Genesis 34
34
Dinah Payarivḷugu Atuġmarruŋ Timaa
1Uvlut iḷaŋanni Dinah, paniŋak Jacob-guvlu Leah-vlu, isiqattaaŋaruq aġnanun Canaan-miuguruanun. 2Shechem iġñiŋata Hamor-m Hiv-miuguruam, qaukłiuruam nunaŋannun, tautukkamiuŋ Dinah, aasii payarivḷugu atuŋagaa. 3Aglaan niviaqsiaq aġnaġikhuni piqpagiliqł̣ugu nakuaqqiutiŋagaa suli nakuaġiliqsinniuraaġaluaŋaruq ilaanun. 4Shechem-gum uqallautiŋagaa aapani, “Dinah-mik nuliaksraġumagigma.”
5Jacob iḷitchuġiŋaruq paniñi atuqtauŋatilaaŋanik payarivḷugu, aglaan iġñiġutiiŋi avani pamiqsaamigni iłłutiŋ, suŋaitchuq qaiḷġataqtillugich. 6Shechem-gum aapaŋa Hamor uqaqatiqaġiaŋaruq Jacob-mun, 7tikiayaammiullu Jacob iġñiŋi avaŋŋa nunamiñ. Tusaakamirruŋ, qaallaŋarut suli qinnalipiaġataqłutiŋ Shechem tainna savaŋaniġman suli pisaaŋŋatikun aŋalanniġmagich iñuŋich Israel payarivḷugu nalaqatigivlugu Jacob pania. 8Hamor-m uqallautigai, “Iġñiġma Shechem uvva nakuaqqiutipiaġataġaa paniiñ; apiġigikpiñ, tuvaaqasiutipkaġuŋ ilaanun. 9Sivunniuqatigiigḷuk tuvaaqatigiiksillasiḷugich avanmun iñugiravullu iñugiratillu. 10Tavraasii maaniillayumausi nunaptinni piqatigiluta; sumipayaaq iñuuniaġumiñaqtusi, simmiqsuutillasiḷusiḷu isumavsisun, nunannallasilusiḷu.”
11Shechem uqallaktuq Dinah-m aapaŋanullu aniqatiiŋiññullu, “Iviġaumagiguvsiuŋ taamna, aitchuġniaġivsi sumik piqaġupayaaġuvsi. 12Uqallautiluŋa sunik aitchuusiaqaġukkuvsi, suli inillaglugu akiḷiutiksraq nuliaksraunmun qanutupayaaq isumavsisun; aitchuġniaġivsi supayaamik apiqsriaġiravsiññik, tuvaaqatigiliutipkaġumiñaġuvsiuŋ uvamnun.”
13Shechem-gum kanŋunaqtuakun salumaiḷipkaŋammauŋ aniqatiktiŋ Dinah, Jacob iġñiŋisa kiuŋagaat Shechem aapaŋalu Hamor pisaasuġmiaġutikun. 14Uqallautigaat, “Tuvaaqasiqsitchumiñaitkikput aniqatikput aŋunmun nalunaiḷutchiqsauŋaitchuamun. Taamna kanŋunaqsiḷiġutauniaqtuq uvaptinnun. 15Iviġaumagitualugniaġikput uumuuna kisian ilivsi uvaptiktuttauq nalunaiḷutchiqsillugich aŋutipayaasi. 16Tavraasii iviġaumaginiaġikput tuvaaqatiniktullasiñiġmun avanmun. Inillagniaqtugut akunnavsiññun suli atausiŋŋuqatigilusi. 17Aglaan akuqtuġuŋitkuvsigik apiqsriavut suli nalunaiḷutchiqsauŋiḷḷusi, aullautiniaġikput ilaa.”
18Uqalugiraŋich iviġaumagiŋagaich Hamor-m iġñiŋatalu Shechem-gum, 19tavraasii nukatpiaq tavrauvvaa kamaksriŋaruq pitquraŋannik, qanukkii piqpakkiutiŋavlugu Jacob pania. Ilaa nuimaruagułhaaqtuatun inŋaruq nanmiñiq iḷamiñi.
20Hamor iġñiniḷu Shechem kasimavigmuŋaruk iniqpaum upkuaqpaŋanun suli uqautivlugich iñuŋich inauruam: 21“Ukua iñuich iñugiksut; iñuuniaġlich nunami piqatigiluta suli kukiḷullalutiŋ isumamiktun. Nuna aŋiruq naamaruq iliŋiññullu. Tuvaaqasiutilavut paniŋich suli uvagut qaiḷḷugich panivut iliŋiññun tuvaaqasiutilugich. 22Aglaan uvva taapkua iñuich iñuuqasiutiyumiñatualuktut akunnaptinnun suli atausiŋŋuqatigiluta kisiatualuk iluqaisa nalunaiḷutchiġuptigich iḷavut aŋutauruat, iliŋisitun nalunaiḷutchiqsauŋaruatitun. 23Pamiqsaaġiraŋich suli iluqaisa suġautaġiraŋich piginiaŋitpisigik uvagut? Tainnamik aŋiġlavut iñuuniaġumiñaġniḷugich akunnaptinni.” 24Iluqapayauraġmiŋ iñuuniaqtuaguruat tavrani inimi iviġaŋarut piyumisaaġutigiraŋagnik Hamor-vlu Shechem-guvlu, tavraasii aŋutipayaurat nalunaiḷutchiqsauŋarut.
25Piŋasut uvlut pianigmata, aŋutit kiiqsiuŋŋaisasuli nalunaiḷutchiqsauniġmigniñ, malġuk Jacob iġñiŋik, Simeon-lu Levi-ḷu, aniqatiiŋik Dinah-m, savikpatik pivḷugik, iniqpagmuŋaruk suiḷaurivḷutiŋ, aasii tuqułługich iluqaisa aŋutit, 26taputivlugik Hamor-lu iġñiŋalu Shechem. Tavraasii pivḷugu Dinah Shechem igluaniñ aullaqhutiŋ. 27Tuquttaiganigmagnik Jacob-gum allat iġñiŋich tigligaiŋamarut nunaaqqimi pisigivlugu aniqatiktiŋ kanŋunaqsiḷiŋammarruŋ. 28Piŋagaich niġrutit, pamiqsaat, kakaktit, suli sunapayauraq nunaaqqimittuat suli taavani nunaŋani. 29Piññaktaaġiŋagaich suġalipayaaŋich, suli iluqaisa aġnallu miqłiqtullu, suli tigligaivḷugich igluŋisa suġauttaŋi.
30Jacob-gum uqallautiŋagaik Simeon-lu Levi-ḷu, “Isumaalugnamun iḷigivsiñŋa; tavra Canaan-miuguruat, Periz-miuguruallu, kialiqaalu nunamiittuam uumigiliġñiagaanŋa. Iñugiaktuanik iñuqaŋiñmiuŋa; katillutiŋ amillutisaqpanŋa aŋuyagluŋa, iluqaġmiŋ nanmiñiq iḷavut suksraunġiqsauniaqtut.”
31Aglaan iliŋiksa kiuniġaak, “Aŋalatinniaŋitkikpuk aniqatikpuk akiitchualuktun.”
Tällä hetkellä valittuna:
Genesis 34: INUPIAQ
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 34
34
Dinah Payarivḷugu Atuġmarruŋ Timaa
1Uvlut iḷaŋanni Dinah, paniŋak Jacob-guvlu Leah-vlu, isiqattaaŋaruq aġnanun Canaan-miuguruanun. 2Shechem iġñiŋata Hamor-m Hiv-miuguruam, qaukłiuruam nunaŋannun, tautukkamiuŋ Dinah, aasii payarivḷugu atuŋagaa. 3Aglaan niviaqsiaq aġnaġikhuni piqpagiliqł̣ugu nakuaqqiutiŋagaa suli nakuaġiliqsinniuraaġaluaŋaruq ilaanun. 4Shechem-gum uqallautiŋagaa aapani, “Dinah-mik nuliaksraġumagigma.”
5Jacob iḷitchuġiŋaruq paniñi atuqtauŋatilaaŋanik payarivḷugu, aglaan iġñiġutiiŋi avani pamiqsaamigni iłłutiŋ, suŋaitchuq qaiḷġataqtillugich. 6Shechem-gum aapaŋa Hamor uqaqatiqaġiaŋaruq Jacob-mun, 7tikiayaammiullu Jacob iġñiŋi avaŋŋa nunamiñ. Tusaakamirruŋ, qaallaŋarut suli qinnalipiaġataqłutiŋ Shechem tainna savaŋaniġman suli pisaaŋŋatikun aŋalanniġmagich iñuŋich Israel payarivḷugu nalaqatigivlugu Jacob pania. 8Hamor-m uqallautigai, “Iġñiġma Shechem uvva nakuaqqiutipiaġataġaa paniiñ; apiġigikpiñ, tuvaaqasiutipkaġuŋ ilaanun. 9Sivunniuqatigiigḷuk tuvaaqatigiiksillasiḷugich avanmun iñugiravullu iñugiratillu. 10Tavraasii maaniillayumausi nunaptinni piqatigiluta; sumipayaaq iñuuniaġumiñaqtusi, simmiqsuutillasiḷusiḷu isumavsisun, nunannallasilusiḷu.”
11Shechem uqallaktuq Dinah-m aapaŋanullu aniqatiiŋiññullu, “Iviġaumagiguvsiuŋ taamna, aitchuġniaġivsi sumik piqaġupayaaġuvsi. 12Uqallautiluŋa sunik aitchuusiaqaġukkuvsi, suli inillaglugu akiḷiutiksraq nuliaksraunmun qanutupayaaq isumavsisun; aitchuġniaġivsi supayaamik apiqsriaġiravsiññik, tuvaaqatigiliutipkaġumiñaġuvsiuŋ uvamnun.”
13Shechem-gum kanŋunaqtuakun salumaiḷipkaŋammauŋ aniqatiktiŋ Dinah, Jacob iġñiŋisa kiuŋagaat Shechem aapaŋalu Hamor pisaasuġmiaġutikun. 14Uqallautigaat, “Tuvaaqasiqsitchumiñaitkikput aniqatikput aŋunmun nalunaiḷutchiqsauŋaitchuamun. Taamna kanŋunaqsiḷiġutauniaqtuq uvaptinnun. 15Iviġaumagitualugniaġikput uumuuna kisian ilivsi uvaptiktuttauq nalunaiḷutchiqsillugich aŋutipayaasi. 16Tavraasii iviġaumaginiaġikput tuvaaqatiniktullasiñiġmun avanmun. Inillagniaqtugut akunnavsiññun suli atausiŋŋuqatigilusi. 17Aglaan akuqtuġuŋitkuvsigik apiqsriavut suli nalunaiḷutchiqsauŋiḷḷusi, aullautiniaġikput ilaa.”
18Uqalugiraŋich iviġaumagiŋagaich Hamor-m iġñiŋatalu Shechem-gum, 19tavraasii nukatpiaq tavrauvvaa kamaksriŋaruq pitquraŋannik, qanukkii piqpakkiutiŋavlugu Jacob pania. Ilaa nuimaruagułhaaqtuatun inŋaruq nanmiñiq iḷamiñi.
20Hamor iġñiniḷu Shechem kasimavigmuŋaruk iniqpaum upkuaqpaŋanun suli uqautivlugich iñuŋich inauruam: 21“Ukua iñuich iñugiksut; iñuuniaġlich nunami piqatigiluta suli kukiḷullalutiŋ isumamiktun. Nuna aŋiruq naamaruq iliŋiññullu. Tuvaaqasiutilavut paniŋich suli uvagut qaiḷḷugich panivut iliŋiññun tuvaaqasiutilugich. 22Aglaan uvva taapkua iñuich iñuuqasiutiyumiñatualuktut akunnaptinnun suli atausiŋŋuqatigiluta kisiatualuk iluqaisa nalunaiḷutchiġuptigich iḷavut aŋutauruat, iliŋisitun nalunaiḷutchiqsauŋaruatitun. 23Pamiqsaaġiraŋich suli iluqaisa suġautaġiraŋich piginiaŋitpisigik uvagut? Tainnamik aŋiġlavut iñuuniaġumiñaġniḷugich akunnaptinni.” 24Iluqapayauraġmiŋ iñuuniaqtuaguruat tavrani inimi iviġaŋarut piyumisaaġutigiraŋagnik Hamor-vlu Shechem-guvlu, tavraasii aŋutipayaurat nalunaiḷutchiqsauŋarut.
25Piŋasut uvlut pianigmata, aŋutit kiiqsiuŋŋaisasuli nalunaiḷutchiqsauniġmigniñ, malġuk Jacob iġñiŋik, Simeon-lu Levi-ḷu, aniqatiiŋik Dinah-m, savikpatik pivḷugik, iniqpagmuŋaruk suiḷaurivḷutiŋ, aasii tuqułługich iluqaisa aŋutit, 26taputivlugik Hamor-lu iġñiŋalu Shechem. Tavraasii pivḷugu Dinah Shechem igluaniñ aullaqhutiŋ. 27Tuquttaiganigmagnik Jacob-gum allat iġñiŋich tigligaiŋamarut nunaaqqimi pisigivlugu aniqatiktiŋ kanŋunaqsiḷiŋammarruŋ. 28Piŋagaich niġrutit, pamiqsaat, kakaktit, suli sunapayauraq nunaaqqimittuat suli taavani nunaŋani. 29Piññaktaaġiŋagaich suġalipayaaŋich, suli iluqaisa aġnallu miqłiqtullu, suli tigligaivḷugich igluŋisa suġauttaŋi.
30Jacob-gum uqallautiŋagaik Simeon-lu Levi-ḷu, “Isumaalugnamun iḷigivsiñŋa; tavra Canaan-miuguruat, Periz-miuguruallu, kialiqaalu nunamiittuam uumigiliġñiagaanŋa. Iñugiaktuanik iñuqaŋiñmiuŋa; katillutiŋ amillutisaqpanŋa aŋuyagluŋa, iluqaġmiŋ nanmiñiq iḷavut suksraunġiqsauniaqtut.”
31Aglaan iliŋiksa kiuniġaak, “Aŋalatinniaŋitkikpuk aniqatikpuk akiitchualuktun.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)