Mat 7
7
Ghàà wel gham wel
(Luk 6.37-38,41-42)
1Ghàà ghɛn yɛ ghame ghel fɛ Feyine náà gham ghɛn. 2Ke lu dî bek ge Feyine náà yɛ ghame ghɛn kɛn ɛ jii yɛ ghɛne ghamen ghel ɛlee ɛ ten. Əbfek wɛ wɛ̀ feken kefaa so se geese fo se wel lu əbghene wɛ Feyine náà fek kiɛ so. 3Lu bek ghɛ wɛ wɛ̀ kiyen ɛykfəke fekak yɛ ɛy luun ɛ wan-no ə viɛ ɛyshiɛ, dî yɛne wiy kefuŋ kɛ ke luun ɛ yiɛ? 4Lòó wɛ̀ suuy lɛɛy se wan-no ə viɛ ge: Wan-no ə wom fəyse ɛykfəke fekak yɛ ɛy luun ɛ wɛ̀ ɛyshiɛ, nɛ kefuŋe fekake lu ɛ yiɛ? 5Wel əbbuam, chia mbiy è fəyse kefuŋ kɛ ke luun ɛ wɛ̀ ɛyshiɛ, é wɛ̀ me loote yɛn əblik ka wɛ fəyse ɛykfəke fekak yɛ ɛy luun ɛ wan-no ə viɛ ɛyshiɛ.
6Ghàà wel liɛ kefaa kɛ luun kɛ́ Feyine, è mak se buose fɛ se baa benle è yɛ lumle wen. Ghàà wel liɛ ɛshiɛ baŋ nə wen è mak se nkfəənyamse fɛ se baa jɛɛle nɛ̀ ɛvəə.
Ghɛn lon nɛ lu se Feyine
(Luk 11.9-13)
7Ghɛn yɛ bif kɛn bifen, é Feyine fó se ghɛn; è yɛ kɛŋ kɛn kɛŋen, é Feyine din se ghɛn; è yɛ kfənte kɛn əbchio ndaa kfənten, é Feyine dise se ghɛn. 8Bek ge naa ndɛ bife, é Feyine fó se wen, nɛ̀ naa ndɛ kɛŋe, é Feyine din se wen. Naa ndɛ yɛ kfənte əbchio ndaa, é Feyine dise se wen. 9Lu ndɛ ɛ ghɛne məm wɛ wan ə wen bifen keban, é əb fó nɛ lu ɛytiy? 10Kene əb bif səə, é əb fó nɛ lu yio? 11Ghɛn ghɛ ghele mbeese lɛ ke se fo əbfua əbjuŋe se ghon ə ghɛne lɛ, é Ba ə wɛn wɛ əb luun ɛ ɛyyio jia fo əbfua əbjuŋe se ghel ghɛ ɛ́ bifen se wen è chia ka ghɛne foon-a!
12Ghɛn yɛ nɛɛye kenəə se ghele nɛ lu kɛ ghɛne koŋen ge ghene yɛ nɛɛy se ghɛn, bek ge kii nɛ̂ kine lu kenəə kɛ nchil ghene ghele ntum nə Feyine dinen.
Lii jii əbchio əblaytene
(Luk 13.24)
13Ghɛn yɛ lii jii əbchio ndaa əblaytene bek ge jii yɛ ɛy nduun ɛ kemboo əbvəse bonene, nɛ əbchio ndaa ghake, nɛ ghel ghɛ ɛ́ liin ɛ ten dio. 14Dî nɛ əbchio ndaa wɛ əb liin nɛ lu ɛychii yɛ ɛy jia yî mɛye laytee, nɛ jii ten taa, nɛ ghel ghɛ ɛ́ chian ɛ ten laaye.
Fekak ghene əmtame tene
(Luk 6.43-44)
15Ghɛn toknen kum nfektese əbbuam. Ghene lóó ɛ́ gwiy se wel ge wɛ̀ɛ̀ ka bvəy njiɛ, dî nɛ lu se məm nɛ ghene lu ka bááse. 16Ghɛne nɛ̂y keele ghene bek nchiine ə ghen. Lɛ lòó ɛ́ koy ɛybiy ɛ fekake bia-a? Moo lɛ lòó ɛ́ koy fenyak ɛ əbteŋe nduy-a? 17Ke me se lu ge fekak fejuŋe sɛɛ koom əmtam əmjuŋ, nɛ fekak febéé koom əmtam əmbee. 18Fekak fejuŋe lòó fe jia koóm əmtam əmbee, ghɛɛ-ghɛɛ ka fekak febee lòó fe jia koóm əmtam əmjuŋ. 19Fekak fɛ fe báà se koom əmtam əmjuŋ lu nɛ ɛ́ nɛ̂y gwɛl è kwaay. 20Ghɛne nɛ̂y keele nfektese əbbuam bek ndee ghen.
Jesus dinte əbnəə kum kechii nsak
(Luk 13.25-27)
21Báà se lu wel əbjim wɛ əb móòte mbáàten mɛ ge: Báàba, wɛ əb náà lii se məme ɛysak nə Feyine. Lu kɛn wel vi wɛ əb nɛɛyen kenəə kɛ Ba ə wom wɛ əb luun ɛ ɛyyio kɛŋen ge əb nɛɛy. 22Ɛ náà lóó lu ɛ kechii kɛ Feyine saken ghel é ghel se ɛydio yɛ mbaate mɛ ge: Báàba, Báàba, suuye ge: Ghɛs nè lô se fekte sakghɛ Feyin ɛ wɛ̀ ɛyghel, jume tefim, gese nɛɛy əbnəə əbchio əbyúméné se ɛydio ɛ wɛ̀ ɛyghel. 23Ghene náà lóó suuy di é mɛ suuy se ghene ge: Mɛ báà se ke ghɛn. Ghɛn loo se mɛ ɛyshiɛ. Ghɛn lu ghel ɛbee.
Wele kebakle əbtofen ghene əbjiŋten
(Luk 6.47-49)
24Ke me se lu ge naa ndɛ wɛ əb yion giɛ ə som shin è yɛ nɛɛye ka mɛ suuyen nɛ̂y yɛ lu ka wel əbtofen wɛ əb nè baklen ndaa ə wen ɛ ketiɛ kɛ luun ɛyghok. 25Ɛyghuu nɛ̂y gwiy, jiose lúnkê, əbfiɛfe se chia shikse ndaa ten, dî ɛy jia fɛy, bek ka ɛ́ nè baklen ɛ ketiɛ kɛ ɛ́ viin nɛ̀ ɛtiye.
26Dî nɛ wel wɛ əb yion giɛ som shin nɛɛye wiy ka mɛ suuyen nɛ̂y yɛ lu ka kengoo kɛ ke nè baklen ndaa ə wen ɛ kegvəmte əmntiɛ. 27Ɛyghuu nɛy gwiy, jiose lúnkê, əbfiɛfe se chia shikse ndaa ten, ɛy me fɛy è bvəəse naa ɛyjim. Ɛyfɛy tene nè bɛme.
Jesus dinte əbnəə nɛ̀ əbtaawe
28Jesus nɛy dinte əbnəə se ghele è mɛyse, əbchio yum ngose wel kum jii yɛ əb ke dinten ɛ ten. 29Əb nè dinte əbnəə se ghene ka wel wɛ əb kiin əbtaawe, dinte wiy ka ndintese tesak.
Tällä hetkellä valittuna:
Mat 7: oku
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
©CABTAL, 2012
Mat 7
7
Ghàà wel gham wel
(Luk 6.37-38,41-42)
1Ghàà ghɛn yɛ ghame ghel fɛ Feyine náà gham ghɛn. 2Ke lu dî bek ge Feyine náà yɛ ghame ghɛn kɛn ɛ jii yɛ ghɛne ghamen ghel ɛlee ɛ ten. Əbfek wɛ wɛ̀ feken kefaa so se geese fo se wel lu əbghene wɛ Feyine náà fek kiɛ so. 3Lu bek ghɛ wɛ wɛ̀ kiyen ɛykfəke fekak yɛ ɛy luun ɛ wan-no ə viɛ ɛyshiɛ, dî yɛne wiy kefuŋ kɛ ke luun ɛ yiɛ? 4Lòó wɛ̀ suuy lɛɛy se wan-no ə viɛ ge: Wan-no ə wom fəyse ɛykfəke fekak yɛ ɛy luun ɛ wɛ̀ ɛyshiɛ, nɛ kefuŋe fekake lu ɛ yiɛ? 5Wel əbbuam, chia mbiy è fəyse kefuŋ kɛ ke luun ɛ wɛ̀ ɛyshiɛ, é wɛ̀ me loote yɛn əblik ka wɛ fəyse ɛykfəke fekak yɛ ɛy luun ɛ wan-no ə viɛ ɛyshiɛ.
6Ghàà wel liɛ kefaa kɛ luun kɛ́ Feyine, è mak se buose fɛ se baa benle è yɛ lumle wen. Ghàà wel liɛ ɛshiɛ baŋ nə wen è mak se nkfəənyamse fɛ se baa jɛɛle nɛ̀ ɛvəə.
Ghɛn lon nɛ lu se Feyine
(Luk 11.9-13)
7Ghɛn yɛ bif kɛn bifen, é Feyine fó se ghɛn; è yɛ kɛŋ kɛn kɛŋen, é Feyine din se ghɛn; è yɛ kfənte kɛn əbchio ndaa kfənten, é Feyine dise se ghɛn. 8Bek ge naa ndɛ bife, é Feyine fó se wen, nɛ̀ naa ndɛ kɛŋe, é Feyine din se wen. Naa ndɛ yɛ kfənte əbchio ndaa, é Feyine dise se wen. 9Lu ndɛ ɛ ghɛne məm wɛ wan ə wen bifen keban, é əb fó nɛ lu ɛytiy? 10Kene əb bif səə, é əb fó nɛ lu yio? 11Ghɛn ghɛ ghele mbeese lɛ ke se fo əbfua əbjuŋe se ghon ə ghɛne lɛ, é Ba ə wɛn wɛ əb luun ɛ ɛyyio jia fo əbfua əbjuŋe se ghel ghɛ ɛ́ bifen se wen è chia ka ghɛne foon-a!
12Ghɛn yɛ nɛɛye kenəə se ghele nɛ lu kɛ ghɛne koŋen ge ghene yɛ nɛɛy se ghɛn, bek ge kii nɛ̂ kine lu kenəə kɛ nchil ghene ghele ntum nə Feyine dinen.
Lii jii əbchio əblaytene
(Luk 13.24)
13Ghɛn yɛ lii jii əbchio ndaa əblaytene bek ge jii yɛ ɛy nduun ɛ kemboo əbvəse bonene, nɛ əbchio ndaa ghake, nɛ ghel ghɛ ɛ́ liin ɛ ten dio. 14Dî nɛ əbchio ndaa wɛ əb liin nɛ lu ɛychii yɛ ɛy jia yî mɛye laytee, nɛ jii ten taa, nɛ ghel ghɛ ɛ́ chian ɛ ten laaye.
Fekak ghene əmtame tene
(Luk 6.43-44)
15Ghɛn toknen kum nfektese əbbuam. Ghene lóó ɛ́ gwiy se wel ge wɛ̀ɛ̀ ka bvəy njiɛ, dî nɛ lu se məm nɛ ghene lu ka bááse. 16Ghɛne nɛ̂y keele ghene bek nchiine ə ghen. Lɛ lòó ɛ́ koy ɛybiy ɛ fekake bia-a? Moo lɛ lòó ɛ́ koy fenyak ɛ əbteŋe nduy-a? 17Ke me se lu ge fekak fejuŋe sɛɛ koom əmtam əmjuŋ, nɛ fekak febéé koom əmtam əmbee. 18Fekak fejuŋe lòó fe jia koóm əmtam əmbee, ghɛɛ-ghɛɛ ka fekak febee lòó fe jia koóm əmtam əmjuŋ. 19Fekak fɛ fe báà se koom əmtam əmjuŋ lu nɛ ɛ́ nɛ̂y gwɛl è kwaay. 20Ghɛne nɛ̂y keele nfektese əbbuam bek ndee ghen.
Jesus dinte əbnəə kum kechii nsak
(Luk 13.25-27)
21Báà se lu wel əbjim wɛ əb móòte mbáàten mɛ ge: Báàba, wɛ əb náà lii se məme ɛysak nə Feyine. Lu kɛn wel vi wɛ əb nɛɛyen kenəə kɛ Ba ə wom wɛ əb luun ɛ ɛyyio kɛŋen ge əb nɛɛy. 22Ɛ náà lóó lu ɛ kechii kɛ Feyine saken ghel é ghel se ɛydio yɛ mbaate mɛ ge: Báàba, Báàba, suuye ge: Ghɛs nè lô se fekte sakghɛ Feyin ɛ wɛ̀ ɛyghel, jume tefim, gese nɛɛy əbnəə əbchio əbyúméné se ɛydio ɛ wɛ̀ ɛyghel. 23Ghene náà lóó suuy di é mɛ suuy se ghene ge: Mɛ báà se ke ghɛn. Ghɛn loo se mɛ ɛyshiɛ. Ghɛn lu ghel ɛbee.
Wele kebakle əbtofen ghene əbjiŋten
(Luk 6.47-49)
24Ke me se lu ge naa ndɛ wɛ əb yion giɛ ə som shin è yɛ nɛɛye ka mɛ suuyen nɛ̂y yɛ lu ka wel əbtofen wɛ əb nè baklen ndaa ə wen ɛ ketiɛ kɛ luun ɛyghok. 25Ɛyghuu nɛ̂y gwiy, jiose lúnkê, əbfiɛfe se chia shikse ndaa ten, dî ɛy jia fɛy, bek ka ɛ́ nè baklen ɛ ketiɛ kɛ ɛ́ viin nɛ̀ ɛtiye.
26Dî nɛ wel wɛ əb yion giɛ som shin nɛɛye wiy ka mɛ suuyen nɛ̂y yɛ lu ka kengoo kɛ ke nè baklen ndaa ə wen ɛ kegvəmte əmntiɛ. 27Ɛyghuu nɛy gwiy, jiose lúnkê, əbfiɛfe se chia shikse ndaa ten, ɛy me fɛy è bvəəse naa ɛyjim. Ɛyfɛy tene nè bɛme.
Jesus dinte əbnəə nɛ̀ əbtaawe
28Jesus nɛy dinte əbnəə se ghele è mɛyse, əbchio yum ngose wel kum jii yɛ əb ke dinten ɛ ten. 29Əb nè dinte əbnəə se ghene ka wel wɛ əb kiin əbtaawe, dinte wiy ka ndintese tesak.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
©CABTAL, 2012