Marka 7
7
Mingnungmingpa Tie Phungluo
(Mat 15:1-9)
1Jerusalem taata a vawpa Farasi tie hne phungbie saya tie chekha ca Zingsuv'a luo kha a vya hmya yite, 2ziytuv tie kuv a siy li pata, ama kuv pyapa ta sa ama ningpa kha ama pachang. 3(Farasi ming hne Judah ming palang ca mingnungmingpa phungluo kha ziy yite kuv a siy li pata sa a ning lipa ta ama cuo. 4Chadaw taata ama calyipa bangkhuo zaw kha a phung haata pasiy taa li pata ning vayi. Cakhutaata phung hrangpa a hluvsa zaw kha ama ziy: a phung haata panuo pasiyna, bi pasiyna, hne thiyhring kitali#7:4 Hluo vie caa-uv lieca kitali hne iehmang a ta. pasiyna tapa zaw ta ama cuo.) 5Cacuonakawta Farasi tie hne phungbiesaya tie ta Zingsuv kyihuo kha, “Khaapanakawma caa ziytuv tie ta mingnungmingpa phungluo haata aw lipa yi ta, kuv a siy li pata sa ama ning?” ama ta.
6Zingsuv ta, “Isaiah ta niema phahruocuo tie kaw a za rilu pahing aa hmuosa. A capepa ca:
Hingpa cawsaa zaw hingta
ama pakaapa dyi ta ina pa-uvsathyi yi,
cuorasala ama pathiypalung ca
kama hne a hlasa.
7Inaa biepa yi hing muo hnyi vyi,
cawsaa tue chawpa phung khana
Khazing tuepa phung haata ama pacuv.
8Niema ca Khazing nawbie kha thaw ung cate cawsaa tuepa phungluo khana nama ziy,” a ta, a ta yi.
9Pazue te, “Niema phungluo pacu sa riypata Khazing nawbie thaw zya ca nama the ciemuo. 10Moses ta, ‘Na nung hne na paa va ciyzaa yi, a nung hne a paa sie a pipa ca a thiy hrahring aa,” a ta. 11Cuorasala niema ta nama nung hne nama paa kha, niema byana riypa i tapa hing Korban tana a cuo a ta pata a cuo kieca, 12a nung a paa bya li pata a law khu, nama ta. (Korban siyluo ca Khazing'a luo pipa tanata a cuo). 13A changpachaa ung cate nama za ziylepa nama phungluo ta Khazing bie kha nama pavie nama pavuvle. Cakhutaata hmang a hluvsa hinghaahingta nama tue.
Cawsaa A Papyalyi Sapa
(Mat 15:10-20)
14Cakhutaa Zingsuv ta cawsaa-zaapuv kha ku pakhaa yite, “Nama palang ta naathlie ungla pachang tie ung. 15Ale taata cawsaa chung luo a ngiepa hmang khata cawsaa kha papyapalyi khu vyi, Cuorasala chung taata le luo a kya pyapa hmang tuv khana cawsaa kha a papyapalyi khu. 16Thyina naa a hnyipa taca thyi mangsue,” a ta.#7:16 Hluo vie caa-uv lieca rina tluo 16 hing aw vyi.
17Cawsaazaapuv kha thuse yite ingchung luo a ngie taata a ziytuv tie ta a ripa pakhingpuonabie kaw kha ama hiehriy. 18Zingsuv ta, “Niema zaw hepa ma thyi li pata a aw ra ungciy? Ale taata cawsaa chung luo a ngiepa ca cawsaa kha papyapalyi khu vyi tapa ca pachang va ung cama?. 19A ngiepa ca cawsaa palung chung luo cuo li pata cawsaa riy chung luo kha a ngie te a pya pakhaa.” (Zingsuv ta sa bangkhuo ca a pathe a ta khingna a cuo). 20A ri pazuepa ca, “Cawsaa chung taata a kya pyapa taca cawsaa kha papyapalyi vyi. 21Cawsaa chung, pathiypalung taata a kya pyapa ruena pha lipa khana cawsaa kha, aparuvsuena, paruvna, lienawna, 22nungvaathingsuena, karuo-awna, zyatena, dungviena, mang a daw lipa tuena, hietliena, malie thuopachina, a palena, ngaana hne pingruena tapa pha lipa luo a chiy. 23Hing a pha lipa bangkhuo hing cawsaa chung taata kya pya te ama kha a papya a palyi.
Fonisia Canung Nung Zangna
(Mat 15:21-28)
24Capa hmang taacata pya te Zingsuv ca Tair#7:24 Hluo vie caa-uv lieca Tyre hne Sidon a ta. pe luo kha a si. Ing kha luo kha a ngie te, capa lie a awpa kha ahunghmuo a pachang sa khing vayi. Cuorasala a nu khu vyi. 25A pyalyipa thlaapa ta a sacanungnung aa hryipa canung pakha ta Zingsuv kaw kha sungkha ta thyi te, a vaw te Zingsuv phyi thabaw lie kha aa vya bu. 26Canung nung ca Siria ruo Fonisia khy lie a puvpa Jentail zaanung ta a cuo. Ama ta Zingsuv kha a sacanung chung taata khuevuo papya riypa kha paa a kie. 27Cuorasala Zingsuv ta, “Haatiy zaw kha ama riy bi pata pi taa ungsiy. Haatiy sa kha la pata uv thawpa ca a phung cuo vyi, a ta. 28Cawsaanung cata, “Abyipa, cabya rawlie uv tahmuo haatiy zaw pathlapa sa diydya kha ama ning ra taw muo,” a ta. 29Cakhutaata Zingsuv ta, Cawsaanung kha, “Cakuo tie, khuevuo ta na sacanungnung kha a pya se tli,” a ta. 30Cacuonakawta, capa cawsaanung ca ing luo kha a diy te, haatiynung khuevuo ta pya se tli te, iehmang cunglie a zaa zie pakha a hmung.
Zingsuv Ta A Naaruepa Bie A Ri The Lipa A Patluo Sa
31Cakhutaata Zingsuv ca Tair pe taakhata kaa te Sidon cahrawpaa pata Dekhapolis pe lie a awpa Galilee riyliy luo kha a si. 32Cawsaa chekha ta a naa rue te bie a ri the lipa kha vya chiykhyi yite a cunglie a kuv khang riypata Zingsuv kha paa ama kie. 33Zingsuv ta cawsaa hraw taakhata ama selaw ta cakuo khyi te, a kuvdaw kha a naakary luo riy te, a paciy ta pacha te cawsaapapaa palyi ca a hrie. 34Cakhutaata Zingsuv ca vuoruo luo kha ang te, a huv kha pa-y te khuopuv ta a sung khu taata cawsaapa kha, “Effatha,” a ta, a siyluo ca, “a pahaw tie” tanata a cuo. 35Sungkha ta a naa pavuo te, a palyi ca a hya te a siesa pata bie a ri. 36Cakhutaata Zingsuv ta ahunghmuo chang li riypata a thlu yi, cadyiseca thlu hryly yi ri hryly yi ama ta. 37A ma kharue haa hringhruo te, “Hmang bangkhuo hing a pha pata a tue, a naa a ruepa khahmuo pathyi sa te, bie a ri khu lipa kha a pari sa khu,” ama ta.
Tällä hetkellä valittuna:
Marka 7: LNT1
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.
Marka 7
7
Mingnungmingpa Tie Phungluo
(Mat 15:1-9)
1Jerusalem taata a vawpa Farasi tie hne phungbie saya tie chekha ca Zingsuv'a luo kha a vya hmya yite, 2ziytuv tie kuv a siy li pata, ama kuv pyapa ta sa ama ningpa kha ama pachang. 3(Farasi ming hne Judah ming palang ca mingnungmingpa phungluo kha ziy yite kuv a siy li pata sa a ning lipa ta ama cuo. 4Chadaw taata ama calyipa bangkhuo zaw kha a phung haata pasiy taa li pata ning vayi. Cakhutaata phung hrangpa a hluvsa zaw kha ama ziy: a phung haata panuo pasiyna, bi pasiyna, hne thiyhring kitali#7:4 Hluo vie caa-uv lieca kitali hne iehmang a ta. pasiyna tapa zaw ta ama cuo.) 5Cacuonakawta Farasi tie hne phungbiesaya tie ta Zingsuv kyihuo kha, “Khaapanakawma caa ziytuv tie ta mingnungmingpa phungluo haata aw lipa yi ta, kuv a siy li pata sa ama ning?” ama ta.
6Zingsuv ta, “Isaiah ta niema phahruocuo tie kaw a za rilu pahing aa hmuosa. A capepa ca:
Hingpa cawsaa zaw hingta
ama pakaapa dyi ta ina pa-uvsathyi yi,
cuorasala ama pathiypalung ca
kama hne a hlasa.
7Inaa biepa yi hing muo hnyi vyi,
cawsaa tue chawpa phung khana
Khazing tuepa phung haata ama pacuv.
8Niema ca Khazing nawbie kha thaw ung cate cawsaa tuepa phungluo khana nama ziy,” a ta, a ta yi.
9Pazue te, “Niema phungluo pacu sa riypata Khazing nawbie thaw zya ca nama the ciemuo. 10Moses ta, ‘Na nung hne na paa va ciyzaa yi, a nung hne a paa sie a pipa ca a thiy hrahring aa,” a ta. 11Cuorasala niema ta nama nung hne nama paa kha, niema byana riypa i tapa hing Korban tana a cuo a ta pata a cuo kieca, 12a nung a paa bya li pata a law khu, nama ta. (Korban siyluo ca Khazing'a luo pipa tanata a cuo). 13A changpachaa ung cate nama za ziylepa nama phungluo ta Khazing bie kha nama pavie nama pavuvle. Cakhutaata hmang a hluvsa hinghaahingta nama tue.
Cawsaa A Papyalyi Sapa
(Mat 15:10-20)
14Cakhutaa Zingsuv ta cawsaa-zaapuv kha ku pakhaa yite, “Nama palang ta naathlie ungla pachang tie ung. 15Ale taata cawsaa chung luo a ngiepa hmang khata cawsaa kha papyapalyi khu vyi, Cuorasala chung taata le luo a kya pyapa hmang tuv khana cawsaa kha a papyapalyi khu. 16Thyina naa a hnyipa taca thyi mangsue,” a ta.#7:16 Hluo vie caa-uv lieca rina tluo 16 hing aw vyi.
17Cawsaazaapuv kha thuse yite ingchung luo a ngie taata a ziytuv tie ta a ripa pakhingpuonabie kaw kha ama hiehriy. 18Zingsuv ta, “Niema zaw hepa ma thyi li pata a aw ra ungciy? Ale taata cawsaa chung luo a ngiepa ca cawsaa kha papyapalyi khu vyi tapa ca pachang va ung cama?. 19A ngiepa ca cawsaa palung chung luo cuo li pata cawsaa riy chung luo kha a ngie te a pya pakhaa.” (Zingsuv ta sa bangkhuo ca a pathe a ta khingna a cuo). 20A ri pazuepa ca, “Cawsaa chung taata a kya pyapa taca cawsaa kha papyapalyi vyi. 21Cawsaa chung, pathiypalung taata a kya pyapa ruena pha lipa khana cawsaa kha, aparuvsuena, paruvna, lienawna, 22nungvaathingsuena, karuo-awna, zyatena, dungviena, mang a daw lipa tuena, hietliena, malie thuopachina, a palena, ngaana hne pingruena tapa pha lipa luo a chiy. 23Hing a pha lipa bangkhuo hing cawsaa chung taata kya pya te ama kha a papya a palyi.
Fonisia Canung Nung Zangna
(Mat 15:21-28)
24Capa hmang taacata pya te Zingsuv ca Tair#7:24 Hluo vie caa-uv lieca Tyre hne Sidon a ta. pe luo kha a si. Ing kha luo kha a ngie te, capa lie a awpa kha ahunghmuo a pachang sa khing vayi. Cuorasala a nu khu vyi. 25A pyalyipa thlaapa ta a sacanungnung aa hryipa canung pakha ta Zingsuv kaw kha sungkha ta thyi te, a vaw te Zingsuv phyi thabaw lie kha aa vya bu. 26Canung nung ca Siria ruo Fonisia khy lie a puvpa Jentail zaanung ta a cuo. Ama ta Zingsuv kha a sacanung chung taata khuevuo papya riypa kha paa a kie. 27Cuorasala Zingsuv ta, “Haatiy zaw kha ama riy bi pata pi taa ungsiy. Haatiy sa kha la pata uv thawpa ca a phung cuo vyi, a ta. 28Cawsaanung cata, “Abyipa, cabya rawlie uv tahmuo haatiy zaw pathlapa sa diydya kha ama ning ra taw muo,” a ta. 29Cakhutaata Zingsuv ta, Cawsaanung kha, “Cakuo tie, khuevuo ta na sacanungnung kha a pya se tli,” a ta. 30Cacuonakawta, capa cawsaanung ca ing luo kha a diy te, haatiynung khuevuo ta pya se tli te, iehmang cunglie a zaa zie pakha a hmung.
Zingsuv Ta A Naaruepa Bie A Ri The Lipa A Patluo Sa
31Cakhutaata Zingsuv ca Tair pe taakhata kaa te Sidon cahrawpaa pata Dekhapolis pe lie a awpa Galilee riyliy luo kha a si. 32Cawsaa chekha ta a naa rue te bie a ri the lipa kha vya chiykhyi yite a cunglie a kuv khang riypata Zingsuv kha paa ama kie. 33Zingsuv ta cawsaa hraw taakhata ama selaw ta cakuo khyi te, a kuvdaw kha a naakary luo riy te, a paciy ta pacha te cawsaapapaa palyi ca a hrie. 34Cakhutaata Zingsuv ca vuoruo luo kha ang te, a huv kha pa-y te khuopuv ta a sung khu taata cawsaapa kha, “Effatha,” a ta, a siyluo ca, “a pahaw tie” tanata a cuo. 35Sungkha ta a naa pavuo te, a palyi ca a hya te a siesa pata bie a ri. 36Cakhutaata Zingsuv ta ahunghmuo chang li riypata a thlu yi, cadyiseca thlu hryly yi ri hryly yi ama ta. 37A ma kharue haa hringhruo te, “Hmang bangkhuo hing a pha pata a tue, a naa a ruepa khahmuo pathyi sa te, bie a ri khu lipa kha a pari sa khu,” ama ta.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Chin Lautu © Bible Society of Myanmar, 2015.