Jacob aapamiñuktaaqtuq, aksiuŋagaa ilaa aasii uqallakhuni, “Iġñan uvva Jacob iġñaŋatun itkaluaqtuq, aglaan marra tallikiñ aksiksuni Esau-m talliŋiktun ittuk.” 23Iḷisaġiŋiñŋagaa Jacob, qanukkii talliŋik nusauvlutiŋ Esau-m talliŋiktun. Uqautisaġaluaqługu piḷḷuatautiksraŋanik, 24apiġivsaalgitkaa, “Esau-gupiaġaluaqpich?”
“Aaŋ,” ilaata kiugaa.
25Isaac uqallaktuq, “Niqiksriñŋa. Niġianikkuma, qaitchiñiaġikpiñ quviasaaġusiaksraġnik.” Jacob-gum qaġġirriŋagaa, wine-miglu imiaksraŋanik. 26Tavraasii aapaŋata uqallautigaa, “Qallilaaġlutin kuniŋŋa, iġñiiŋ.” 27#He 11.20.Qalliḷaaqłuni kunigiaġmani, Isaac-gum naigai annuġaaŋich—tavraasii uqautiŋagaa piḷḷuatautiqaquvlugu. Uqallakłuni, “Tivraġiksuaq tipaa iġñiġma tipiqaqtuq nunatun Atanġum nunagiksualiaŋatun. 28God-imtuq qaitchiḷisin uġġuqsraaġunmik qiḷaŋmiñ nautchiivitin naurruġikkumaut! Aitchuġumagaatin inuŋaitchuanik palauvaksranik suli wine-nik! 29#Gn 12.3.Nunaqpaich kivgaġiyumagitin, suli iñuich purvigilutin. Qaukłiuyumautin nanmiñiq iḷapayaaġnun, suli aakavich kiŋuvaaŋisa purvigiyumagaatin. Piaġiiḷḷiuqtitchiruat ilignun piaġiiḷḷiuġlich, suli iliŋich quviasaaġunmik qaitchiruat iliŋnun quviasaaġusiaqaġumaut.”
Esau Qasiḷiruq Isaac-mun Quviasaaġutiksritquvluni
30Isaac naatchimman qaisamiñik Jacob-mun piḷḷuatautiksraŋanik, aniḷuqqaaqtuq, aniqataa Esau tikiñŋaruq aŋuniaġiaŋaruaq. 31Niqłiuqłuniptauq niġiḷḷaturaŋanik aapamiñuutigaa. Uqallakłuni, “Aapaaŋ, aquvillutin niġġiiñ uvva niqłiamnik, qaitchiyumagiŋma quviasaaġusiaksramnik.”
32“Kiñailvich?” Isaac-gum apiġigaa.
“Aŋayukłiq iġñiġiñ Esau,” ilaata kiugaa.
33Isaac uuliksiqpaŋaruq iluqani timaa, aasii apiqsrivḷuni, “Kiñauvamiimña, tuqutchivḷuni niġrunmik qaġġirriruaq uvamnun? Niġiraġa uvva qaiŋaiñŋaqpich. Qaitchiŋagiga uqallaguiqsaaġutimnik piḷḷuatautiqaquvlugu, tavraasii ilaa piḷḷuatautiqaġniaqtuq.”
34Esau-m taamna tusaagamiuŋ, qiaqpaŋaruq nipatuvluni killuqsrautiqaqpakłuniḷu, “Qaitchiŋŋaptauq quviasaaġunmik, aapaaŋ!”
35Isaac-gum kiuŋagaa, “Aniqarvich qaivḷuni pisaasuġmiaġniġaaŋa. Piññaktaaġiŋagaa quviasaaġusiaksrautikkaluan.”
36 #
Gn 25.29-34. Esau uqallaktuq, “Pisaasuġmiaŋagaaŋa malġuiqsuaqłuni. Atiqaġaluaġliḷuimña Jacob-mik.#27.36 Hebrew-t uqaluŋanni Jacob-gum sivuniŋa “tigugaa kimmiŋa.” Hebrew-t taisuuraŋi uqaluit tamaaniiqsuaguruat; urriqsuun una: “ivayalgitkaaŋa; ivayaqtuqti.” Piññaktaaġiŋammiraŋa aŋayukłiuvluŋa kiŋuvaannaktaaksrautiga, tavraasi ivayalgitkaaŋa quviasaaġusiaksrautimnik. Immaimña iḷakuŋaitpiŋa quviasaaġusiaksramnigli?”
37Isaac-gum kiuŋagaa, “Qaukłiḷiutianiŋagiga iliŋnun, suli nanmiñiq iḷapayaaŋich kivgaliutivlugich ilaanun. Aitchuŋagiga palauvaksranik suli wine-nik. Sumik piraksraitchuŋa iliŋnun, iġñiiŋ!”
38 #
He 12.17. Esau-m uqallautivsaalgitkaa aapani: “Atausimik unnii quviasaaġunmik piqaqpich, aapaaŋ? Piḷḷuatautiksramnigli aitchuŋŋa, aapaaŋ!” Qianagutiŋaruq.
39 #
He 11.20. Tavraasii Isaac-gum uqallautigaa,
“Aiḷaqtaaġutiksraqaġniaŋitchutin qiḷaŋmiñ,
naurirruġigñiaŋiñmiut nunatin.
40 #
Gn 36.8; 2 K 8.20. Iñuuniaġniaqtutin savikpaiñ atuġlugu,
Aglaan aniqarvich kivgaġiniaġaatin.
Paaqłaglutin isumatuuliġuvich,
Pillugniaġiñ aŋalatchisaa ilignik.”
41Esau-m uumigiliŋagaa Jacob, aapami aitchuŋammauŋ Jacob piḷḷuatautiksraŋanik. Isumaŋaruq, “Aapaga tuqukpan, qivġuviksraq qalliruq; tavraasii tuqunniaġiga Jacob.”
42Aglaan Rebekah tusaakami Esau-m sivunniutaanik, qanniŋagaa Jacob aasii uqallautivlugu, “Naalaġniŋŋa, aniqatin Esau sivunniŋaruq akisautiqaġukłuni iliŋnun aasii tuqullutin. 43Tavraasii, iġñiiŋ, kamagiŋŋa. Aullautigillaaġiñ aniqatimnun Laban-mun Haran-miittuamun, 44aasii nayuqtuallaglugu, qinnaŋaiqsiapayaallaglugu aniqatin 45suli puiguġataqtillugu qanuq piŋatilaaġnik ilaanun. Aasii aullaqtitchiñiaqtuŋa utqurriksraġnik. Suniaġluŋa iġñiġiġñiaqpik iluqaagnik uvlumi atausimi?”
Isaac-gum Aullaqtitkaa Jacob Laban-mun
46Rebekah-m uqallautigaa Isaac, “Piḷaiġutipiallakkitka Esau-m tuvaaqatiŋich allaniñ nunaniñŋaqtauruat. Jacob suli nuliaġniaġmikpan iḷaŋannik matkua Hit-miut, tuqugumaunnii suŋitchuq.”
Tällä hetkellä valittuna:
Genesis 27: INUPIAQ
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 27
27
Isaac-gum Piḷḷuatautiqaquvlugu Jacob Uqautimmagu
1Isaac aŋayuqaaqłuni ayauŋaruq. Aipkaŋagaa aŋayukłiq iġñini Esau aasii uqallautivlugu, “Iġñiiŋ!”
“Aaŋ,” ilaata kiugaa.
2Isaac uqallaktuq, “Uvva qiñiġiŋma aŋayuqaaqtuŋa suli tuqquviksraġa qallivalliqsuq. 3Pisiksillu qaġrutillu piḷugich, avuŋa nunamuglutin, niqsautisaqtuŋŋa. 4Niqłiuġutiyumagiŋma niġiḷḷaturamnik, aasii uvamnuutilugu. Niġianikkuma, uqautisuiqsaaġniaġikpiñ piḷḷuatautiqaqulutin tuquŋaiñŋaġma.”
5Isaac-mun uqautipkaqługu Esau, Rebekah naalaġniŋaruq. Tavraasii Esau aŋuniaġiaġman, 6Rebekah-m uqallautigaa Jacob, “Naalaġniraġa uvva aapavich uqautimmagu Esau, 7‘Qaġġirriiñ niġrunmik aasii niqłiuġutiluŋa. Niġianikkupku, uqautiniaġikpiñ piḷḷuatautiqaqulutin takkuani Atanġum tuquŋaiñŋaġma.’ 8Uvvaasii iġñiiŋ,” Rebekah uqallavsaaqtuq, “Naalaġniŋŋa suli kamagiluŋa. 9Niġrutiqaġvigmi naliġagiaġiñ malġugnik quiñiruagnik nutauruagnik nagrulignik, niqłiuġumauŋa niġiḷḷaturaŋanik aapavich. 10Niqiksraŋa aatchumagiñ ilaanun niġiyumagaa, aasii qaitchiñiaġaatin quviasaaġunmik tuquŋaiñŋaġmi.”
11Aglaan Jacob-gum aakani uqallautigaa, “Iḷisimarutin Esau-m uviñiŋa nusaukkaqtuq, aglaan uvaŋa uviñigiksuŋa. 12Aasii aapaa aksigḷuŋa iḷitchuġigumi pisaasuġmiaqtilaamnik ilaanun, uqamaqłuusiaqaqsiññaġniaqtuŋa quviasaaġusiaŋiḷaamik.”
13Aakaŋata kiugaa, “Uqamaqłuusiaksran tutchumauq uvamnun, iġñiiŋ; kamagisiññaŋŋa, aullaġutin qaġġirriŋŋa nagrulignik.” 14Tavraasii aikł̣iqhuni ilaanuutiŋagaik, aasii niqłiuqhuni niġiḷḷaturaŋanik aapaŋata. 15Tavra Esau-m annuġaaġigñiqtaŋiñik pivḷuni, iglumiutaġuuramiñik, atipkaŋagaich Jacob-mun. 16Nagrullak amiŋigñik iḷisiŋaruq talligñun suli nusaitchuamun quŋusiŋanun. 17Niqiksriñŋagaa niqłialluatamiñik, punniliamiñiglu.
18Tavraasii Jacob aapamiñuŋaruq aasii uqallakłuni, “Aapaaŋ!”
“Aaŋ,” kiugaa. “Nalliak ilvich iġñagma?”
19Jacob-gum kiugaa, “Uvaŋauvva aŋayukłiq iġñiġiñ Esau. Savaaniktuŋauvva pitquraġnik. Aquvillutin niqipiaqtuġiñ qaġġisiramnik, aasii qaitchiḷuŋa quviasaaġusiaksramnik.”
20Isaac uqallaktuq, “Qanuqłutin uvva qilamiuraq paqitchianiktiqpich, iġñiiŋ?”
Jacob-gum kiugaa, “Atanġum God-igiraqpich ikayuqłuŋa paqitchipkaġaaŋa.”
21Isaac-gum uqallautigaa Jacob, “Qalliḷauraġlutin aksikkumagikpiñ. Esau-gupiaġaluaqpich?” 22Jacob aapamiñuktaaqtuq, aksiuŋagaa ilaa aasii uqallakhuni, “Iġñan uvva Jacob iġñaŋatun itkaluaqtuq, aglaan marra tallikiñ aksiksuni Esau-m talliŋiktun ittuk.” 23Iḷisaġiŋiñŋagaa Jacob, qanukkii talliŋik nusauvlutiŋ Esau-m talliŋiktun. Uqautisaġaluaqługu piḷḷuatautiksraŋanik, 24apiġivsaalgitkaa, “Esau-gupiaġaluaqpich?”
“Aaŋ,” ilaata kiugaa.
25Isaac uqallaktuq, “Niqiksriñŋa. Niġianikkuma, qaitchiñiaġikpiñ quviasaaġusiaksraġnik.” Jacob-gum qaġġirriŋagaa, wine-miglu imiaksraŋanik. 26Tavraasii aapaŋata uqallautigaa, “Qallilaaġlutin kuniŋŋa, iġñiiŋ.” 27#He 11.20.Qalliḷaaqłuni kunigiaġmani, Isaac-gum naigai annuġaaŋich—tavraasii uqautiŋagaa piḷḷuatautiqaquvlugu. Uqallakłuni, “Tivraġiksuaq tipaa iġñiġma tipiqaqtuq nunatun Atanġum nunagiksualiaŋatun. 28God-imtuq qaitchiḷisin uġġuqsraaġunmik qiḷaŋmiñ nautchiivitin naurruġikkumaut! Aitchuġumagaatin inuŋaitchuanik palauvaksranik suli wine-nik! 29#Gn 12.3.Nunaqpaich kivgaġiyumagitin, suli iñuich purvigilutin. Qaukłiuyumautin nanmiñiq iḷapayaaġnun, suli aakavich kiŋuvaaŋisa purvigiyumagaatin. Piaġiiḷḷiuqtitchiruat ilignun piaġiiḷḷiuġlich, suli iliŋich quviasaaġunmik qaitchiruat iliŋnun quviasaaġusiaqaġumaut.”
Esau Qasiḷiruq Isaac-mun Quviasaaġutiksritquvluni
30Isaac naatchimman qaisamiñik Jacob-mun piḷḷuatautiksraŋanik, aniḷuqqaaqtuq, aniqataa Esau tikiñŋaruq aŋuniaġiaŋaruaq. 31Niqłiuqłuniptauq niġiḷḷaturaŋanik aapamiñuutigaa. Uqallakłuni, “Aapaaŋ, aquvillutin niġġiiñ uvva niqłiamnik, qaitchiyumagiŋma quviasaaġusiaksramnik.”
32“Kiñailvich?” Isaac-gum apiġigaa.
“Aŋayukłiq iġñiġiñ Esau,” ilaata kiugaa.
33Isaac uuliksiqpaŋaruq iluqani timaa, aasii apiqsrivḷuni, “Kiñauvamiimña, tuqutchivḷuni niġrunmik qaġġirriruaq uvamnun? Niġiraġa uvva qaiŋaiñŋaqpich. Qaitchiŋagiga uqallaguiqsaaġutimnik piḷḷuatautiqaquvlugu, tavraasii ilaa piḷḷuatautiqaġniaqtuq.”
34Esau-m taamna tusaagamiuŋ, qiaqpaŋaruq nipatuvluni killuqsrautiqaqpakłuniḷu, “Qaitchiŋŋaptauq quviasaaġunmik, aapaaŋ!”
35Isaac-gum kiuŋagaa, “Aniqarvich qaivḷuni pisaasuġmiaġniġaaŋa. Piññaktaaġiŋagaa quviasaaġusiaksrautikkaluan.”
36 #
Gn 25.29-34. Esau uqallaktuq, “Pisaasuġmiaŋagaaŋa malġuiqsuaqłuni. Atiqaġaluaġliḷuimña Jacob-mik.#27.36 Hebrew-t uqaluŋanni Jacob-gum sivuniŋa “tigugaa kimmiŋa.” Hebrew-t taisuuraŋi uqaluit tamaaniiqsuaguruat; urriqsuun una: “ivayalgitkaaŋa; ivayaqtuqti.” Piññaktaaġiŋammiraŋa aŋayukłiuvluŋa kiŋuvaannaktaaksrautiga, tavraasi ivayalgitkaaŋa quviasaaġusiaksrautimnik. Immaimña iḷakuŋaitpiŋa quviasaaġusiaksramnigli?”
37Isaac-gum kiuŋagaa, “Qaukłiḷiutianiŋagiga iliŋnun, suli nanmiñiq iḷapayaaŋich kivgaliutivlugich ilaanun. Aitchuŋagiga palauvaksranik suli wine-nik. Sumik piraksraitchuŋa iliŋnun, iġñiiŋ!”
38 #
He 12.17. Esau-m uqallautivsaalgitkaa aapani: “Atausimik unnii quviasaaġunmik piqaqpich, aapaaŋ? Piḷḷuatautiksramnigli aitchuŋŋa, aapaaŋ!” Qianagutiŋaruq.
39 #
He 11.20. Tavraasii Isaac-gum uqallautigaa,
“Aiḷaqtaaġutiksraqaġniaŋitchutin qiḷaŋmiñ,
naurirruġigñiaŋiñmiut nunatin.
40 #
Gn 36.8; 2 K 8.20. Iñuuniaġniaqtutin savikpaiñ atuġlugu,
Aglaan aniqarvich kivgaġiniaġaatin.
Paaqłaglutin isumatuuliġuvich,
Pillugniaġiñ aŋalatchisaa ilignik.”
41Esau-m uumigiliŋagaa Jacob, aapami aitchuŋammauŋ Jacob piḷḷuatautiksraŋanik. Isumaŋaruq, “Aapaga tuqukpan, qivġuviksraq qalliruq; tavraasii tuqunniaġiga Jacob.”
42Aglaan Rebekah tusaakami Esau-m sivunniutaanik, qanniŋagaa Jacob aasii uqallautivlugu, “Naalaġniŋŋa, aniqatin Esau sivunniŋaruq akisautiqaġukłuni iliŋnun aasii tuqullutin. 43Tavraasii, iġñiiŋ, kamagiŋŋa. Aullautigillaaġiñ aniqatimnun Laban-mun Haran-miittuamun, 44aasii nayuqtuallaglugu, qinnaŋaiqsiapayaallaglugu aniqatin 45suli puiguġataqtillugu qanuq piŋatilaaġnik ilaanun. Aasii aullaqtitchiñiaqtuŋa utqurriksraġnik. Suniaġluŋa iġñiġiġñiaqpik iluqaagnik uvlumi atausimi?”
Isaac-gum Aullaqtitkaa Jacob Laban-mun
46Rebekah-m uqallautigaa Isaac, “Piḷaiġutipiallakkitka Esau-m tuvaaqatiŋich allaniñ nunaniñŋaqtauruat. Jacob suli nuliaġniaġmikpan iḷaŋannik matkua Hit-miut, tuqugumaunnii suŋitchuq.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)