Genesis 37
37
Joseph-lu Aniqatiiŋiḷḷu
1Jacob iñuuniaŋaruq nunaŋani Canaan, aapami iñuuniaġvigiŋaraŋani, 2uvva una quliaqtuaguruq Jacob-gum nanmiñiq iḷaŋisigun.
Joseph, nutaġaq ukiuqtutigivluni akimiaq malġuktun (17), qaunaksriŋaruq imnaiñik suli nagrulignik piqatigivlugi aniqatiini, iġñiŋich Bilhah-m suli Zilpah-m, aapami nuliaŋik. Aapani kiligiaġaġniġaa piḷḷuataŋisilaaŋiññik aniqatiini.
3Israel-gum piqpagiłhaaŋagaa Joseph iluqaiññiñ iġñiġutiimi, qanukkii aniŋavluni ilaa utuqqalimmiumiḷu. Qaliġualiuŋaniġaa akuqtunaaqługu asiqsuruamik. 4Aniqatiiŋich iḷitchuġikamiŋ aapamignun nakuaġiłhaaqtilaaŋanik Joseph ilimigniñ, uumigiliqpaił̣ł̣ugu aniqatiktiŋ uqautillaiḷḷaŋagaat iluatun.
5Atautchimi Joseph siññaktuŋaruq, aasii uqallautivlugich aniqatiini, uumigilivsaaqsiññaŋagaat. 6Uqallaktuq, “Naalaġniḷḷaksiuŋ una siññaktuġa. 7Iluqata nautchiivigmi nunamiinniqsuagut qiḷiqsruivḷuta palauvaksranik, qiḷiqtatka nappaġniqsuat siatqikhutiŋ. Ilivsiḷiasii kiavaaġniñiqsuat avataanun pigma suli purvigivlugu.”
8“Isumavich uvva umialiguġniaġasugalutin aasii atanniqsuġluta?” aniqatiiŋisa apiġigaat. Tavraasii uumigilipiksuaqsiññaŋagaat siññaktuŋi pisigivlugich suli uqaluŋiḷḷu.
9Tavrasuli Joseph siññaktuvsaaŋaruq aasii kilikługich aniqatiini, “Siññaktuvsaaqtuami, tautukługu siqiñiq, tatqiq, suli qulit atausiuruat (11) uvluġiat kurraqhutiŋ putqataġniqsut uvamnun.”
10Uqallautiŋammiñiġaaptauq aapani siññaktumigun, aasii aapaŋata suaŋaniġaa: “Uvvauna qanusiq siññaktuq? Uvva isumavich aakallu, aniqatiitillu, uvaŋalu qaiḷuta purvigisaqtuġniaġnasugivlutin?” 11#Ac 7.9.Joseph aniqatiiŋisa killuġiŋaniġaat, aglaan aapaŋata isumalaaġutigiŋaniġaa iluqaan.
Joseph Tunimmarruŋ suli Egypt-muurrauvluni
12Uvlut iḷaŋanni Joseph aniqatiiŋich Shechem-muŋarut qaunagiyyaqługich aapamiŋ niġrutiŋich, 13Israel-gum uqallautigaa Joseph, “Shechem-muqugikpiñ, aniqatignun qaunaksriruanun niġrutinik.”
Joseph-gum kiugaa, “Itqanaitchuŋa.”
14Aapaŋata uqallautigaa, “Tautugiakkich aniqatiitin suŋitkaluaġmagaisa suli niġrutit nakuugaluaġmagaisa, aasii qaiḷutin uqallautisaqtuġluŋa.” Tavra aapaŋata tiliŋagaa aullaqtiłługu Hebron Valley-miñ.
Joseph tikiñŋaruq Shechem-mun 15aasii kukiḷuktuaqtiłługu suŋnamulliqaa nunami iñuum tautukługu apiġigaa, “Sumik imña ivaqłiqpich?”
16“Ivaqłiqsuaŋauvva aniqatiimnik, qaunaksriruanik niġrutimignik,” kiugaa. “Uqallautiyumiñaqpiŋa suqpani niġiñiaqtitchisuutilaaŋiññik pamiqsaaŋiññik?”
17Aŋutim kiugaa, “Imma aullaaniktuat. Tusaaratka uqallagmata Dothan-mugniaġnivḷutiŋ.” Tavraasii Joseph-gum ullaksauraŋagai aniqatiini aasii paqiłługich Dothan-mi.
18Taavva taavuŋa tautukkaat, aasii tikiñŋaiñŋaan, nalunaqtuakun sivunniuŋarut tuqutchukługu. 19Avanmun uqaŋarut, “Avva qairuq siññaktuqti. 20Ki, tuqullakput amna aasii igillugu timaa iḷaŋannun paliŋaruat nivviat. Niġrułługmun tuqunniñiaġmigikput. Iḷitchuġiniaqtugut siññaktuŋich suniaġmagaisa.”
21Reuben-gum tusaavlugich annautiniatakkaluaġaa Joseph. “Tuqunŋiḷḷakput,” uqallaktuq. 22“Igisiññagsiuŋ uumuŋa nivviamun nunagluktuami, aglaan anniġnasiuŋ.” Tainna uqallaktuq, sivuniqaqhuni annautisukługu iliŋiññiñ aasii utiqtillugu aapaŋanun. 23Joseph tikiñman aniqatiimiñun, piiqtitaġaat akuqturuaq qaliġuaŋa asiqpaligaaq. 24Tavraasii kataktiłługu nivviamun, paliŋaruamun.
25Niġiñiallaġmiŋ, tautuniqłaktut Ishmael-miunik iglauruanik Gilead-miñ Egypt-mun. Pikukturuat usiŋmigauraġniqsut avuuġutiniglu quġlianiglu. 26Judah-m uqallautigaich aniqatiini, “Sunnagniaqpisauvagut tuqutkaluaġuptigu aniqatikput aasii nalunaqsaġlugu tuqutauniŋa? 27Tuniḷakput una Ishmael-miunun. Tainnaġupta anniġñiaŋitkikput; qanukkii uvva, aniqatigigikput, nanmiñiq suli auqatigigikput.” Aniqatiiŋich aŋiqtut, 28#Ac 7.9.tavraasii Midian-miut tauqsiġñiaqtit nalautchaaġutimmata, aniqatigiiksuat amuŋagaat Joseph nivviamiñ aasii tunivḷugu iñuiññatun (20) qatiqtuanik manigñik Ishmael-miuguruanun, aasii Egypt-muutiŋagaat.
29Reuben utiqami nivviamun aasii paqinŋił̣ł̣ugu Joseph, aligaŋagaich annuġaani isumaaqhuni. 30Utiqami aniqatiimiñun uqallaktuq, “Nukatpiaġruk piiññiqsuq! Suniaqpik aasii?”
31Tavraasii tuqutchivḷutiŋ nagruligmik aasii misukługu Joseph qaliġuaŋa auŋanun. 32Qaliġuaŋa aapamignuutiŋagaat aasii uqallakhutiŋ, “Uvva una paqittaqput. Iġñiqpich una piŋa?”
33Ilaata iḷisaġivlugu uqallaktuq, “Ii, tavra piŋa! Niġrułłuum tuqunŋaniġaa. Iġñiġa Joseph siquvyataġiŋaniġaat!” 34Jacob-gum aligaŋaniġai annuġaani isumaaqhuni suli ativluni miitchugnik ukił̣haanik. Isumaaqpaŋaruq iġñiġmiñun sivisuruamik. 35Iluqaġmiŋ iġñiŋisa suli paniŋisa qaivḷutiŋ aragiaŋagaat, aglaan akuqtuŋaitkaich arautiŋich uqaqhuni, “Aullaġniaqtuŋa nunaŋannun tuquŋaruat qivġuugaġluŋa iġñiġiramnun.” Tavraasii isumaaġutigiŋaiŋiñŋagaa iġñini Joseph.
36Tainnaitillugich, Egypt-mi Midian-miut tuniŋagaat Joseph Potiphar-mun, iḷaŋannun Pharaoh-m qaukłiuraŋisa, qaukłiuruamun igluqpaum munaqsriŋiñun.
Tällä hetkellä valittuna:
Genesis 37: INUPIAQ
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 37
37
Joseph-lu Aniqatiiŋiḷḷu
1Jacob iñuuniaŋaruq nunaŋani Canaan, aapami iñuuniaġvigiŋaraŋani, 2uvva una quliaqtuaguruq Jacob-gum nanmiñiq iḷaŋisigun.
Joseph, nutaġaq ukiuqtutigivluni akimiaq malġuktun (17), qaunaksriŋaruq imnaiñik suli nagrulignik piqatigivlugi aniqatiini, iġñiŋich Bilhah-m suli Zilpah-m, aapami nuliaŋik. Aapani kiligiaġaġniġaa piḷḷuataŋisilaaŋiññik aniqatiini.
3Israel-gum piqpagiłhaaŋagaa Joseph iluqaiññiñ iġñiġutiimi, qanukkii aniŋavluni ilaa utuqqalimmiumiḷu. Qaliġualiuŋaniġaa akuqtunaaqługu asiqsuruamik. 4Aniqatiiŋich iḷitchuġikamiŋ aapamignun nakuaġiłhaaqtilaaŋanik Joseph ilimigniñ, uumigiliqpaił̣ł̣ugu aniqatiktiŋ uqautillaiḷḷaŋagaat iluatun.
5Atautchimi Joseph siññaktuŋaruq, aasii uqallautivlugich aniqatiini, uumigilivsaaqsiññaŋagaat. 6Uqallaktuq, “Naalaġniḷḷaksiuŋ una siññaktuġa. 7Iluqata nautchiivigmi nunamiinniqsuagut qiḷiqsruivḷuta palauvaksranik, qiḷiqtatka nappaġniqsuat siatqikhutiŋ. Ilivsiḷiasii kiavaaġniñiqsuat avataanun pigma suli purvigivlugu.”
8“Isumavich uvva umialiguġniaġasugalutin aasii atanniqsuġluta?” aniqatiiŋisa apiġigaat. Tavraasii uumigilipiksuaqsiññaŋagaat siññaktuŋi pisigivlugich suli uqaluŋiḷḷu.
9Tavrasuli Joseph siññaktuvsaaŋaruq aasii kilikługich aniqatiini, “Siññaktuvsaaqtuami, tautukługu siqiñiq, tatqiq, suli qulit atausiuruat (11) uvluġiat kurraqhutiŋ putqataġniqsut uvamnun.”
10Uqallautiŋammiñiġaaptauq aapani siññaktumigun, aasii aapaŋata suaŋaniġaa: “Uvvauna qanusiq siññaktuq? Uvva isumavich aakallu, aniqatiitillu, uvaŋalu qaiḷuta purvigisaqtuġniaġnasugivlutin?” 11#Ac 7.9.Joseph aniqatiiŋisa killuġiŋaniġaat, aglaan aapaŋata isumalaaġutigiŋaniġaa iluqaan.
Joseph Tunimmarruŋ suli Egypt-muurrauvluni
12Uvlut iḷaŋanni Joseph aniqatiiŋich Shechem-muŋarut qaunagiyyaqługich aapamiŋ niġrutiŋich, 13Israel-gum uqallautigaa Joseph, “Shechem-muqugikpiñ, aniqatignun qaunaksriruanun niġrutinik.”
Joseph-gum kiugaa, “Itqanaitchuŋa.”
14Aapaŋata uqallautigaa, “Tautugiakkich aniqatiitin suŋitkaluaġmagaisa suli niġrutit nakuugaluaġmagaisa, aasii qaiḷutin uqallautisaqtuġluŋa.” Tavra aapaŋata tiliŋagaa aullaqtiłługu Hebron Valley-miñ.
Joseph tikiñŋaruq Shechem-mun 15aasii kukiḷuktuaqtiłługu suŋnamulliqaa nunami iñuum tautukługu apiġigaa, “Sumik imña ivaqłiqpich?”
16“Ivaqłiqsuaŋauvva aniqatiimnik, qaunaksriruanik niġrutimignik,” kiugaa. “Uqallautiyumiñaqpiŋa suqpani niġiñiaqtitchisuutilaaŋiññik pamiqsaaŋiññik?”
17Aŋutim kiugaa, “Imma aullaaniktuat. Tusaaratka uqallagmata Dothan-mugniaġnivḷutiŋ.” Tavraasii Joseph-gum ullaksauraŋagai aniqatiini aasii paqiłługich Dothan-mi.
18Taavva taavuŋa tautukkaat, aasii tikiñŋaiñŋaan, nalunaqtuakun sivunniuŋarut tuqutchukługu. 19Avanmun uqaŋarut, “Avva qairuq siññaktuqti. 20Ki, tuqullakput amna aasii igillugu timaa iḷaŋannun paliŋaruat nivviat. Niġrułługmun tuqunniñiaġmigikput. Iḷitchuġiniaqtugut siññaktuŋich suniaġmagaisa.”
21Reuben-gum tusaavlugich annautiniatakkaluaġaa Joseph. “Tuqunŋiḷḷakput,” uqallaktuq. 22“Igisiññagsiuŋ uumuŋa nivviamun nunagluktuami, aglaan anniġnasiuŋ.” Tainna uqallaktuq, sivuniqaqhuni annautisukługu iliŋiññiñ aasii utiqtillugu aapaŋanun. 23Joseph tikiñman aniqatiimiñun, piiqtitaġaat akuqturuaq qaliġuaŋa asiqpaligaaq. 24Tavraasii kataktiłługu nivviamun, paliŋaruamun.
25Niġiñiallaġmiŋ, tautuniqłaktut Ishmael-miunik iglauruanik Gilead-miñ Egypt-mun. Pikukturuat usiŋmigauraġniqsut avuuġutiniglu quġlianiglu. 26Judah-m uqallautigaich aniqatiini, “Sunnagniaqpisauvagut tuqutkaluaġuptigu aniqatikput aasii nalunaqsaġlugu tuqutauniŋa? 27Tuniḷakput una Ishmael-miunun. Tainnaġupta anniġñiaŋitkikput; qanukkii uvva, aniqatigigikput, nanmiñiq suli auqatigigikput.” Aniqatiiŋich aŋiqtut, 28#Ac 7.9.tavraasii Midian-miut tauqsiġñiaqtit nalautchaaġutimmata, aniqatigiiksuat amuŋagaat Joseph nivviamiñ aasii tunivḷugu iñuiññatun (20) qatiqtuanik manigñik Ishmael-miuguruanun, aasii Egypt-muutiŋagaat.
29Reuben utiqami nivviamun aasii paqinŋił̣ł̣ugu Joseph, aligaŋagaich annuġaani isumaaqhuni. 30Utiqami aniqatiimiñun uqallaktuq, “Nukatpiaġruk piiññiqsuq! Suniaqpik aasii?”
31Tavraasii tuqutchivḷutiŋ nagruligmik aasii misukługu Joseph qaliġuaŋa auŋanun. 32Qaliġuaŋa aapamignuutiŋagaat aasii uqallakhutiŋ, “Uvva una paqittaqput. Iġñiqpich una piŋa?”
33Ilaata iḷisaġivlugu uqallaktuq, “Ii, tavra piŋa! Niġrułłuum tuqunŋaniġaa. Iġñiġa Joseph siquvyataġiŋaniġaat!” 34Jacob-gum aligaŋaniġai annuġaani isumaaqhuni suli ativluni miitchugnik ukił̣haanik. Isumaaqpaŋaruq iġñiġmiñun sivisuruamik. 35Iluqaġmiŋ iġñiŋisa suli paniŋisa qaivḷutiŋ aragiaŋagaat, aglaan akuqtuŋaitkaich arautiŋich uqaqhuni, “Aullaġniaqtuŋa nunaŋannun tuquŋaruat qivġuugaġluŋa iġñiġiramnun.” Tavraasii isumaaġutigiŋaiŋiñŋagaa iġñini Joseph.
36Tainnaitillugich, Egypt-mi Midian-miut tuniŋagaat Joseph Potiphar-mun, iḷaŋannun Pharaoh-m qaukłiuraŋisa, qaukłiuruamun igluqpaum munaqsriŋiñun.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)