Matie 28
28
Yezo aso na pɛ kwá
(Mar. 16.1-10; Luk. 24.1-12; Yoa. 20.1-10)
1Ngoi mɛ wɔngɔ tɛrɛ ĩ ɔ wɛ, ĩ ti na lá yenga na nda perere ko, Maria wa Magadala, na Maria mɛ ndɛ̃ anɔ so bangɔ sɛndɛ tɛ Yezo. 2Ko bo ngoi kɔi ko, sese ayingi gbu gbu gbu. Angelo tɛ Gbia alo ka ndozu azu, anɔ abilingi kota tɛ́nɛ mɛ avĩ na nyɔ du sɛndɛ ni, abi katɛ, adu ndo ni. 3Tɛrɛ angelo ni ndosũ ndo nga ma se mɛ bekpa ndotaima na ni nzɛrrr, bɔngɔ tɛ lo mbufuni pɛ pɛ pɛ nga ma tɛrɛ nyange. 4Aturugu mɛ ndobata sɛndɛ ĩ hũ so ko, mbɛtɔ agbɔ̃ la sĩ, tɛrɛ la adɔ za za za, ala ti nga ma kinda. 5Angelo apa hɛ̃ awe ko ya: “Ĩ zia mbɛtɔ. Mbi hĩnga ya, ĩ ndogi Yezo mɛ mbandasi agɔngɔ lo ndo krusi. 6Ta lo so ndo mɛ ma, lo so na pɛ kwá, nga ma se ko ndo lo pa na ni. Wa í ga ĩ ba ndo mɛ mbandasi akpã na kinda tɛ lo lo mɛ.” 7Awe ko ĩ ba ndo ni wɛ ko, angelo ko apa hɛ̃ la ya: “Ĩ nɔ hiɔ, ĩ pa hɛ̃ ava lo ya, lo so, ko na olo ko, lo ɔ uzu tɛ la, lo gwe ka Galilea, ko ndo mɛ ala na hũngɔ na lo la. Tɛnɛ mɛ mbi na ni ya mbi tɛnɛ hɛ̃ ĩ la.”
8Awe ko adɔ sɛndɛ hiɔ azia, adiri na mbɛtɔ nga na dengɔ be sĩ. Ala kpɛlɛ, anɔ so pangɔ lo ni hɛ̃ ava Yezo. 9Ngoi mɛ ala so ndogwe ko, bo ngoi kɔi ala tengbi na Yezo, la Yezo apa hɛ̃ la ya: “Mbi bala ĩ oo!” Ala i tɛrɛ la ka tɔ̃nda lo, akuku, agbɔ̃nɔ gɛrɛ lo, avɔrɔ lo. 10La Yezo apa hɛ̃ la ya: “Ĩ zia mbɛtɔ! Ĩ nɔ, í pa hɛ̃ ayata mbi ya, ala gwe ka Galilea, ndo mɛ ala na hũngɔ na mbi da la.”
Aturugu apa lo ti ye mɛ ala hũ
11Ngoi mɛ awe ko ade so lege ko, ambanga aturugu mɛ ndobata sɛndɛ tɛ Yezo azia sɛndɛ, anɔ ka lɛ kɔdɔrɔ, akambisa atɛnɛ zu mɛ asi kai hɛ̃ agbia tɛ awa lungɔ Nzapa na ye. 12La agbia tɛ awa lungɔ Nzapa na ye, nga na akangba tɛ Ayuda abombi tɛrɛ la. Ala ĩ mangbi wɛ ko, ala mu faranga kpendema, ahɛ̃ aturugu ko, 13apa hɛ̃ la ya: “Ĩ pa ya, ava Yezo aga na bi, anzĩ kinda tɛ lo na ngoi mɛ ĩ langana. 14Wa se Pilato mɛ gbia tɛ leta ama lo ni ko, e na zungɔ na bɛ lo, ko e nga na lingɔ ya, ta ĩ lua tɛnɛ kɔi ma.” 15La aturugu ko amu faranga ni, ali bo kwɛ kɔi nga ma se ko fɛrɛ apa na ni hɛ̃ la. La pa ni afɔnɔ na popo tɛ Ayuda, ko ade nga bo dɛngɔ na lá olo kpɔ.
Yezo afa tɛrɛ lo na ava lo
(Mar. 16.14-18; Luk. 24.36-49; Yoa. 20.19-23; Awa Pangɔ Kwa 1.6-8)
16Ava Yezo sui kɔi ndoni kɔi agwe ka Galilea, ka ndo hɔtɔ mɛ Yezo afa na la. 17Ngoi mɛ ala ĩ hũ Yezo ko, ala vɔrɔ lo. Kanda ambanga ade ndo kitɛ. 18Yezo ai tɛrɛ lo ka tɔ̃nda la, apa hɛ̃ la ya: “Nzapa ahɛ̃ mbi nguru ya, mbi du Gbia ti ndo aye zu mɛ ka yayu, ko mbi du nga gbia ti ndo omɛ ge lɛ sese. 19Wa ĩ gwe ka tɛ azi ti lɛ sese zu, ĩ li ya, ala ti ava mbi. Ĩ hɛ̃ la batisimɔ na ili To mbi Nzapa, na ili mbi Nyi lo, nga na ili Tɔrɔ Santo. 20Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”
Tällä hetkellä valittuna:
Matie 28: NGB87
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.
Matie 28
28
Yezo aso na pɛ kwá
(Mar. 16.1-10; Luk. 24.1-12; Yoa. 20.1-10)
1Ngoi mɛ wɔngɔ tɛrɛ ĩ ɔ wɛ, ĩ ti na lá yenga na nda perere ko, Maria wa Magadala, na Maria mɛ ndɛ̃ anɔ so bangɔ sɛndɛ tɛ Yezo. 2Ko bo ngoi kɔi ko, sese ayingi gbu gbu gbu. Angelo tɛ Gbia alo ka ndozu azu, anɔ abilingi kota tɛ́nɛ mɛ avĩ na nyɔ du sɛndɛ ni, abi katɛ, adu ndo ni. 3Tɛrɛ angelo ni ndosũ ndo nga ma se mɛ bekpa ndotaima na ni nzɛrrr, bɔngɔ tɛ lo mbufuni pɛ pɛ pɛ nga ma tɛrɛ nyange. 4Aturugu mɛ ndobata sɛndɛ ĩ hũ so ko, mbɛtɔ agbɔ̃ la sĩ, tɛrɛ la adɔ za za za, ala ti nga ma kinda. 5Angelo apa hɛ̃ awe ko ya: “Ĩ zia mbɛtɔ. Mbi hĩnga ya, ĩ ndogi Yezo mɛ mbandasi agɔngɔ lo ndo krusi. 6Ta lo so ndo mɛ ma, lo so na pɛ kwá, nga ma se ko ndo lo pa na ni. Wa í ga ĩ ba ndo mɛ mbandasi akpã na kinda tɛ lo lo mɛ.” 7Awe ko ĩ ba ndo ni wɛ ko, angelo ko apa hɛ̃ la ya: “Ĩ nɔ hiɔ, ĩ pa hɛ̃ ava lo ya, lo so, ko na olo ko, lo ɔ uzu tɛ la, lo gwe ka Galilea, ko ndo mɛ ala na hũngɔ na lo la. Tɛnɛ mɛ mbi na ni ya mbi tɛnɛ hɛ̃ ĩ la.”
8Awe ko adɔ sɛndɛ hiɔ azia, adiri na mbɛtɔ nga na dengɔ be sĩ. Ala kpɛlɛ, anɔ so pangɔ lo ni hɛ̃ ava Yezo. 9Ngoi mɛ ala so ndogwe ko, bo ngoi kɔi ala tengbi na Yezo, la Yezo apa hɛ̃ la ya: “Mbi bala ĩ oo!” Ala i tɛrɛ la ka tɔ̃nda lo, akuku, agbɔ̃nɔ gɛrɛ lo, avɔrɔ lo. 10La Yezo apa hɛ̃ la ya: “Ĩ zia mbɛtɔ! Ĩ nɔ, í pa hɛ̃ ayata mbi ya, ala gwe ka Galilea, ndo mɛ ala na hũngɔ na mbi da la.”
Aturugu apa lo ti ye mɛ ala hũ
11Ngoi mɛ awe ko ade so lege ko, ambanga aturugu mɛ ndobata sɛndɛ tɛ Yezo azia sɛndɛ, anɔ ka lɛ kɔdɔrɔ, akambisa atɛnɛ zu mɛ asi kai hɛ̃ agbia tɛ awa lungɔ Nzapa na ye. 12La agbia tɛ awa lungɔ Nzapa na ye, nga na akangba tɛ Ayuda abombi tɛrɛ la. Ala ĩ mangbi wɛ ko, ala mu faranga kpendema, ahɛ̃ aturugu ko, 13apa hɛ̃ la ya: “Ĩ pa ya, ava Yezo aga na bi, anzĩ kinda tɛ lo na ngoi mɛ ĩ langana. 14Wa se Pilato mɛ gbia tɛ leta ama lo ni ko, e na zungɔ na bɛ lo, ko e nga na lingɔ ya, ta ĩ lua tɛnɛ kɔi ma.” 15La aturugu ko amu faranga ni, ali bo kwɛ kɔi nga ma se ko fɛrɛ apa na ni hɛ̃ la. La pa ni afɔnɔ na popo tɛ Ayuda, ko ade nga bo dɛngɔ na lá olo kpɔ.
Yezo afa tɛrɛ lo na ava lo
(Mar. 16.14-18; Luk. 24.36-49; Yoa. 20.19-23; Awa Pangɔ Kwa 1.6-8)
16Ava Yezo sui kɔi ndoni kɔi agwe ka Galilea, ka ndo hɔtɔ mɛ Yezo afa na la. 17Ngoi mɛ ala ĩ hũ Yezo ko, ala vɔrɔ lo. Kanda ambanga ade ndo kitɛ. 18Yezo ai tɛrɛ lo ka tɔ̃nda la, apa hɛ̃ la ya: “Nzapa ahɛ̃ mbi nguru ya, mbi du Gbia ti ndo aye zu mɛ ka yayu, ko mbi du nga gbia ti ndo omɛ ge lɛ sese. 19Wa ĩ gwe ka tɛ azi ti lɛ sese zu, ĩ li ya, ala ti ava mbi. Ĩ hɛ̃ la batisimɔ na ili To mbi Nzapa, na ili mbi Nyi lo, nga na ili Tɔrɔ Santo. 20Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.