Luka 10
10
Yesu onowaaruma anamasuuza makumi matanu nameenddi ni abiili (72)
1Dhigeereye nde, Nabwiya Yesu ahaasakula anamasuuza amohi, makumi matanu ni meenddi ni abiili#10.1 Dhoolebiwa dhimohi dhini: 70; teto va verisikulu 17. waaruma abiili-abiili wi esogole edhowe mmaluwani ni mburo mwafuniiye odhowa. 2Ahawaaddela, wiira: <<Dhoohadda dhihinjiva, anamalaba eli vang'ono. Nyo anamasuuza mmulobe Nabwiya mwiinya a dhoohadda wi aarume anamalaba omidda waaye. 3Dhowani dhiinoveva! Miyo ginowuurumani wona mabila vaari va miiji. 4Muhuthukule thumba, na korowa, naari thumba na voolenddoni, naari sapatho; muhumulojele muthu mundila.#10.4 Madhu ala, yatapulela wi ehiseliwege ni dhimohi, ehiyaga dhaarumiwiisu.
5<<Nyuba enavolowigiinyumo, vowambeela muwoge, mwiire: <Murenddele okale vaade va!> 6Akalavo muthu a murenddele, murenddele weenyu omukitele oliye; ahikalavo, murenddeleya owelele wa nyo. 7Mukalege vaade vevo, mujege, mung'wege, eyene enoovahigiisuni, vowi soofuneya namalaba aakele nlivo naaye. Muheenjedhe mookala.
8<<Mwafiya valuwani mwaakeliwa pama, mujege eyene enoovahigiisuni. 9Mwaayilihege aredda enaakale muluwani mo, mwawaaddelege, wiira: <Omwene wa Mulugu ohuufiyedhani>. 10Mbwenye, mwavolowa nluwa nimohiniwa ehuwaakelani, mvenye, mudhowe mmarampani, mweere: 11<Hiyo nihitata nthubi na nluwa neenyu noombuwelihe manyalo eehu wi ekale yoonihedho wa nyo. Mwa nda, munone wi Omwene wa Mulugu ohuufiyedhani>. 12Ginowuwaaddelani wi nlabo na muladdu athu a oSoddoma enodha evuguleliwe goyi yeewa ohiya athu a nluwa ndde.
13<<Ooddilu di we, Koraziimi! Ooddilu di we, Betisayida! Vowi matikiniho yiireyile mwa nyo yaheereye oTiru ni oSidoni, athuya yeerege hivano egatthwaruwe mowaaguva, ewaraga masakwi ni wiihela nddoora. 14Mbwenye mu othongi wa Mulugu onodha avugulele goyi ya oTiru ni oSidoni, ohiyana murudda dha oKoraziimi ni Betisayida. 15We, Kafaranawu, oneesa oneere ogwelihiwa odhowe odhulu? Naari! Onomorihedhiwa mburo wa anookwa!>>
16Yesu ahiwogaga ni anamasuuza aaye makumi matanu na meenddi ni abiili ale, wiira: <<Ole onoovuruwanani, onagivuruwana miyeene; ole onagikoodda miyo onamukoodda baba aaga Mulugu ogirumile>>.
17Vano anamasuuza makumi matanu ni meenddi ni abiili ale yahiwelaga ni ohagalala wuulubale; yiiraga: <<Nabwiyani, mwa ndina neenyu mineba dhabure dhihifiyedha oniiwelela!>>
18Mbwenye oliye ahawiirela: <<Miyo gihimoona Sathana amoraga odhulu wona ozherima. 19Onani miyo guhuuvahani owodha woonyingalana nyowa, awalize ni owodha waatewene wa mwiiddani mowindo kilivo enoovoreyegeni. 20Mwa dhaatedhene kamuhagalale mwaha wowi mineba dhabure dhinowuwiiwelelani, mbwenye muhagalale vowi mandina eenyu ehilebiwa odhulu>>.
21Mudhidhi olene Yesu ahihagalala mwa Muneba Woweela, wiira: <<Miyo ginowuutamaalani Babani, Nabwiya a odhulu ni elabo ya vati, vowi muhaalogohedha dhego nda athu atthottho ni oosuuza, mwawoonihile ahima. Ee! Babani, wula puufuna weenyu.
22<<Dhaatedhene gihivahiwa ni ababa kalivo omunonile Mwaana ahili Babe teto kalivo omunonile Babe ahili Mwaana ni ayene enaafuniiyena waanoniha>>.
23Vano ahirugunuwelaga ombale, owoga ni anamasuuza aaye, wiira: <<Ooreelihiwa bi meento enoona dhinooniinyu. 24Vowi miyo ginowuwaaddelani wi anamavuhulela ajinji ni mamwene yahifunesesa woona dhinooniinyu mbwenye kayoonile, wiiwa dhineewiinyu mbwenye kayeewile>>.
Musibe wa muSamariya apama
25Nlabo nimohi namatapulela a Malamulo ahivenyaga wi amweehe Yesu. Omukoha, wiira: <<Namasuuziha, gineere ddi wi gikalena egumi yoohumala?>>
26Yesu ahimwaakulaga, wiira: <<MMalamuloni dhilebiwe avi? Onatapulela avi?>>
27Oliye ahaakulaga, wiira: <<Dhilebiwe: Omudhivelege Nabwiya Mulugu aawo ni murima waawo waatene, ni egumi yaawo yaatene, ni kopolo dhaawo dhaatedhene, ni wiiwelelamo waawo waatewene;#10.27 Deteronomiyo 6.5. omudhivelege mwaaddamani aawo wona muneedhiveliiwe>>.#10.27 Levitiku 19.18.
28Yesu ahimwaakulaga, wiira: <<Ohaakula pama. Wiiregena dhedho oneere okalawoove>>.
29Mbwenye namasuuziha a malamulo ole afunaga wiyaakwanihela yeekaaye, ahiiraga: <<Ki mwaaddamani aaga baani?>>
30Yesu ahimwaakulaga, wiira: <<Aaligi mulobwana mmohi akitaga oZheruzalemi, adhowaga oZheriko, mundila ahigumana ni mapanga. Omwihidda omwaaka dhoowara dhaaye omuddwadha omporosa vajinjivene, omwihiya nenaa ni okwa. 31Moohujejiheya, namakutha mmohi egi odha dila emohive, agamoonile mulobwana ole ahimuwereweraga. 32Dila emohive egi ovira muLeevi, agamoonile ni oliyeene, ahimuwereweraga. 33Vano muSamariya mmohi adheelaga dila emohive elene, agamoonile, ahifiyaga vakukuuve omweeddiwela thagaraga. 34Omuhuwa makwaddaya, ohelamo makura ni vinyu ompotha. Vano omuthukula omugweliha vamwaneenyamani aaye, omudhowana nyuba ya aleddo, omukamihedha. 35Ode ogasile, ahiliva korowa biili dha parata#10.35 Korowa dha parata Naari wi: denariyo. Denariyo yaali korowa yawale ya parata ya oRoma mutheengo waliveliwa namalaba alaba nlabo nimohi. wa muliba nyuba yowawaakela aleddo. Oliye wiira: <Mmukameele muthu ola, dhinamunoongeliinyu dhimohi gadhaaga ginoliva> >>.
36Vano Yesu ahimukohaga namasuuziha a malamulo, wiira: <<Moobuwelelo aawo, athu ale araaru, aali mwaaddamani duuvi?>>
37Oliye ahaakulaga: <<Di ole amukamihedhe>>.
Yesu ahiira: <<Odhowe, weeregena ndo>>.
Vaade va Maarata ni Mariya
38Yesu eeddaga ni anamasuuza aaye, yahifiyaga murudda mmohi, vano mwihiyana mmohi eeriwa Maarata ahimwaakela vaade vaaye. 39Maarata ahikalana ddibile mmohi, eeriwa Mariya, akaraatilege omanyaloni a Yesu, omvuruwanaga dhoosuuziha dhaaye. 40Mbwenye Maarata aaligi ookathamiheya vajinji ni mabasa. Nuwindo, ahimwaaddamelaga Yesu, omukoha: <<Nabwiyani, kamunapwatha wi ddibilaaga oyo ogihiyedhe mabasa meenka? Mwaaddeleni wi agikamihedhege!>>
41Yesu ahimwaakulaga, wiira: <<Maarata! Maarata! We ohusanyeya voohumaaleya ni dhego dhijinji, 42mbwenye, yoofuneya si yego emohi baahi.#10.42 Enofwanyeya madhu owi: eng'onong'ono soofuneya naari egali yego emohi elebiwe mu dhoolebiwa ni madada dhimohi. Mbwenye anamasuuza ajinji enoobuwela wi mbwenye, yoofuneya si yego emohi baahi madhu ala yalebiwe ni Luka. Mariya ohusakula yookwaranya ela, kalivo onamwaake>>.
Tällä hetkellä valittuna:
Luka 10: tke
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2015, Wycliffe Bible Translators, Inc. All rights reserved.
Luka 10
10
Yesu onowaaruma anamasuuza makumi matanu nameenddi ni abiili (72)
1Dhigeereye nde, Nabwiya Yesu ahaasakula anamasuuza amohi, makumi matanu ni meenddi ni abiili#10.1 Dhoolebiwa dhimohi dhini: 70; teto va verisikulu 17. waaruma abiili-abiili wi esogole edhowe mmaluwani ni mburo mwafuniiye odhowa. 2Ahawaaddela, wiira: <<Dhoohadda dhihinjiva, anamalaba eli vang'ono. Nyo anamasuuza mmulobe Nabwiya mwiinya a dhoohadda wi aarume anamalaba omidda waaye. 3Dhowani dhiinoveva! Miyo ginowuurumani wona mabila vaari va miiji. 4Muhuthukule thumba, na korowa, naari thumba na voolenddoni, naari sapatho; muhumulojele muthu mundila.#10.4 Madhu ala, yatapulela wi ehiseliwege ni dhimohi, ehiyaga dhaarumiwiisu.
5<<Nyuba enavolowigiinyumo, vowambeela muwoge, mwiire: <Murenddele okale vaade va!> 6Akalavo muthu a murenddele, murenddele weenyu omukitele oliye; ahikalavo, murenddeleya owelele wa nyo. 7Mukalege vaade vevo, mujege, mung'wege, eyene enoovahigiisuni, vowi soofuneya namalaba aakele nlivo naaye. Muheenjedhe mookala.
8<<Mwafiya valuwani mwaakeliwa pama, mujege eyene enoovahigiisuni. 9Mwaayilihege aredda enaakale muluwani mo, mwawaaddelege, wiira: <Omwene wa Mulugu ohuufiyedhani>. 10Mbwenye, mwavolowa nluwa nimohiniwa ehuwaakelani, mvenye, mudhowe mmarampani, mweere: 11<Hiyo nihitata nthubi na nluwa neenyu noombuwelihe manyalo eehu wi ekale yoonihedho wa nyo. Mwa nda, munone wi Omwene wa Mulugu ohuufiyedhani>. 12Ginowuwaaddelani wi nlabo na muladdu athu a oSoddoma enodha evuguleliwe goyi yeewa ohiya athu a nluwa ndde.
13<<Ooddilu di we, Koraziimi! Ooddilu di we, Betisayida! Vowi matikiniho yiireyile mwa nyo yaheereye oTiru ni oSidoni, athuya yeerege hivano egatthwaruwe mowaaguva, ewaraga masakwi ni wiihela nddoora. 14Mbwenye mu othongi wa Mulugu onodha avugulele goyi ya oTiru ni oSidoni, ohiyana murudda dha oKoraziimi ni Betisayida. 15We, Kafaranawu, oneesa oneere ogwelihiwa odhowe odhulu? Naari! Onomorihedhiwa mburo wa anookwa!>>
16Yesu ahiwogaga ni anamasuuza aaye makumi matanu na meenddi ni abiili ale, wiira: <<Ole onoovuruwanani, onagivuruwana miyeene; ole onagikoodda miyo onamukoodda baba aaga Mulugu ogirumile>>.
17Vano anamasuuza makumi matanu ni meenddi ni abiili ale yahiwelaga ni ohagalala wuulubale; yiiraga: <<Nabwiyani, mwa ndina neenyu mineba dhabure dhihifiyedha oniiwelela!>>
18Mbwenye oliye ahawiirela: <<Miyo gihimoona Sathana amoraga odhulu wona ozherima. 19Onani miyo guhuuvahani owodha woonyingalana nyowa, awalize ni owodha waatewene wa mwiiddani mowindo kilivo enoovoreyegeni. 20Mwa dhaatedhene kamuhagalale mwaha wowi mineba dhabure dhinowuwiiwelelani, mbwenye muhagalale vowi mandina eenyu ehilebiwa odhulu>>.
21Mudhidhi olene Yesu ahihagalala mwa Muneba Woweela, wiira: <<Miyo ginowuutamaalani Babani, Nabwiya a odhulu ni elabo ya vati, vowi muhaalogohedha dhego nda athu atthottho ni oosuuza, mwawoonihile ahima. Ee! Babani, wula puufuna weenyu.
22<<Dhaatedhene gihivahiwa ni ababa kalivo omunonile Mwaana ahili Babe teto kalivo omunonile Babe ahili Mwaana ni ayene enaafuniiyena waanoniha>>.
23Vano ahirugunuwelaga ombale, owoga ni anamasuuza aaye, wiira: <<Ooreelihiwa bi meento enoona dhinooniinyu. 24Vowi miyo ginowuwaaddelani wi anamavuhulela ajinji ni mamwene yahifunesesa woona dhinooniinyu mbwenye kayoonile, wiiwa dhineewiinyu mbwenye kayeewile>>.
Musibe wa muSamariya apama
25Nlabo nimohi namatapulela a Malamulo ahivenyaga wi amweehe Yesu. Omukoha, wiira: <<Namasuuziha, gineere ddi wi gikalena egumi yoohumala?>>
26Yesu ahimwaakulaga, wiira: <<MMalamuloni dhilebiwe avi? Onatapulela avi?>>
27Oliye ahaakulaga, wiira: <<Dhilebiwe: Omudhivelege Nabwiya Mulugu aawo ni murima waawo waatene, ni egumi yaawo yaatene, ni kopolo dhaawo dhaatedhene, ni wiiwelelamo waawo waatewene;#10.27 Deteronomiyo 6.5. omudhivelege mwaaddamani aawo wona muneedhiveliiwe>>.#10.27 Levitiku 19.18.
28Yesu ahimwaakulaga, wiira: <<Ohaakula pama. Wiiregena dhedho oneere okalawoove>>.
29Mbwenye namasuuziha a malamulo ole afunaga wiyaakwanihela yeekaaye, ahiiraga: <<Ki mwaaddamani aaga baani?>>
30Yesu ahimwaakulaga, wiira: <<Aaligi mulobwana mmohi akitaga oZheruzalemi, adhowaga oZheriko, mundila ahigumana ni mapanga. Omwihidda omwaaka dhoowara dhaaye omuddwadha omporosa vajinjivene, omwihiya nenaa ni okwa. 31Moohujejiheya, namakutha mmohi egi odha dila emohive, agamoonile mulobwana ole ahimuwereweraga. 32Dila emohive egi ovira muLeevi, agamoonile ni oliyeene, ahimuwereweraga. 33Vano muSamariya mmohi adheelaga dila emohive elene, agamoonile, ahifiyaga vakukuuve omweeddiwela thagaraga. 34Omuhuwa makwaddaya, ohelamo makura ni vinyu ompotha. Vano omuthukula omugweliha vamwaneenyamani aaye, omudhowana nyuba ya aleddo, omukamihedha. 35Ode ogasile, ahiliva korowa biili dha parata#10.35 Korowa dha parata Naari wi: denariyo. Denariyo yaali korowa yawale ya parata ya oRoma mutheengo waliveliwa namalaba alaba nlabo nimohi. wa muliba nyuba yowawaakela aleddo. Oliye wiira: <Mmukameele muthu ola, dhinamunoongeliinyu dhimohi gadhaaga ginoliva> >>.
36Vano Yesu ahimukohaga namasuuziha a malamulo, wiira: <<Moobuwelelo aawo, athu ale araaru, aali mwaaddamani duuvi?>>
37Oliye ahaakulaga: <<Di ole amukamihedhe>>.
Yesu ahiira: <<Odhowe, weeregena ndo>>.
Vaade va Maarata ni Mariya
38Yesu eeddaga ni anamasuuza aaye, yahifiyaga murudda mmohi, vano mwihiyana mmohi eeriwa Maarata ahimwaakela vaade vaaye. 39Maarata ahikalana ddibile mmohi, eeriwa Mariya, akaraatilege omanyaloni a Yesu, omvuruwanaga dhoosuuziha dhaaye. 40Mbwenye Maarata aaligi ookathamiheya vajinji ni mabasa. Nuwindo, ahimwaaddamelaga Yesu, omukoha: <<Nabwiyani, kamunapwatha wi ddibilaaga oyo ogihiyedhe mabasa meenka? Mwaaddeleni wi agikamihedhege!>>
41Yesu ahimwaakulaga, wiira: <<Maarata! Maarata! We ohusanyeya voohumaaleya ni dhego dhijinji, 42mbwenye, yoofuneya si yego emohi baahi.#10.42 Enofwanyeya madhu owi: eng'onong'ono soofuneya naari egali yego emohi elebiwe mu dhoolebiwa ni madada dhimohi. Mbwenye anamasuuza ajinji enoobuwela wi mbwenye, yoofuneya si yego emohi baahi madhu ala yalebiwe ni Luka. Mariya ohusakula yookwaranya ela, kalivo onamwaake>>.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2015, Wycliffe Bible Translators, Inc. All rights reserved.