لوکا 14
14
ایسّا پَریسیێئے لۆگا مهمانَ بیت
1چۆ بوت که شَبَّتئے رۆچێا ایسّا په وراکئے ورگا پَریسی سرۆکێئے لۆگا شت. اۆدئے مردم په دلگۆش آییا چارگا اَتنت که بارێن چے کنت؟ 2آییئے دێم په دێما مردے اَت که چه جَلَندَرئے نادْراهیا#14:2 جَلَندَر نادْراهیے که بدنا گواتَ دنت. بدنی گوات گپتگ‌اَت. 3ایسّایا چه شَریَتئے کازی و پَریسیان جُست گپت: ”شَبَّتئے رۆچا نادْراهانی دْراه کنگ رئوا اِنت یا نه؟“ 4بله آ بێتئوار بوتنت. گڑا ایسّایا آ مردئے دست گپت، مَردی دْراه کرت و رُکست کرت.
5گڑا ایسّایا دێم گۆن آیان تَرّێنت و گوَشتی: ”چه شما کئے اِنت که آییئے چُکّ یا گۆک شَبَّتئے رۆچا چاتا بکپیت و آییا هما دمانا چه چاتا در مکنت؟“ 6بله آیان هچّ پَسّئو دات نکرت.
7وهدے ایسّایا دیست که مهمان چِه پئیما دیوانجاهئے شرترێن جاگهان گچێن کنگا اَنت، گڑا اے مِسالی دات و گوَشتی: 8”وهدے تئو په سور و آرۆسێا لۆٹگَ بئے، دیوانئے شرترێن جاگهان منند، بلکێن چه تئو مسترێن مردمے هم لۆٹگ بوتگ. 9گڑا آ مهماندار که شمارا دوێنانا لۆٹتگی، ترا گوَشیت: ’وتی جاها آییا بدئے.‘ گڑا تئو پَشَل و شرمندگَ بئے و جَهلترێن جاگها نندئے. 10وهدے کَسے ترا مهمانَ کنت، جَهلترێن جاگها بنند، تانکه مهماندار وت بیئیت و بگوَشیت: ’او منی دۆست! بیا، شرترێن جاگهێا بنند.‘ آ وهدا تئو آ دگه سجّهێن مهمانانی چمّان شرپدارَ بئے. 11چێا که هرکَس وتا مزنَ کنت، کَمشرپَ بیت و هرکَس وتا جَهل و اێردستَ مَنّیت، وشنام و شرپدارَ بیت.“
12گڑا ایسّایا گۆن مهماندارا گوَشت: ”وهدے تئو په سبارگ یا شاما مهمانیَ کنئے، وتی سَنگت، برات و سیاد یا هستۆمندێن همساهگان ملۆٹ. چۆ مبیت که آ هم ترا مهمان بکننت و تئو وتی مهمانیئے بدلا بگرئے. 13وهدے مهمانیَ کنئے، نێزگار و مُنڈ و لَنگ و کۆران بلۆٹ. 14گڑا بَهتاورَ بئے، چێا که آیانی کِرّا چیزّے نێست که ترا بدلا بدئینت و تئو وتی مُزّا پهرێزکارانی زندگ بئیگ و جاه جنَگئے#14:14 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. رۆچا گرئے.“
مزنێن مهمانیئے مِسال
(مَتّا 22:1–10)
15چه اۆدئے مهمانان یکّێا گۆن اے هبرئے اِشکنگا گوَشت: ”بَهتاور اِنت هما که هُدائے بادشاهیئے مهمانیا ورگَ وارت.“ 16ایسّایا گوَشت: ”مردێا بلاهێن مهمانیے کرت و بازێن مردمے لۆٹاێنت. 17مهمانیئے رۆچا گۆن وتی گُلاما گوَشتی: ’برئو منی مهمانان بگوَش که بیاێت، نون هر چیزّ تئیار اِنت.‘ 18بله چه آ سجّهێنان هر یکّێا نیمۆنے کرت و نئیاتک. یکّێا گوَشت: ’من یکّ ڈگارے بها زرتگ و باید اِنت آییئے چارگا برئوان، پمێشکا منا ببکش.‘ 19دگرێا گوَشت: ’من پنچ جُتک کاییگر#14:19 کاییگر، بزان مزنێن نَرێن گۆک. زرتگ و په آیانی چارگ و چَکّاسگا رئوگا آن، پمێشکا منا ببکش.‘ 20دگه یکّێا گوَشت: ’من نۆکی سور کرتگ، پمێشکا آتکَ نکنان.‘
21گُلام آتک و وتی واجهی چه اے هالان سَهیگ کرت. واجه اے هبرانی اِشکنگا سکّ زَهر گپت و هُکمی دات: ’دمانا برئو، چه شهرئے تَنْک و دَمکان سجّهێن نێزگار و مُنڈ و کۆر و لَنگان بیار.‘ 22رَندا گُلام آتک و گوَشتی: ’واجه! هرچے که تئو منا هُکم دات من هما ڈئولا کرت، بله اَنگت جاگه هست.‘ 23گڑا واجها وتی گُلام هُکم کرت: ’شهرا ڈنّ راه و رَهسران برئو، مردم شۆهاز کن و آیان مجبور کن و بیار تانکه منی لۆگ چه مردما پُرّ ببیت.‘ 24شمارا راستَ گوَشان که چه ائولی لۆٹتگێن مردمان یکّے هم منی مهمانیئے وراکانَ نچَشیت.“
ایسّائے مُریدیئے تاوان
(مَتّا 10:37–38؛ 16:24؛ لوکا 9:23)
25مزنێن رُمبے ایسّائے همراهیا رئوَگا اَت. آییا دێم تَرّێنت و گۆن آیان گوَشتی: 26”آ که لۆٹیت منی مُرید ببیت، اگن چه وتی پت و مات، جَن و چُکّ، برات و گهاران و چه وتی جندئے ساها هم سر مگوَزیت، منی مُرید بوتَ نکنت. 27کَسے که وتی سَلیبا بَڈّا نکنت و منی رَندا نبیت، آ هم منی مُرید بوتَ نکنت.
28اگن چه شما کسے لۆٹیت که بُرجے ببندیت، گڑا بُرجئے بندگا پێسر آ نندیت و بُرجئے هرچ و درچئے هسابا جنت و چاریت که بارێن من اے کارا سَرجم کرتَ کنان یا نه. 29چێا که اگن اے بُرجئے بُنرِدا اێر بکنت و ناسرجما بِلّیتی، سجّهێن مردم که گندنت، آییئے سرا کندنت و 30گوَشنت: ’اے مردا کارے بِندات کرت بله نَتوانتی سَرجمی بکنت.‘
31یا اگن بادشاهے ارادهَ کنت که گۆن دگه بادشاهێا جنْگَ کنان، گڑا جنْگا پێسر آ نندیت و اَندازهَ جنت که بارێن من گۆن ده هزارئے پئوجا آ بادشاهئے بیست هزاری لشکرئے دێما اۆشتاتَ کنان یا نه. 32و اگن بگندیت که آییئے دێما داشتَ نکنان، گڑا دژمنئے لشکر که انگت دور اِنت، آ وتی کاسِدان رئوانَ دنت که سُهل و سَلاهئے شرتان بزانت. 33همے پئیما چه شما هرکَس، تان وهدے که چه وتی هر چیزّا دست مکَشّیت، منی مُرید بوتَ نکنت.
34واد شَرّ اِنت، بله اگن وادئے تام برئوت، گڑا چۆن پدا تامدار کنگَ بیت؟ 35نه زمینئے کارا کئیت و نه سَمات بوتَ کنت، مردم آییا دئورَ دئینت. هرکَسا په اِشکنگا گۆش پِر، بِشکنت.“
Tällä hetkellä valittuna:
لوکا 14: HPKB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2016-22 Wycliffe Bible Translators, Inc.
لوکا 14
14
ایسّا پَریسیێئے لۆگا مهمانَ بیت
1چۆ بوت که شَبَّتئے رۆچێا ایسّا په وراکئے ورگا پَریسی سرۆکێئے لۆگا شت. اۆدئے مردم په دلگۆش آییا چارگا اَتنت که بارێن چے کنت؟ 2آییئے دێم په دێما مردے اَت که چه جَلَندَرئے نادْراهیا#14:2 جَلَندَر نادْراهیے که بدنا گواتَ دنت. بدنی گوات گپتگ‌اَت. 3ایسّایا چه شَریَتئے کازی و پَریسیان جُست گپت: ”شَبَّتئے رۆچا نادْراهانی دْراه کنگ رئوا اِنت یا نه؟“ 4بله آ بێتئوار بوتنت. گڑا ایسّایا آ مردئے دست گپت، مَردی دْراه کرت و رُکست کرت.
5گڑا ایسّایا دێم گۆن آیان تَرّێنت و گوَشتی: ”چه شما کئے اِنت که آییئے چُکّ یا گۆک شَبَّتئے رۆچا چاتا بکپیت و آییا هما دمانا چه چاتا در مکنت؟“ 6بله آیان هچّ پَسّئو دات نکرت.
7وهدے ایسّایا دیست که مهمان چِه پئیما دیوانجاهئے شرترێن جاگهان گچێن کنگا اَنت، گڑا اے مِسالی دات و گوَشتی: 8”وهدے تئو په سور و آرۆسێا لۆٹگَ بئے، دیوانئے شرترێن جاگهان منند، بلکێن چه تئو مسترێن مردمے هم لۆٹگ بوتگ. 9گڑا آ مهماندار که شمارا دوێنانا لۆٹتگی، ترا گوَشیت: ’وتی جاها آییا بدئے.‘ گڑا تئو پَشَل و شرمندگَ بئے و جَهلترێن جاگها نندئے. 10وهدے کَسے ترا مهمانَ کنت، جَهلترێن جاگها بنند، تانکه مهماندار وت بیئیت و بگوَشیت: ’او منی دۆست! بیا، شرترێن جاگهێا بنند.‘ آ وهدا تئو آ دگه سجّهێن مهمانانی چمّان شرپدارَ بئے. 11چێا که هرکَس وتا مزنَ کنت، کَمشرپَ بیت و هرکَس وتا جَهل و اێردستَ مَنّیت، وشنام و شرپدارَ بیت.“
12گڑا ایسّایا گۆن مهماندارا گوَشت: ”وهدے تئو په سبارگ یا شاما مهمانیَ کنئے، وتی سَنگت، برات و سیاد یا هستۆمندێن همساهگان ملۆٹ. چۆ مبیت که آ هم ترا مهمان بکننت و تئو وتی مهمانیئے بدلا بگرئے. 13وهدے مهمانیَ کنئے، نێزگار و مُنڈ و لَنگ و کۆران بلۆٹ. 14گڑا بَهتاورَ بئے، چێا که آیانی کِرّا چیزّے نێست که ترا بدلا بدئینت و تئو وتی مُزّا پهرێزکارانی زندگ بئیگ و جاه جنَگئے#14:14 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. رۆچا گرئے.“
مزنێن مهمانیئے مِسال
(مَتّا 22:1–10)
15چه اۆدئے مهمانان یکّێا گۆن اے هبرئے اِشکنگا گوَشت: ”بَهتاور اِنت هما که هُدائے بادشاهیئے مهمانیا ورگَ وارت.“ 16ایسّایا گوَشت: ”مردێا بلاهێن مهمانیے کرت و بازێن مردمے لۆٹاێنت. 17مهمانیئے رۆچا گۆن وتی گُلاما گوَشتی: ’برئو منی مهمانان بگوَش که بیاێت، نون هر چیزّ تئیار اِنت.‘ 18بله چه آ سجّهێنان هر یکّێا نیمۆنے کرت و نئیاتک. یکّێا گوَشت: ’من یکّ ڈگارے بها زرتگ و باید اِنت آییئے چارگا برئوان، پمێشکا منا ببکش.‘ 19دگرێا گوَشت: ’من پنچ جُتک کاییگر#14:19 کاییگر، بزان مزنێن نَرێن گۆک. زرتگ و په آیانی چارگ و چَکّاسگا رئوگا آن، پمێشکا منا ببکش.‘ 20دگه یکّێا گوَشت: ’من نۆکی سور کرتگ، پمێشکا آتکَ نکنان.‘
21گُلام آتک و وتی واجهی چه اے هالان سَهیگ کرت. واجه اے هبرانی اِشکنگا سکّ زَهر گپت و هُکمی دات: ’دمانا برئو، چه شهرئے تَنْک و دَمکان سجّهێن نێزگار و مُنڈ و کۆر و لَنگان بیار.‘ 22رَندا گُلام آتک و گوَشتی: ’واجه! هرچے که تئو منا هُکم دات من هما ڈئولا کرت، بله اَنگت جاگه هست.‘ 23گڑا واجها وتی گُلام هُکم کرت: ’شهرا ڈنّ راه و رَهسران برئو، مردم شۆهاز کن و آیان مجبور کن و بیار تانکه منی لۆگ چه مردما پُرّ ببیت.‘ 24شمارا راستَ گوَشان که چه ائولی لۆٹتگێن مردمان یکّے هم منی مهمانیئے وراکانَ نچَشیت.“
ایسّائے مُریدیئے تاوان
(مَتّا 10:37–38؛ 16:24؛ لوکا 9:23)
25مزنێن رُمبے ایسّائے همراهیا رئوَگا اَت. آییا دێم تَرّێنت و گۆن آیان گوَشتی: 26”آ که لۆٹیت منی مُرید ببیت، اگن چه وتی پت و مات، جَن و چُکّ، برات و گهاران و چه وتی جندئے ساها هم سر مگوَزیت، منی مُرید بوتَ نکنت. 27کَسے که وتی سَلیبا بَڈّا نکنت و منی رَندا نبیت، آ هم منی مُرید بوتَ نکنت.
28اگن چه شما کسے لۆٹیت که بُرجے ببندیت، گڑا بُرجئے بندگا پێسر آ نندیت و بُرجئے هرچ و درچئے هسابا جنت و چاریت که بارێن من اے کارا سَرجم کرتَ کنان یا نه. 29چێا که اگن اے بُرجئے بُنرِدا اێر بکنت و ناسرجما بِلّیتی، سجّهێن مردم که گندنت، آییئے سرا کندنت و 30گوَشنت: ’اے مردا کارے بِندات کرت بله نَتوانتی سَرجمی بکنت.‘
31یا اگن بادشاهے ارادهَ کنت که گۆن دگه بادشاهێا جنْگَ کنان، گڑا جنْگا پێسر آ نندیت و اَندازهَ جنت که بارێن من گۆن ده هزارئے پئوجا آ بادشاهئے بیست هزاری لشکرئے دێما اۆشتاتَ کنان یا نه. 32و اگن بگندیت که آییئے دێما داشتَ نکنان، گڑا دژمنئے لشکر که انگت دور اِنت، آ وتی کاسِدان رئوانَ دنت که سُهل و سَلاهئے شرتان بزانت. 33همے پئیما چه شما هرکَس، تان وهدے که چه وتی هر چیزّا دست مکَشّیت، منی مُرید بوتَ نکنت.
34واد شَرّ اِنت، بله اگن وادئے تام برئوت، گڑا چۆن پدا تامدار کنگَ بیت؟ 35نه زمینئے کارا کئیت و نه سَمات بوتَ کنت، مردم آییا دئورَ دئینت. هرکَسا په اِشکنگا گۆش پِر، بِشکنت.“
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2016-22 Wycliffe Bible Translators, Inc.