Luk 3
3
Lipu Suguangama Yon Xauxau Daxangua
(Matyu 3:1-12; Mak 1:1-8)
1Taibirias wa Romdi yanamidinga Sisa#3:1 Sisa yaya tela mana xaitamoxi sabanga Rom dingia. Wa etua mana xaitamoxidi. niani 15 saing Pontias Pailat wa gabana mana titia Yudia, Herot#3:1 Lipu yayam teladi yadingdi Herot. Alali Herot Antipas, gara mana Xaitamoxi Herot wa bungina Maria hayau Yesu. wa etua mana titia Galili, kixinginoa Pilip wa etua mana titiadi Ituria xaung Tirakonaitas, Lisanias wa etua mana titia Abalin, 2xaung Anas, Kayapas tang duwa Yudadi lipuxiding hananiangam mugamugangamdi. Baing mana bungina baguba Urana sina haruanganoa na Yon, Sekaraya garanoa, bungina wa long xoliania. 3Binabu ila haxa mauli maluxuʼm titi longgalo duwa Langga Yodan singia. Baxanga baxanga na lipudi bu duxugia hatumingadingdi, saing daxap langa bu hatanga ba, saing Urana bagula yunga kuboluding diandi. 4Yon lipua naga Urana lipuxing suxunguxunguama Aisaya bung waleu sibuna mana bila li:
“Waxutu tela wagi mua long xoliania ba,
‘Axauxau daxangua mana Toxoratamona,
atongtongia daxanga maringindi mana.
5Goma longgalo bagula dibaxagi mahaing,
bimbi xaung xaxagang longgalo bagula diri hawa.
Daxangadi doga bagula disok maringina,
daxangadi xurungxurungiding bagula disok gomading.
6Baing lipu titiam longgalo bagula dibagu Urana xap kira muli baru.’ ”#Aisaya (Aisaia) 40:3-5
7Buranga dima rangua Yon bu daxap langa rangua. Harua nadi ba, “Ang bila moxa diang garandi! Gaxarea balang ba aluki mala, agiti Urana ating salianoa ma yu? 8Kuboluim aningondi duwa bi? Muga bing alibu kubolu xai bu hatanga ba axugia hatumingaimdi. Heku aharua nam bila li: ‘Kira mugangaroa Ebraham.#3:8 Ebraham lipu mugamugangam mana Yudadi. Yuda longgalo dahatum ba Yudadi lipu yayamdi mana Urana, ne teladi tegu. Binabu Urana sanga ba hanggalangia kira te.’ Namua na ngabalang ba Urana sanga ba xugia sianggadi li mala disok Ebraham bakbagindi. 9Urana xauxau masup ba hanggalangiang nabu axugia kuboluim diandi te! Bila lipu tela ta galisia matabu xai namuya, bu tui mari saing ting mala yabia nabu aningon te.”
10Buranga dingia teladi duxusunga ba, “Laku, am garia baru bu Urana hanggalangiam te?”
11Yon haxuya nadi ba, “Nabu angia tela imanging luwa bing hauli lipu gaxarea xola, saing nabu angia tela angiana bing libu kubolu taininau.”
12Lipu takis xabinganam teladi dima xauna ba daxap langa. Duxusunga ba, “Lipu tubatubaingam, am garia baru bu Urana yaha mam?”
13Baladi ba, “Axap sianga sanga mana gabman mogu ba axap ing ganina. Labu axap tela muliu tai.”
14Baing lipu haungingam teladi duxusunga ba, “Am ba, am garia baru?”
Haxuya ba, “Labu alibu lipudi dimaxuwa kimbo asu haruanga languangam nadi bu disina sianga olang nanggu tai. Ang gawa mosiu mana sianga lipuxim haringindi digimgang mana.”
15Lipudi diragu dibagu mua mana Urana Lipuxing Mogunganama ma. Ding longgalo duxusunga ding hatumingadingia ba bola Yon lipua naga kimbo tegu. 16Binabu Yon haxuya nadi ba, “Nga ba ngasuguang mana langa. Ning lipu tela haringinganoa dali haringingagua ma yu. Sanga mana ba ngaunia xaing sanggandi te, namua na yanoa dali ngayua sibuna. Bagula suguang mana Urana Aningonoa.#3:16 Urana Aningonoa ri mana lipudi mana Pentikos, bungina Yesu soxi Urana Aningonoa bu haringia lipuxindi dinaxu mana. Ubagu Aposel 2:1-4. Ne lipu gaxarea dahatum haringina mana te, bagula taudi yabia. 17Xauxau ba hata lipu xaidi xaung lipu diandi, bila lipu wit umangang oxatanamdi dihitixiya sangsangdi mana witdi. Bagula gugunia lipu xaidi numania bila lipu oxatamdi digung wit maluxu anginga numania. Ne lipu diandi, bagula taudi maluxu yap subingang teguamia bila ditau sangsangdi.” 18Yon tubatubadi haruanga xumana mana ulek xaiyua, bala lipudi ba duxugia kuboludinga.
19Ning bungina gamia Galilidi yanamidinga Herot mana xap Herodias, sabanganoa haininoa, xaung axamang diandi libudi, 20baing Herot libu kubolu hauna muli: Ta Yon salak yabania.
Yesu Xap Langa
(Matyu 3:13-17; Mak 1:9-11)
21Muga, bungina Yon sugua lipuadi ba, Yesu xap langa xauna. Baing Yesu sabuba. Sabu mua saing long xaiya xaxaina, 22saing Urana Aningonoa ri ma mana, bagunganoa bila baxaliku. Baing waxutu tela sok ma long xaiya, harua ba, “Ung Garagu sibuna, nga murugu sibuna maung. Ngayaha sibuna maung.”
Yesu Mugangandi
(Matyu 1:1-17)
23Yesu ungguti oxatanoa bungina nianindi bila 30. Lipudi dahagaxa ba tibuna Yosep.
Yosep tibuna Heli.#3:23 Lipu xabiangamdi dahatum ba Heli bing Yesu tibung ranggina, Maria tibuna, saing maxixinga baxanga Maria mugangandi.
24Heli tibuna Matat.
Matat tibuna Libai.
Libai tibuna Melki.
Melki tibuna Yanai.
Yanai tibuna Yosep.
25Yosep tibuna Matatias.
Matatias tibuna Amos.
Amos tibuna Nahum.
Nahum tibuna Esli.
Esli tibuna Nagai.
26Nagai tibuna Mat.
Mat tibuna Matatias.
Matatias tibuna Semein.
Semein tibuna Yosek.
Yosek tibuna Yoda.
27Yoda tibuna Yoanan.
Yoanan tibuna Resa.
Resa tibuna Serubabel.
Serubabel tibuna Sealtiel.
Sealtiel tibuna Neri.
28Neri tibuna Melki.
Melki tibuna Adi.
Adi tibuna Kosam.
Kosam tibuna Elmadam.
Elmadam tibuna Er.
29Er tibuna Yosua.
Yosua tibuna Elieser.
Elieser tibuna Yorim.
Yorim tibuna Matat.
Matat tibuna Libai.
30Libai tibuna Simion.
Simion tibuna Yuda.
Yuda tibuna Yosep.
Yosep tibuna Yonam.
Yonam tibuna Eliakim.
31Eliakim tibuna Melea.
Melea tibuna Mena.
Mena tibuna Matata.
Matata tibuna Natan.
Natan tibuna Debit.
32Debit tibuna Yesi.
Yesi tibuna Obet.
Obet tibuna Boas.
Boas tibuna Salmon.
Salmon tibuna Nason.
33Nason tibuna Aminadap.
Aminadap tibuna Atmin.
Atmin tibuna Arni.
Arni tibuna Hesron.
Hesron tibuna Peres.
Peres tibuna Yuda.
34Yuda tibuna Yekop.
Yekop tibuna Aisak.
Aisak tibuna Ebraham.
Ebraham tibuna Tera.
Tera tibuna Naho.
35Naho tibuna Seruk.
Seruk tibuna Reu.
Reu tibuna Pelek.
Pelek tibuna Eber.
Eber tibuna Sela.
36Sela tibuna Kainan.
Kainan tibuna Arpaksat.
Arpaksat tibuna Sem.
Sem tibuna Noa.
Noa tibuna Lamek.
37Lamek tibuna Metusela.
Metusela tibuna Inok.
Inok tibuna Yared.
Yared tibuna Mahalalel.
Mahalalel tibuna Kenan.
38Kenan tibuna Inos.
Inos tibuna Set.
Set tibuna Adam.
Adam#3:38 Urana tongtongia Adam, lipu mugamugangam. Binabu Adam lipu longgalo mugangading mugamugangama. Ubagu Unggutinga (Stat) 2. tibuna Urana.
Tällä hetkellä valittuna:
Luk 3: met
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.