Mt 12
12
Bëyègè bakoe fes a sabbat
Mk 2,23-28; Lk 6,1-5
1Abog te, Yesus alodo a zaṅ mëfub a amos sabbat. Bëyègè boe bëwogo zie, ndò bëngakèè na bakoe fes, bëngadi. 2Bëfarisea bëngayi yen nala, bò ai nyè na: Watala anë bëyègè boe babò e dzam anë eki a amos sabbat a? 3Nyè ai bò na: Miandzë laṅ e di David angabò a, eyòṅ angawog zie, tò e bod bëngabë ai nyè, 4mbol anganyian a nda Zamba, bëngadi bëmbaṅëla mëtunëṅa, a tò nyè tò e bod bëmbë ai nyè bëngabë eki a di, sësala hë bëfada etam? 5Ndò ki, miandzë laṅ a mvende na, a amos sabbat, bëfada badaṅ mvende a Tempel, tègè vus a? 6Makad mina na mod ziṅ anë ha alodo Tempel. 7Ngë miwogo të ebug dzi na: Mayaṅan ai ngòl alodo anë mëtunëṅa#12,7 Os 6,6, ngë miandzë bò tsig mbë ntol. 8Amu mòn mod anë nti sabbat.
E mod angabë abëlë nkat wò
Mk 3,1-6; Lk 6,6-11
9Ndò angakodo hala, akëlë a nda-bikoan dzaban. 10Mod angabë hala atoa nkat wò. Ndò bëngasili nyè na: Yë bënë dzam bò mod mvoè a amos sabbat? Asu yë na bësòman nyè. 11Ndò hm akad bò na: Za mod y'abë mina anë dzam bò na abëlë ntomba, ntomba te okuu nyè a ebe a amos sabbat, abò wò të kë nyii? 12Mod alod hm të ntomba fog fe? Mod abëlë hm ngul ya abò mbëṅ a amos sabbat. 13Ndò hm adzo ai mod na: Sama wò. Ndò angasam wò, odugan fë bò mvoè anë e hi mbòg. 14Bëfarisea bëkui hm a nsëṅ, bëngabui fëg, mbol bënë nyè dzam woe#12,14 Kan esye esë engabë eki a amos sabbat. Nsyean ya Yesus asye mod a amos sabbat onë nguma nsëm asu bëfarisea..
Yesus anë ndindiṅ mbò-esye
Mk 3,7-12; Lk 6,17-19
15Mbol Yesus angabë yëmë nala, ndò angakodo hom te. Minkunda abui mingatoṅ nyè, angasye bò bësë. 16Ndò angabende bò na, të babò na adzo te akui a ngëṅ, 17asu yë na ebug ya profet Isaias angadzo edzalëban na: 18Yënë mbò esye wama nyò mëngatòb, Ndindiṅ wama ya mafuu nnëm! Mayi nyè vë nsisim wama, Ayi tsig ntol a mëyòṅ. 19Ayi ki bò mod mëdzo, tò kiṅ, ayi ki bede a yob, Bayi ki wog kiṅ dzie a maan. 20Ayi ki këlan e nden ebugi ya, Ngë adim e man nkabag angënë ayoṅo, Akëlë kui anë ayi dò ai sosoo. 21Mëyòṅ mayi bi afidi a dzoe die#12,21 Is 42,1-4.
Yesus ban Belzebul
Mk 3,22-30; Lk 6,43-45. 11,14-23
22Ndò bakë sòṅ ai nyè ndindim obëlë mbë nsisim, otoa fë mvug, abòò wò mvoè e kan yë na mvumvug ongakòbò, oyënë fë. 23Minkunda mingakam, bëdzo na: E mod nyò asë man David a? 24Bëfarisea bëngayi wog, bò na: E mod nyòlò atsidan bëbe minsisim hë ai ngul Belzebul, ndzoe bëbe minsisim. 25Mbol angabë ayëmë mintsogan miaban ndò adzo ai bò na: Edzoe esë enë nkaban a zaṅ, ngam ngam, yawoe eben. Ndò fë e tisòn esë ngë nda enë nkaban a zaṅ, esë ki dzam tòbò kòm. 26Ndò ngë Satan atsidan Satan, aluman ai emen! Eyë hm edzoe dzie yayi tëbë ya? 27Ndò hm, ngë matsidan minsisim ai ngul Belzebul, e bod ban batsidan bò ai ngul za? Bò bëben mbò hm batsig mina ntol. 28Hë da, ngë matsidan minsisim ai nsisim Zamba, edzoe Zamba ekui ya abë mina. 29Za anë dzam nyian zingi a nda, angasa nyè byem, ngë andzëki tari faṅ zingi te ngadag, asò hm sa nda te? 30E mod asëki ai ma esamba, anë ma e ngam y'ayat; e nyò akoan ki ai ma fufulu, atsam. 31Asu te makad mina na: Nsëm osë ai ekag esë#12,31 E mod ayen na Satan nyè abò e mam ya Mfufub Nsisim ahë bò, mod te ayi ki akode. Amgbali Nsisim., bingâdzuuban bod. Hë ekag mod wakag Mfufub Nsisim yangâdzuuban ki. 32Ndò fë e mod akòbò mbë ebug atyan ai mòn mod, adzo te layi nyè dzuban. Hë da, ngë mod akòbò abe atyan ai Mfufub Nsisim, langâdzuuban ki nyè, tò enyiṅ dzi, tò e dzi yazu.
Bayëm ele a bibuma bie
33Ngë ele enë mbëṅ, bibuma bie binë mbëṅ; ngë enë abe, bibuma bie binë fë abe. Amu bayëm ele a bibuma bie. 34A ayòṅ nyò di, eyë minë dzam kòbò mbëṅ, mibòò abe ya? Amu anyu lafala e di lasò a nnëm ete. 35Mbëmbë mod akuli mimbëmbë mi mam a mbëmbë etòg akuma dzie, anë mbë mod akuli bëbe bë mam a mbë nnëm woe. 36Makad mina na, bod bayi tye ndòṅ ya bibug bisë bakòbò ekokòbò a amos nkat. 37Amu wayi kiebë a nkat hë a bibug bie, oku fë a nkat hë a bibug bie.
Bod basili ndëm
Mk 8,11; Lk 11,16.29-32
38Ndò bësaṅa bëkalara bëziṅ ai bëfarisea badzo ai nyè na: A ṅyëgëlë, biayi yen ndëm ziṅ esòò abë wa. 39Ndò ayalan bò na: Mbë mvòṅ ebamba asili ndëm! Ndò hm ndëm ziṅ yayi ki mina vëëban, së na ndëm profet Yonas. 40Amu, e kan Yonas angabombo mëlu mëlè ai mëmos mëlè a abum kòs, nala ngò mòn mod ayi tòbò a abum si mëmos mëlè ai mëlu mëlè. 41Bod ya Ninive bayi kodo a si a amos nkat, bëngakpèè ayom bod di a nkat, amu bò, bëngavëṅan ai mbëman Yonas angabëmë bò. E mod alod Yonas anë va a! 42Nkukuma mininga ya minkiè#12,42 Nkukuma mininga hi ongabë nkukuma ya Saba, ngòn evindi. wayi tëbë a si, ongakpèè ayom bod di a nkat, amu angatye a abug si, na azu wog fëg Salomon; E mod alod Salomon anë va a!
Mbë nsisim ayi dugan sò
Lk 11,24-26
43Eyòṅ mbë nsisim akui ya mod a nyòl, akëë akiṅa nkod-nnam, adzëṅë e hom awaè, dzam da tègè yen. 44Abog te adzo na, mayi dugan a nda dzama, mfa masò. Akëë sò, asò kòb nda etoa mfuban ai nkoman mbëṅ, etoa evoe. 45Abog te hm akë nòṅ minsisim mifë zamgbal milodo nyè a abe, asò nyii, atòbò fë ete. Etye e mod nyò yayi bian bëb alodo anë e dzi osu. Nala ngò wayi yenan ai mbë ayòṅ nyò.
Nyia ai babënyaṅ bë Yesus
Mk 3,31-35; Lk 8,19-21
46Angënë akòbògò ai minkunda nala, nyia ai babënyaṅ bëntëlë a nsëṅ, bëyaṅan na balèè ai nyè. 47Ndò mod ziṅ a kad nyè na: Nyoa ai babënyòṅ bëtëlë a nsëṅ, bayi na balèè ai wa. 48Ndò angayalan e mod nyò na: Za anë nana, ngë babëdzaṅ#12,48 Esye minsisim yalod avuman. Nala watyan ki na avuman asëki ai mfi.? 49Asama wò a bëyègè boe bëngabë, nyè na: Nana ai babëdzaṅ ba. 50Amu e mod adzala ṅyian tara y'anë a yob, ṅnyè anë madzaṅ, ai kal dzama, ai nana.
Tällä hetkellä valittuna:
Mt 12: NTE12
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
MKPAMAṄ AMVOE Nouveau Testament en langue Ewondo © Bible Society of Cameroon, 2012.
Mt 12
12
Bëyègè bakoe fes a sabbat
Mk 2,23-28; Lk 6,1-5
1Abog te, Yesus alodo a zaṅ mëfub a amos sabbat. Bëyègè boe bëwogo zie, ndò bëngakèè na bakoe fes, bëngadi. 2Bëfarisea bëngayi yen nala, bò ai nyè na: Watala anë bëyègè boe babò e dzam anë eki a amos sabbat a? 3Nyè ai bò na: Miandzë laṅ e di David angabò a, eyòṅ angawog zie, tò e bod bëngabë ai nyè, 4mbol anganyian a nda Zamba, bëngadi bëmbaṅëla mëtunëṅa, a tò nyè tò e bod bëmbë ai nyè bëngabë eki a di, sësala hë bëfada etam? 5Ndò ki, miandzë laṅ a mvende na, a amos sabbat, bëfada badaṅ mvende a Tempel, tègè vus a? 6Makad mina na mod ziṅ anë ha alodo Tempel. 7Ngë miwogo të ebug dzi na: Mayaṅan ai ngòl alodo anë mëtunëṅa#12,7 Os 6,6, ngë miandzë bò tsig mbë ntol. 8Amu mòn mod anë nti sabbat.
E mod angabë abëlë nkat wò
Mk 3,1-6; Lk 6,6-11
9Ndò angakodo hala, akëlë a nda-bikoan dzaban. 10Mod angabë hala atoa nkat wò. Ndò bëngasili nyè na: Yë bënë dzam bò mod mvoè a amos sabbat? Asu yë na bësòman nyè. 11Ndò hm akad bò na: Za mod y'abë mina anë dzam bò na abëlë ntomba, ntomba te okuu nyè a ebe a amos sabbat, abò wò të kë nyii? 12Mod alod hm të ntomba fog fe? Mod abëlë hm ngul ya abò mbëṅ a amos sabbat. 13Ndò hm adzo ai mod na: Sama wò. Ndò angasam wò, odugan fë bò mvoè anë e hi mbòg. 14Bëfarisea bëkui hm a nsëṅ, bëngabui fëg, mbol bënë nyè dzam woe#12,14 Kan esye esë engabë eki a amos sabbat. Nsyean ya Yesus asye mod a amos sabbat onë nguma nsëm asu bëfarisea..
Yesus anë ndindiṅ mbò-esye
Mk 3,7-12; Lk 6,17-19
15Mbol Yesus angabë yëmë nala, ndò angakodo hom te. Minkunda abui mingatoṅ nyè, angasye bò bësë. 16Ndò angabende bò na, të babò na adzo te akui a ngëṅ, 17asu yë na ebug ya profet Isaias angadzo edzalëban na: 18Yënë mbò esye wama nyò mëngatòb, Ndindiṅ wama ya mafuu nnëm! Mayi nyè vë nsisim wama, Ayi tsig ntol a mëyòṅ. 19Ayi ki bò mod mëdzo, tò kiṅ, ayi ki bede a yob, Bayi ki wog kiṅ dzie a maan. 20Ayi ki këlan e nden ebugi ya, Ngë adim e man nkabag angënë ayoṅo, Akëlë kui anë ayi dò ai sosoo. 21Mëyòṅ mayi bi afidi a dzoe die#12,21 Is 42,1-4.
Yesus ban Belzebul
Mk 3,22-30; Lk 6,43-45. 11,14-23
22Ndò bakë sòṅ ai nyè ndindim obëlë mbë nsisim, otoa fë mvug, abòò wò mvoè e kan yë na mvumvug ongakòbò, oyënë fë. 23Minkunda mingakam, bëdzo na: E mod nyò asë man David a? 24Bëfarisea bëngayi wog, bò na: E mod nyòlò atsidan bëbe minsisim hë ai ngul Belzebul, ndzoe bëbe minsisim. 25Mbol angabë ayëmë mintsogan miaban ndò adzo ai bò na: Edzoe esë enë nkaban a zaṅ, ngam ngam, yawoe eben. Ndò fë e tisòn esë ngë nda enë nkaban a zaṅ, esë ki dzam tòbò kòm. 26Ndò ngë Satan atsidan Satan, aluman ai emen! Eyë hm edzoe dzie yayi tëbë ya? 27Ndò hm, ngë matsidan minsisim ai ngul Belzebul, e bod ban batsidan bò ai ngul za? Bò bëben mbò hm batsig mina ntol. 28Hë da, ngë matsidan minsisim ai nsisim Zamba, edzoe Zamba ekui ya abë mina. 29Za anë dzam nyian zingi a nda, angasa nyè byem, ngë andzëki tari faṅ zingi te ngadag, asò hm sa nda te? 30E mod asëki ai ma esamba, anë ma e ngam y'ayat; e nyò akoan ki ai ma fufulu, atsam. 31Asu te makad mina na: Nsëm osë ai ekag esë#12,31 E mod ayen na Satan nyè abò e mam ya Mfufub Nsisim ahë bò, mod te ayi ki akode. Amgbali Nsisim., bingâdzuuban bod. Hë ekag mod wakag Mfufub Nsisim yangâdzuuban ki. 32Ndò fë e mod akòbò mbë ebug atyan ai mòn mod, adzo te layi nyè dzuban. Hë da, ngë mod akòbò abe atyan ai Mfufub Nsisim, langâdzuuban ki nyè, tò enyiṅ dzi, tò e dzi yazu.
Bayëm ele a bibuma bie
33Ngë ele enë mbëṅ, bibuma bie binë mbëṅ; ngë enë abe, bibuma bie binë fë abe. Amu bayëm ele a bibuma bie. 34A ayòṅ nyò di, eyë minë dzam kòbò mbëṅ, mibòò abe ya? Amu anyu lafala e di lasò a nnëm ete. 35Mbëmbë mod akuli mimbëmbë mi mam a mbëmbë etòg akuma dzie, anë mbë mod akuli bëbe bë mam a mbë nnëm woe. 36Makad mina na, bod bayi tye ndòṅ ya bibug bisë bakòbò ekokòbò a amos nkat. 37Amu wayi kiebë a nkat hë a bibug bie, oku fë a nkat hë a bibug bie.
Bod basili ndëm
Mk 8,11; Lk 11,16.29-32
38Ndò bësaṅa bëkalara bëziṅ ai bëfarisea badzo ai nyè na: A ṅyëgëlë, biayi yen ndëm ziṅ esòò abë wa. 39Ndò ayalan bò na: Mbë mvòṅ ebamba asili ndëm! Ndò hm ndëm ziṅ yayi ki mina vëëban, së na ndëm profet Yonas. 40Amu, e kan Yonas angabombo mëlu mëlè ai mëmos mëlè a abum kòs, nala ngò mòn mod ayi tòbò a abum si mëmos mëlè ai mëlu mëlè. 41Bod ya Ninive bayi kodo a si a amos nkat, bëngakpèè ayom bod di a nkat, amu bò, bëngavëṅan ai mbëman Yonas angabëmë bò. E mod alod Yonas anë va a! 42Nkukuma mininga ya minkiè#12,42 Nkukuma mininga hi ongabë nkukuma ya Saba, ngòn evindi. wayi tëbë a si, ongakpèè ayom bod di a nkat, amu angatye a abug si, na azu wog fëg Salomon; E mod alod Salomon anë va a!
Mbë nsisim ayi dugan sò
Lk 11,24-26
43Eyòṅ mbë nsisim akui ya mod a nyòl, akëë akiṅa nkod-nnam, adzëṅë e hom awaè, dzam da tègè yen. 44Abog te adzo na, mayi dugan a nda dzama, mfa masò. Akëë sò, asò kòb nda etoa mfuban ai nkoman mbëṅ, etoa evoe. 45Abog te hm akë nòṅ minsisim mifë zamgbal milodo nyè a abe, asò nyii, atòbò fë ete. Etye e mod nyò yayi bian bëb alodo anë e dzi osu. Nala ngò wayi yenan ai mbë ayòṅ nyò.
Nyia ai babënyaṅ bë Yesus
Mk 3,31-35; Lk 8,19-21
46Angënë akòbògò ai minkunda nala, nyia ai babënyaṅ bëntëlë a nsëṅ, bëyaṅan na balèè ai nyè. 47Ndò mod ziṅ a kad nyè na: Nyoa ai babënyòṅ bëtëlë a nsëṅ, bayi na balèè ai wa. 48Ndò angayalan e mod nyò na: Za anë nana, ngë babëdzaṅ#12,48 Esye minsisim yalod avuman. Nala watyan ki na avuman asëki ai mfi.? 49Asama wò a bëyègè boe bëngabë, nyè na: Nana ai babëdzaṅ ba. 50Amu e mod adzala ṅyian tara y'anë a yob, ṅnyè anë madzaṅ, ai kal dzama, ai nana.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
MKPAMAṄ AMVOE Nouveau Testament en langue Ewondo © Bible Society of Cameroon, 2012.