JUAN 13
13
II. JESUSAX AWKIN UKARUW KUTTXI. JESUSAN T'AQHISITAPA
(13—21)
1. Jesusan arkirinakampi qhipa manq'äwipa
(13.1—17.26)
Jesusax yatiqirinakapan kayunakap jariqi
1Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.
2-4Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa,#13.2-4 Jn 16.28. Awkin taqi munañanïñ kankañ churatapsa yatirakïnwa;#13.2-4 Jn 3.35; 10.18; Mt 11.27; 28.18; Lc 10.22. manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna. 5Ukatsti mä lamanaruw um warxatäna, ukat yatiqirinakapan kayunakap jariqañar uchasïna,#13.5 Uywiripan kayup jariñax jan judiöpki uka uywatanakan lurañapänwa. 1 S 25.41. jariqasinsti wak'antatäkän uka isimpiw phiskhurarakïna.
6Simón Pedron kayunakap jariñatakïxän ukkhasti, Pedrox sänwa:
—Tatay, ¿kamisarak jumasti kayunakax jariqitätasti? —sasa.
7Jesusasti juparux sänwa:
—Kuntix nayax lurkta uk jichhax janiw amuyktati, ukampis qhipat amuyaskäta —sasa.
8Pedrosti sänwa:
—Janipuniw kayunakax jariqkitasmati —sasa.
Jesusasti sarakïnwa:
—Janitix jariqkäm ukasti, janiw nayampïkasmati —sasa.
9Simón Pedrosti Jesusarux sarakïnwa:
—Tatay, ukhamax janiy kayunakaxak jariqkistati, jan ukasti amparaxampi, p'iqixamppachay jariqita —sasa.
10Ukampis Jesusax sarakïnwa:
—Khititix jichha jariqatäki ukax janiw taqpach janchip jariqañax wakiskiti, jupan q'umäskatap layku. Jumanakasti q'umäxapxtawa, janis taqpachan q'umäpksta ukasa —sasa.
11Uksti khititix jupar aljantañapäkän uk yatitap laykuw akham säna: “Janiw taqin q'umäpktati” sasa.
12Yatiqirinakapan kayunakap jariñ tukuyasinsti, Jesusax wasitat pata isip uchasxäna, ukatsti manq'añawjar wasitat qunt'asxasin jupanakar säna:
—¿Kuntix jumanakar lurapksma uk amuyapxtati? 13Jumanakax: “Yatichiri, Tatitu” sapxistawa, uk walik sasipktaxa, nayax ukäskapuntwa. 14Ukhamax nayatix Yatichirimäkasina, Tatitumäkasin jumanakan kayunakam jaripxsmaxa, jumanakax kayunakam maynit maynikam jarisipxañamarakiwa. 15Nayax jumanakaruw uñacht'ayapxsma, kunjämtix nayax jumanakar lurapksma uka pachpa lurapxañamataki.#13.15 Mt 20.26-28; Mc 10.43-45; Lc 22.26-27; Flp 2.5-8; 1 P 2.21. 16Qhanak sapxsma, janiw khiti uywatas uywiripat sipan juk'ampïkiti,#13.16 Mt 10.24; Lc 6.40; Jn 15.20. janirakiw khiti khithatas khithiripat sipan juk'ampïkiti. 17Akanaktix amuyt'apxäta, ukat ukarjam lurapxarakïta ukasti, kusisitäpxätawa —sasa.
18“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.#13.18 Sal 41.9 (10). 19Aksti jichhatpach sapxsma, kunapachatix phuqhaskani ukkhax khitïktix nayax uk iyawsapxañamataki. 20Qhanak sapxsma, khititix nayar khithankitu ukar katuqixa, nayaruw katuqitu; nayar katuqiristi, khithankitu ukaruw katuqaraki”#13.20 Mt 10.40; Mc 9.37; Lc 9.48; 10.16; Jn 12.44-45. sasa.
Jesusax Judasan jupar aljantañapat yatiyi
(Mt 26.20-25; Mc 14.17-21; Lc 22.21-23)
21Uk arsusinsti, Jesusax chuymapan wali llakt'ataw uñjasïna, ukatsti qhan arsurakïna akham sasa:
—Qhanak sapxsma, jumanakat mayniw aljantitani —sasa.
22Uk ist'asinsti, yatiqirinakapax jupanakkamaw uñkatasipxäna, janiw khitit parlatapsa yatipkänti. 23Manq'apkän ukkhasti, Jesusan maynïr wali munat yatiqiripax jupa jak'ankaskänwa, 24Simón Pedrosti juparuw amparampi wikucht'i, khititsa parli uk Jesusar jiskt'añapataki. 25Ukat jupax Jesusar jak'achasisin jiskt'äna:
—Tatay, ¿khitirakisti? —sasa.
26Jesusasti sänwa:
—Mä jisk'a t'ant'a chilltä, ukatsti khitirutix churkä ukawa —sasa.
Ukatsti mä jisk'a t'ant'a chilltasin Simonan Judas Iscariote yuqaparuw churäna. 27Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa:
—Kuntix lurañamäki uk jank'ak luram —sasa.
28Ukan manq'irinakasti, janiw kunat uk arsutapsa amuyapkänti. 29Judasan qullqi katurïtapatxa, mayninakax amuyapxänwa, Jesusax Pascua urutak alanim siskaspas ukhama; jan ukax, jan utjirininakar qullqi churam siskaspas ukhama.
30Judasasti t'ant'a manq'antasin mistuwayxäna. Niya arumäxarakïnwa.
Machaq kamachi
31Judasan mistuwayatapatsti, Jesusax sänwa:
—Jichhax Jaqin Yuqapan jach'a kankañapax uñstiwa, Diosan jach'a kankañapas jupxan uñstaraki. 32Jaqin Yuqapatix Diosan jach'a kankañap uñacht'ayanixa, Diosasti Yuqan jach'a kankañap uñacht'ayarakiniwa, uksti jank'akiw lurani. 33Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.#13.33 Jn 7.34; 8.21. 34Aka machaq kamachi churapxsma: Maynit maynikam munasipxam. Kunjämtix nayax munasipksma,#13.34 Jn 15.12,17; 1 Jn 2.8; 3.23; 2 Jn 5. ukhamarak jumanakax maynit maynikam munasipxam. 35Jumanakatix maynit maynikam munasipxätaxa, taqiniw nayan yatiqirinakäpxatam amuyapxani —sasa.#13.35 1 Jn 3.14.
Jesusax Pedron jupar jan uñt'ir tukuñapat yatiyi
(Mt 26.31-35; Mc 14.27-31; Lc 22.31-34)
36Simón Pedrosti Jesusaruw jiskt'äna:
—Tatay, ¿kawkirurak sarätasti? —sasa.
Jesusasti juparux sänwa:
—Kawkirutix nayax sarkä, ukarux janiw jichhax arkkitasmati, ukampis uka qhipat arkitäta —sasa.#13.36 Jn 21.18-19.
37Pedrosti saskakïnwa:
—Tatay, ¿kunatarak jichhasti jan arkkirismasti? Nayax jakañax juma layku churañatakix jank'akïtwa —sasa.
38Jesusasti juparux sarakïnwa:
—¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa.#13.38 Jn 18.17-18,25-27. Mt 26.75.
Tällä hetkellä valittuna:
JUAN 13: AYOPD
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996
JUAN 13
13
II. JESUSAX AWKIN UKARUW KUTTXI. JESUSAN T'AQHISITAPA
(13—21)
1. Jesusan arkirinakampi qhipa manq'äwipa
(13.1—17.26)
Jesusax yatiqirinakapan kayunakap jariqi
1Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.
2-4Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa,#13.2-4 Jn 16.28. Awkin taqi munañanïñ kankañ churatapsa yatirakïnwa;#13.2-4 Jn 3.35; 10.18; Mt 11.27; 28.18; Lc 10.22. manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna. 5Ukatsti mä lamanaruw um warxatäna, ukat yatiqirinakapan kayunakap jariqañar uchasïna,#13.5 Uywiripan kayup jariñax jan judiöpki uka uywatanakan lurañapänwa. 1 S 25.41. jariqasinsti wak'antatäkän uka isimpiw phiskhurarakïna.
6Simón Pedron kayunakap jariñatakïxän ukkhasti, Pedrox sänwa:
—Tatay, ¿kamisarak jumasti kayunakax jariqitätasti? —sasa.
7Jesusasti juparux sänwa:
—Kuntix nayax lurkta uk jichhax janiw amuyktati, ukampis qhipat amuyaskäta —sasa.
8Pedrosti sänwa:
—Janipuniw kayunakax jariqkitasmati —sasa.
Jesusasti sarakïnwa:
—Janitix jariqkäm ukasti, janiw nayampïkasmati —sasa.
9Simón Pedrosti Jesusarux sarakïnwa:
—Tatay, ukhamax janiy kayunakaxak jariqkistati, jan ukasti amparaxampi, p'iqixamppachay jariqita —sasa.
10Ukampis Jesusax sarakïnwa:
—Khititix jichha jariqatäki ukax janiw taqpach janchip jariqañax wakiskiti, jupan q'umäskatap layku. Jumanakasti q'umäxapxtawa, janis taqpachan q'umäpksta ukasa —sasa.
11Uksti khititix jupar aljantañapäkän uk yatitap laykuw akham säna: “Janiw taqin q'umäpktati” sasa.
12Yatiqirinakapan kayunakap jariñ tukuyasinsti, Jesusax wasitat pata isip uchasxäna, ukatsti manq'añawjar wasitat qunt'asxasin jupanakar säna:
—¿Kuntix jumanakar lurapksma uk amuyapxtati? 13Jumanakax: “Yatichiri, Tatitu” sapxistawa, uk walik sasipktaxa, nayax ukäskapuntwa. 14Ukhamax nayatix Yatichirimäkasina, Tatitumäkasin jumanakan kayunakam jaripxsmaxa, jumanakax kayunakam maynit maynikam jarisipxañamarakiwa. 15Nayax jumanakaruw uñacht'ayapxsma, kunjämtix nayax jumanakar lurapksma uka pachpa lurapxañamataki.#13.15 Mt 20.26-28; Mc 10.43-45; Lc 22.26-27; Flp 2.5-8; 1 P 2.21. 16Qhanak sapxsma, janiw khiti uywatas uywiripat sipan juk'ampïkiti,#13.16 Mt 10.24; Lc 6.40; Jn 15.20. janirakiw khiti khithatas khithiripat sipan juk'ampïkiti. 17Akanaktix amuyt'apxäta, ukat ukarjam lurapxarakïta ukasti, kusisitäpxätawa —sasa.
18“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.#13.18 Sal 41.9 (10). 19Aksti jichhatpach sapxsma, kunapachatix phuqhaskani ukkhax khitïktix nayax uk iyawsapxañamataki. 20Qhanak sapxsma, khititix nayar khithankitu ukar katuqixa, nayaruw katuqitu; nayar katuqiristi, khithankitu ukaruw katuqaraki”#13.20 Mt 10.40; Mc 9.37; Lc 9.48; 10.16; Jn 12.44-45. sasa.
Jesusax Judasan jupar aljantañapat yatiyi
(Mt 26.20-25; Mc 14.17-21; Lc 22.21-23)
21Uk arsusinsti, Jesusax chuymapan wali llakt'ataw uñjasïna, ukatsti qhan arsurakïna akham sasa:
—Qhanak sapxsma, jumanakat mayniw aljantitani —sasa.
22Uk ist'asinsti, yatiqirinakapax jupanakkamaw uñkatasipxäna, janiw khitit parlatapsa yatipkänti. 23Manq'apkän ukkhasti, Jesusan maynïr wali munat yatiqiripax jupa jak'ankaskänwa, 24Simón Pedrosti juparuw amparampi wikucht'i, khititsa parli uk Jesusar jiskt'añapataki. 25Ukat jupax Jesusar jak'achasisin jiskt'äna:
—Tatay, ¿khitirakisti? —sasa.
26Jesusasti sänwa:
—Mä jisk'a t'ant'a chilltä, ukatsti khitirutix churkä ukawa —sasa.
Ukatsti mä jisk'a t'ant'a chilltasin Simonan Judas Iscariote yuqaparuw churäna. 27Judasan uka t'ant'a katuqipansti, supayax jank'akiw chuymapar mantäna. Jesusasti sarakïnwa:
—Kuntix lurañamäki uk jank'ak luram —sasa.
28Ukan manq'irinakasti, janiw kunat uk arsutapsa amuyapkänti. 29Judasan qullqi katurïtapatxa, mayninakax amuyapxänwa, Jesusax Pascua urutak alanim siskaspas ukhama; jan ukax, jan utjirininakar qullqi churam siskaspas ukhama.
30Judasasti t'ant'a manq'antasin mistuwayxäna. Niya arumäxarakïnwa.
Machaq kamachi
31Judasan mistuwayatapatsti, Jesusax sänwa:
—Jichhax Jaqin Yuqapan jach'a kankañapax uñstiwa, Diosan jach'a kankañapas jupxan uñstaraki. 32Jaqin Yuqapatix Diosan jach'a kankañap uñacht'ayanixa, Diosasti Yuqan jach'a kankañap uñacht'ayarakiniwa, uksti jank'akiw lurani. 33Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.#13.33 Jn 7.34; 8.21. 34Aka machaq kamachi churapxsma: Maynit maynikam munasipxam. Kunjämtix nayax munasipksma,#13.34 Jn 15.12,17; 1 Jn 2.8; 3.23; 2 Jn 5. ukhamarak jumanakax maynit maynikam munasipxam. 35Jumanakatix maynit maynikam munasipxätaxa, taqiniw nayan yatiqirinakäpxatam amuyapxani —sasa.#13.35 1 Jn 3.14.
Jesusax Pedron jupar jan uñt'ir tukuñapat yatiyi
(Mt 26.31-35; Mc 14.27-31; Lc 22.31-34)
36Simón Pedrosti Jesusaruw jiskt'äna:
—Tatay, ¿kawkirurak sarätasti? —sasa.
Jesusasti juparux sänwa:
—Kawkirutix nayax sarkä, ukarux janiw jichhax arkkitasmati, ukampis uka qhipat arkitäta —sasa.#13.36 Jn 21.18-19.
37Pedrosti saskakïnwa:
—Tatay, ¿kunatarak jichhasti jan arkkirismasti? Nayax jakañax juma layku churañatakix jank'akïtwa —sasa.
38Jesusasti juparux sarakïnwa:
—¿Naya layku jakañam churañatakix jank'akïtati? Qhanak sisma, wallpa janïr art'kipan jumax kimsa kuti nayar jan uñt'ir tuküta —sasa.#13.38 Jn 18.17-18,25-27. Mt 26.75.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996