Marka 16
16
Zingsuv Thupakhaana
(Mat 28:1-8; Luk 24:1-12; Jhn 20:1-10)
1Sabbath ning a chuo khu taata, Mary Magdalin, Jeim nung Mary hne Salome ca Zingsuv riy thuv riypata ziyhmyi kha ama calyi. 2Ningzaa zaakha a ningkhanapa mawdiy ta thluo luo kha ama vaa. 3Luopuv lieta pakha hne pakha kha, “Thluo khaakhuvlung kha ahungma malie a hnyipa aa?” amaa ta. 4Ama mang ca thluo khaakhuvlung a lesapa ca a zaa hnyi tlipa kha ama hmung. 5Thluo chung luo ama vaa ngie ca pangruopa a buvpa satlie pakha cacuo luo kuo ta aa tupa kha hmung yite amaa pahlusa. 6Cuorasala ama ta, “Ciy kha ung, vieluo lie ama taapa Nazareth khypa Zingsuv na nama huv cuo vama? Ama ca lie hing aw va tli, a thupakhaa tli! Mang tie ung, ama chinapa hmang hing. 7Cakuo ungla hing thuohlaa hing ziytuv tie hne Piter kha va chang tie ung; Ama ca, aca changlupa haa yi khata Galilee luo na a silu tli, capalie cana nama va hmung aa,” a ta yi.#Mat 26:32; Mar 14:28 8Cacuonakaw pya yite thluo taakhata amaa ruo, ciysa yite ama nang dyi a uo nakawta ahung kha hmuota khaapahmuo chang vayi.#16:8 Hluo vie caa-uv hluv vie lieca rina tluo 8 lie hing ama pachuo sa. Hluo vie caa-uv suokha taca pachuosana pachang viepa lie hingta pachuo sa te, cadyiseca a hrangpa tie ta pachuosana a pachang viepa patepuo pata rina tluo 9-20 te ama patue chiy. Hluo vie caa-uv hluv vie lieca rina tluo 9-20 hing rina tluo 8 hneta a patue paluo te, cadyiseca chekha taca hingpa caatluo tie hing a paluolue aa chiypa tana a cuo a ama ta.
MARKA THUOPHAABIE CHUONA A PACHANG VIEPA
[Iema'a luo ama changpa bangkhuo kha Piter hne a viesaa zaw kha a pachangta tah ama va chang. Cakhutaata Zingsuv ama hrahring khata a pathepa hne chuozaa hringna thuophaabie ca ziytuv tie hmuopa ta ningchiy taata ningtla te a pathyi sa.#16:8 Hluo vie caa-uv lieca Amen a bechiy.]
MARKA THUOPHAABIE CHUONA A PASIY VIEPA
Mary Magdalin'a Lie Zingsuv Aa Luo
(Mat 28:9-10; Jhn 20:11-18)
9(Zaakha lie a ningkhanapa ning mawdiy ta a thupakhaa khu taata Zingsuv ca khuevuo pasariy a papya napa nung, Mary Magdalin'a lie kha aa luo taa. 10Mary Magdalin ca vaa te ama hne zaa aw hnepa tie kha ama ngiechisa pata ama caa nguoluo ning kha a va chang yi. 11Cuorasala Zingsuv ca a hringpa ta aw te i hmung ne a tapa kha iema ta zang vayi.
Ziytuv Pahning Tie'a Lie Aa Luo
(Luk 24:13-35)
12Cakhutaata Zingsuv ca ziytuv tie pahning khyta luo ama tlaw na lie kha a phang hrang ta aa luo. 13Kaa yite a hrangpa tie kha ama chang, cuorasala zang vayi.
Zingsuv Ta Ziytuv Tie A Pathlie Yi
(Mat 28:16-20; Luk 24:36-49; Jhn 20:19-23; Lu 1:6-8)
14Cakhutaata Zingsuv ca ziytuv hlyihning tie cabya lie amaa tu nguoluopa khata a luo te; zangna ama hnyi li nakaw hne ama palung a le tuv nakawlie kha a mawchie yi. 15Cakhutaata iema kha, “Chuelyicung yalya khata si ungla sapa bangkhuo kha thuophaabie va chang tie ung.#Lu 1:8 16Zang te tiy a nawpa ahunghmuo khuopa a cuo aa, a zang lipa ca sue phaw pata a cuo aa. 17A zangpa tie ca hingpa pamangsana hmang hing ama tue khu aa: i ming ta khuevuo ama papya aa, ryithaapa kha ama cyi aa; 18ama kuv ta#16:18 Hluo vie caa-uv lieca ama kuv ta tapa hing aw vyi. pariy kha patuv'a yite, thiysiy ama dang zaw ta tuokhaahmuo ta'a vayi; a pasapa cunglie ama kuv khang'a yite ama tluo aa,” a ta yi.
Zingsuv Vuoruo Luo A Kie
(Luk 24:50-53; Lu 1:9-11)
19Abyi Zingsuv ca iema hne bie a ri khu taata vuoruo luo kha calang pata cuote Khazing cacuo luo khata aa tu.#Lu 1:9-11 20Ziytuv tie ca si yite ruo ting luo kha thuophaabie ama phu; Abyipa ca iema hneta re a hrie nakawta ama phupa thuophaabie kha pamangsana hmang ta a pacu sale.#16:20 Hluo vie caa-uv lieca Amen a bechiy.)
Tällä hetkellä valittuna:
Marka 16: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Marka 16
16
Zingsuv Thupakhaana
(Mat 28:1-8; Luk 24:1-12; Jhn 20:1-10)
1Sabbath ning a chuo khu taata, Mary Magdalin, Jeim nung Mary hne Salome ca Zingsuv riy thuv riypata ziyhmyi kha ama calyi. 2Ningzaa zaakha a ningkhanapa mawdiy ta thluo luo kha ama vaa. 3Luopuv lieta pakha hne pakha kha, “Thluo khaakhuvlung kha ahungma malie a hnyipa aa?” amaa ta. 4Ama mang ca thluo khaakhuvlung a lesapa ca a zaa hnyi tlipa kha ama hmung. 5Thluo chung luo ama vaa ngie ca pangruopa a buvpa satlie pakha cacuo luo kuo ta aa tupa kha hmung yite amaa pahlusa. 6Cuorasala ama ta, “Ciy kha ung, vieluo lie ama taapa Nazareth khypa Zingsuv na nama huv cuo vama? Ama ca lie hing aw va tli, a thupakhaa tli! Mang tie ung, ama chinapa hmang hing. 7Cakuo ungla hing thuohlaa hing ziytuv tie hne Piter kha va chang tie ung; Ama ca, aca changlupa haa yi khata Galilee luo na a silu tli, capalie cana nama va hmung aa,” a ta yi.#Mat 26:32; Mar 14:28 8Cacuonakaw pya yite thluo taakhata amaa ruo, ciysa yite ama nang dyi a uo nakawta ahung kha hmuota khaapahmuo chang vayi.#16:8 Hluo vie caa-uv hluv vie lieca rina tluo 8 lie hing ama pachuo sa. Hluo vie caa-uv suokha taca pachuosana pachang viepa lie hingta pachuo sa te, cadyiseca a hrangpa tie ta pachuosana a pachang viepa patepuo pata rina tluo 9-20 te ama patue chiy. Hluo vie caa-uv hluv vie lieca rina tluo 9-20 hing rina tluo 8 hneta a patue paluo te, cadyiseca chekha taca hingpa caatluo tie hing a paluolue aa chiypa tana a cuo a ama ta.
MARKA THUOPHAABIE CHUONA A PACHANG VIEPA
[Iema'a luo ama changpa bangkhuo kha Piter hne a viesaa zaw kha a pachangta tah ama va chang. Cakhutaata Zingsuv ama hrahring khata a pathepa hne chuozaa hringna thuophaabie ca ziytuv tie hmuopa ta ningchiy taata ningtla te a pathyi sa.#16:8 Hluo vie caa-uv lieca Amen a bechiy.]
MARKA THUOPHAABIE CHUONA A PASIY VIEPA
Mary Magdalin'a Lie Zingsuv Aa Luo
(Mat 28:9-10; Jhn 20:11-18)
9(Zaakha lie a ningkhanapa ning mawdiy ta a thupakhaa khu taata Zingsuv ca khuevuo pasariy a papya napa nung, Mary Magdalin'a lie kha aa luo taa. 10Mary Magdalin ca vaa te ama hne zaa aw hnepa tie kha ama ngiechisa pata ama caa nguoluo ning kha a va chang yi. 11Cuorasala Zingsuv ca a hringpa ta aw te i hmung ne a tapa kha iema ta zang vayi.
Ziytuv Pahning Tie'a Lie Aa Luo
(Luk 24:13-35)
12Cakhutaata Zingsuv ca ziytuv tie pahning khyta luo ama tlaw na lie kha a phang hrang ta aa luo. 13Kaa yite a hrangpa tie kha ama chang, cuorasala zang vayi.
Zingsuv Ta Ziytuv Tie A Pathlie Yi
(Mat 28:16-20; Luk 24:36-49; Jhn 20:19-23; Lu 1:6-8)
14Cakhutaata Zingsuv ca ziytuv hlyihning tie cabya lie amaa tu nguoluopa khata a luo te; zangna ama hnyi li nakaw hne ama palung a le tuv nakawlie kha a mawchie yi. 15Cakhutaata iema kha, “Chuelyicung yalya khata si ungla sapa bangkhuo kha thuophaabie va chang tie ung.#Lu 1:8 16Zang te tiy a nawpa ahunghmuo khuopa a cuo aa, a zang lipa ca sue phaw pata a cuo aa. 17A zangpa tie ca hingpa pamangsana hmang hing ama tue khu aa: i ming ta khuevuo ama papya aa, ryithaapa kha ama cyi aa; 18ama kuv ta#16:18 Hluo vie caa-uv lieca ama kuv ta tapa hing aw vyi. pariy kha patuv'a yite, thiysiy ama dang zaw ta tuokhaahmuo ta'a vayi; a pasapa cunglie ama kuv khang'a yite ama tluo aa,” a ta yi.
Zingsuv Vuoruo Luo A Kie
(Luk 24:50-53; Lu 1:9-11)
19Abyi Zingsuv ca iema hne bie a ri khu taata vuoruo luo kha calang pata cuote Khazing cacuo luo khata aa tu.#Lu 1:9-11 20Ziytuv tie ca si yite ruo ting luo kha thuophaabie ama phu; Abyipa ca iema hneta re a hrie nakawta ama phupa thuophaabie kha pamangsana hmang ta a pacu sale.#16:20 Hluo vie caa-uv lieca Amen a bechiy.)
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.