Marko 10
10
Yezo aha Io ti ziangbingɔ tɛ kɔli na wali
(Mat. 19.1-12; Luk. 16.18)
1Yezo alo so ndo ko, agwe ka sese ti Yudea. So pɛni, lo fa ngu mɛ ili ni la Yurdɛnɛ. Azi aga butu butu abombi tɛrɛ la fani mɛ ndɛ̃ so tɔ̃nda lo, la lo ha la na tɛnɛ tɛ Nzapa, nga ma se mɛ lo ndoli na ni ngoi zu.
2Ambanga Afarizeo ai tɛrɛ la ka tɔ̃nda lo, ahũnda lo na poroso ya: “Ndia tɛ e ahɛ̃ lege ya, kɔli azia ya lo?” 3Yezo asana ahũnda la ya: “Ndia mɛ ndo Mɔizɛ alu hɛ̃ ĩ nɛ?” 4Ala gbinya hɛ̃ lo ya: “Mɔizɛ apa ndo ya, se zo aye ziangɔ ya lo ko, ale lo su mbɛti ti ziangbingɔ hɛ̃ ya lo, wa lo zia lo.” 5La Yezo apa hɛ̃ la ya: “Mɔizɛ alu ndo ndia ko hɛ̃ ĩ, na lo mɛ ya, ĩ azi ti kpengba li. 6Kanda asu ka ya Buku tɛ Nzapa ya, ndo uzu na ngoi mɛ ndo Nzapa ali ye zu ko, ‘lo li ndo kɔli na wali.’ 7‘Na lo ni la kɔli na ziangɔ da tɛ to lo na ta lo, ana ya lo adu ndoni kɔi. 8Ko ala zu sɛ ati bo zo kɔi.’ Na lo ni ko, ta ala ti de azi sɛ ma, kanda ala ti bo zo kɔi. 9Wa azi mɛ Nzapa agungbi la ko, ale ta akangbi ya la ma.”
10Ngoi mɛ ala ĩ li ka ya da ko, ava Yezo ati ahũnda lo na ndo tɛnɛ ni ko. 11La Yezo agbinya hɛ̃ la ya: “Se kɔli azia ya lo, adu na wali mɛ ndɛ̃ ko, kɔli ni ko ati kɔmbɛ tɛ ya lo mɛ lo zia lo. 12Se mɛ nga se wali azia kɔ lo, adu na kɔli mɛ ndɛ̃ ko, wali ni ko ati nga kɔmbɛ tɛ kɔ lo mɛ lo zia la.”
Yezo asunu ayangambi
(Mat. 19.13-15; Luk. 18.15-17)
13Azi aga na ayangambi hɛ̃ Yezo ya, lo kpa ti lo ndo la so sunungɔ la. La ava lo abela azi ni ko. 14Yezo ĩ hũ so ko, ngɔnzɔ agbɔ̃ lo, ko lo pa hɛ̃ ava lo ya: “Ale ĩ zia ayangambi aga ge tɛ mbi! Ta ĩ gbanzi la ma, ta sanga ma, Kɔdɔrɔ Gbia tɛ Nzapa adu na lo tɛ azi mɛ bɛ la nga ma bɛ ayangambi. 15Mbi pa hɛ̃ ĩ ti beta tɛnɛ ya, zo ko la ta aye lo ti lo Lɛngɔ Gbia tɛ Nzapa nga ma se tɛ nyingambi ma ko, ta zo ni ko alengbi gbanda ti singɔ ka Kɔdɔrɔ Gbia tɛ Nzapa bɛ gbɔ ma.” 16So pɛni, lo mu ayangambi ko, lo kpa ti lo ndo la kɔi kɔi, lo sunu la.
Wa nwa kɔi ahũnda Yezo na ndo
(Mat. 19.16-30; Luk. 18.18-30)
17Ngoi mɛ Yezo so ndoɔ ka ta lege ko, kɔli kɔi akpɛ aga, akuku gbɛlɛ lo, ahũnda lo ya: “Nzɔ̃ wa hangɔ lo tɛ Nzapa, ye mɛ mbi lengbi ti lingɔ, wa mbi lua du ti kaka nɛ?” 18La Yezo agbinya hɛ̃ lo ya: “Nda mɛ ntɔ ili mbi ya, mbi nzɔ̃ zo nɛ? Ta nzɔ̃ zo da ma, bo Nzapa kɔi la nzɔ̃ni. 19Mɔ hĩnga ya, ndia apa ya: ‘Ta mɔ ho zo ma, ta mɔ ti kɔmbɛ ma, ta mɔ nzĩ ye ma, ta mɔ pa nvɛnɛ na ili zo ma, ta mɔ handa zo ma, tɔndɔ to mɔ na ta mɔ.’ ” 20La kɔli ko agbinya hɛ̃ lo ya: “Wa hangɔ lo tɛ Nzapa, ato na ngoi ko ndo mbi dɛ nyingambi, ngbĩi asi na la olo mɛ ko, mbi tɔndɔ andia ni ko zu.” 21La Yezo aba lo, aye lo, apa hɛ̃ lo ya: “Ta mɔ dɛ mɔ li ye kɔi ma. Ba ye ni lo mɛ: gwe, mɔ ka aye tɛ mɔ zu na ngere, ko mɔ mu faranga ni, mɔ hɛ̃ awa yɛlɛ. So pɛni, mɔ diri mɔ ga, e na mɔ e ɔ ndoni kɔi. Wa gbanda ko, mɔ lua nwa ka yayu.” 22Ko ngoi mɛ kɔli ko ĩ ma so ko, lo gbe lɛ lo ki ki ki, lo hã nɔ, lo gwe na kota vundu, ta sanga ma, lo ndo na nwa sĩ.
23Yezo aba ava lo mɛ aka lo kɛrɛrɛ, apa hɛ̃ la ya: “Adu kpengbani ya, wa nwa asi ka Kɔdɔrɔ Gbia tɛ Nzapa!” 24Ava lo abema sĩ na lo tɛnɛ ni ko. Ko Yezo apa nga hɛ̃ la ya: “Aya mbi, adu kpengbani ya, zo asi ka Kɔdɔrɔ Gbia tɛ Nzapa! 25Adu kpengbani ya, mbarata ali ti lɛ do sua, ko ati du kpengbani buai ya, wa nwa asi ka Kɔdɔrɔ Gbia tɛ Nzapa.” 26Ngoi mɛ ava lo ĩ ma lo ĩ tɛnɛ so ko, ala ti abema aɔ ndoni. Ala hũndangbi tɛrɛ la ya: “Wa zo mɛ na songɔ na?” 27Yezo aba la, agbinya hɛ̃ la ya: “Ta zo alengbi ti songɔ tɔrɔ tɛrɛ lo nvɛni ma, bo Nzapa kɔi la alengbi ti songɔ zo, ta sanga ma, Nzapa alengbi tɛ lo ti lingɔ ye zu.”
28Petro apa hɛ̃ lo ya: “Ma mbi, wa omɛ e zia aye tɛ e kwe zu, e na mɔ e ndoɔ ndoni kɔi mɛ!” 29La Yezo agbinya hɛ̃ lo ya: “Mbi pa hɛ̃ ĩ ti beta tɛnɛ ya, se zo azia da tɛ lo, na ayata lo ti kɔli na ti wali, na to lo, na ta lo, na aya lo, bere nga ayaka tɛ lo na lo tɛ mbi, lo ɔ so hangɔ Nzɔ̃ Pa tɛ Nzapa ko, 30lo na luangɔ ada, na ayata lo ti kɔli na ti wali, na ata lo, na aya lo, na ayaka, fani ngbangbo kɔi aɔ ti ngoi olo e da. Ko azi nga na giangɔ bɛ lo, ko gbanda ngbĩi ko, lo lua du ti kaka. 31Kanda azi ma wo ma mɛ awa li ni na olo ko, ala na tingɔ awa nda ni, ko azi ma wo ma mɛ awa nda ni na olo ko, ala na tingɔ awa li ni.”
Yezo apa ti fani ta ya ni na kpingɔ ko ni so
(Mat. 20.17-19; Luk. 18.31-34)
32Yezo na ava lo ndo so lege mɛ agwe ka Yeruzalɛmɛ. Lo ɔ tɛ lo uzu. Ava lo abema, ko mbɛtɔ agbɔ̃ azi mɛ ndogwe pɛko la. Yezo amu ava lo sui kɔi ndoni sɛ, atɛnɛ nga tɛnɛ hɛ̃ la na lo ti ye mɛ na lingɔ lo. 33Lo pa hɛ̃ la ya: “Ĩ ma mbi, gwengɔ e ka Yeruzalɛmɛ lo mɛ. Kai ko, azi na kangɔ mbi Nyi Zo hɛ̃ agbia tɛ awa lungɔ Nzapa na ye, na awa hangɔ ndia. Ala na fangɔ ngbanga li mbi ya, aho mbi, ko ala na kangɔ mbi hɛ̃ apaganɔ. 34Ko apaganɔ ni na bubangɔ mbi, ala na kukungɔ solo tɛrɛ mbi, ala na sɔ̃ngɔ mbi na fimbo, ala nga na hongɔ mbi. Wa na pɛ bi ta ko, mbi so.”
Zaki na Yoanɛ ahũnda Yezo na ndo
(Mat. 20.20-28)
35So pɛni, Zaki na nyita lo Yoanɛ mɛ aya Zebedeo, ai tɛrɛ la ka tɔ̃nda Yezo, apa hɛ̃ lo ya: “Wa hangɔ lo tɛ Nzapa, e separa ya, mɔ li hɛ̃ e ye mɛ e na hũndangɔ na mɔ.” 36Yezo ahũnda la ya: “Ye mɛ ĩ ye ya, mbi li hɛ̃ ĩ nɛ?” 37Ala gbinya hɛ̃ lo ya: “E ye ya, ngoi mɛ gbanda mɔ diri mɔ ga so lɛngɔ gbia na ndima, na popo tɛ e sɛ ko, kɔi adu na ndo kɔti ti mɔ, ontɛ ndɛ̃ adu na ndo ti mɔ ti ga.” 38La Yezo agbinya hɛ̃ la ya: “Ta ĩ hĩnga ye mɛ ĩ ndohũnda ma. Ĩ lengbi ti hũngɔ pɛnɔ mɛ mbi na hũngɔ ni? Ĩ lengbi nga ti mungɔ batisimɔ ti pɛnɔ mɛ mbi na mungɔ ni?” 39Ala gbinya hɛ̃ lo ya: “E lengbi na ni zu.” La Yezo apa hɛ̃ la ya: “Biani, ĩ na hũngɔ pɛnɔ mɛ mbi na hũngɔ, ĩ nga na mungɔ batisimɔ ti pɛnɔ mɛ mbi na mungɔ. 40Kanda adu lo ti dungɔ na ndo kɔti ti mbi, nga na dungɔ na ndo ti mbi ti ga ko, ta mbi la mbi lengbi ti fangɔ azi mɛ gbanda adu na ndo ni ko ma. Ndo ni ko adu na lo tɛ azi mɛ Nzapa alɛkɛ ni hɛ̃ la.”
41Ngoi mɛ ava lo mɛ ndɛ̃ sui kɔi ĩ ma so ko, ngɔnzɔ agbɔ̃ la hɛ̃ Zaki na Yoanɛ. 42La Yezo aili la zu, apa hɛ̃ la ya: “Ĩ hĩnga ya, zo ko la azi ndoba lo nga ma gbia ko, zo ni ndosɔ ndo la nga ma se tɛ gbia. Ko akota azi ndofa la na nguru ya, ani agbia ti ndo la. 43Ko na popo tɛ ĩ ko, ale ta adu so ma. Kanda se mbanga zo na popo tɛ ĩ aye dungɔ kotani ko, ale lo du wa lingɔ kwa hɛ̃ ĩ. 44Wa se mbanga zo na popo tɛ ĩ aye nga dungɔ wa li ni ko, ale lo du mbɛ tɛ ĩ zu. 45Ta sanga ma, ta mbi Nyi Zo mbi ga ge le sese ya, azi ali kwa hɛ̃ mbi ma. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”
Yezo asara lɛ Bartime
(Mat. 20.29-34; Luk. 18.35-43)
46Yezo na ava lo asi ka kɔdɔrɔ ti Yeriko. Ala na azi butu butu ĩ lo ka ya kɔdɔrɔ ni ĩ si ko, kɔli kɔi mɛ wa ziba adu so tɛrɛ lege, so ndoyɔ ndo na ti azi. Ili lo la Bartime, ili to lo la Time. 47Wa ziba ko ĩ ma ya, zo ko la aɔ adu Yezo wa Nazarɛtɛ ko, lo de kɔngɔ ya: “Yezo, Tara Davidi, ma vundu tɛ mbi!” 48Azi gba abela wa ziba ko, apa hɛ̃ lo ya, lo du kpɔ. Lo ĩ ma so ko, lo ti dɛ kɔngɔ kpengbani ya: “Tara Davidi, ma vundu tɛ mbi oo!” 49Yezo ĩ ma so ko, adɔ alo, apa ya: “Ĩ ili lo hɛ̃ mbi.” La ala ili lo, apa hɛ̃ lo ya: “Kpengba na tɛrɛ mɔ, lo ndozu, Yezo ndoili mɔ.” 50Wa ziba ĩ ma so ko, azi kota bɔngɔ tɛ lo ati, ahulu, azunda, adɔ nɔ, anɔ ka tɛ Yezo. 51La Yezo ahũnda lo ya: “Ye mɛ mɔ ye ya, mbi li hɛ̃ mɔ nɛ?” Wa ziba agbinya hɛ̃ lo ya: “Wa hangɔ lo tɛ Nzapa, mbi ye ya, mɔ sara lɛ mbi, ko mbi hũ ndo fani mɛ ndɛ̃.” 52Yezo apa hɛ̃ lo ya: “Wa gwe, yengɔ mɛ mɔ ye na lo tɛ mbi la asara mɔ.” Bo na ngoi ni ko la wa ziba ko ahũ ndo, la lo na Yezo amu lege aɔ ndoni kɔi.
Tällä hetkellä valittuna:
Marko 10: NGB87
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.
Marko 10
10
Yezo aha Io ti ziangbingɔ tɛ kɔli na wali
(Mat. 19.1-12; Luk. 16.18)
1Yezo alo so ndo ko, agwe ka sese ti Yudea. So pɛni, lo fa ngu mɛ ili ni la Yurdɛnɛ. Azi aga butu butu abombi tɛrɛ la fani mɛ ndɛ̃ so tɔ̃nda lo, la lo ha la na tɛnɛ tɛ Nzapa, nga ma se mɛ lo ndoli na ni ngoi zu.
2Ambanga Afarizeo ai tɛrɛ la ka tɔ̃nda lo, ahũnda lo na poroso ya: “Ndia tɛ e ahɛ̃ lege ya, kɔli azia ya lo?” 3Yezo asana ahũnda la ya: “Ndia mɛ ndo Mɔizɛ alu hɛ̃ ĩ nɛ?” 4Ala gbinya hɛ̃ lo ya: “Mɔizɛ apa ndo ya, se zo aye ziangɔ ya lo ko, ale lo su mbɛti ti ziangbingɔ hɛ̃ ya lo, wa lo zia lo.” 5La Yezo apa hɛ̃ la ya: “Mɔizɛ alu ndo ndia ko hɛ̃ ĩ, na lo mɛ ya, ĩ azi ti kpengba li. 6Kanda asu ka ya Buku tɛ Nzapa ya, ndo uzu na ngoi mɛ ndo Nzapa ali ye zu ko, ‘lo li ndo kɔli na wali.’ 7‘Na lo ni la kɔli na ziangɔ da tɛ to lo na ta lo, ana ya lo adu ndoni kɔi. 8Ko ala zu sɛ ati bo zo kɔi.’ Na lo ni ko, ta ala ti de azi sɛ ma, kanda ala ti bo zo kɔi. 9Wa azi mɛ Nzapa agungbi la ko, ale ta akangbi ya la ma.”
10Ngoi mɛ ala ĩ li ka ya da ko, ava Yezo ati ahũnda lo na ndo tɛnɛ ni ko. 11La Yezo agbinya hɛ̃ la ya: “Se kɔli azia ya lo, adu na wali mɛ ndɛ̃ ko, kɔli ni ko ati kɔmbɛ tɛ ya lo mɛ lo zia lo. 12Se mɛ nga se wali azia kɔ lo, adu na kɔli mɛ ndɛ̃ ko, wali ni ko ati nga kɔmbɛ tɛ kɔ lo mɛ lo zia la.”
Yezo asunu ayangambi
(Mat. 19.13-15; Luk. 18.15-17)
13Azi aga na ayangambi hɛ̃ Yezo ya, lo kpa ti lo ndo la so sunungɔ la. La ava lo abela azi ni ko. 14Yezo ĩ hũ so ko, ngɔnzɔ agbɔ̃ lo, ko lo pa hɛ̃ ava lo ya: “Ale ĩ zia ayangambi aga ge tɛ mbi! Ta ĩ gbanzi la ma, ta sanga ma, Kɔdɔrɔ Gbia tɛ Nzapa adu na lo tɛ azi mɛ bɛ la nga ma bɛ ayangambi. 15Mbi pa hɛ̃ ĩ ti beta tɛnɛ ya, zo ko la ta aye lo ti lo Lɛngɔ Gbia tɛ Nzapa nga ma se tɛ nyingambi ma ko, ta zo ni ko alengbi gbanda ti singɔ ka Kɔdɔrɔ Gbia tɛ Nzapa bɛ gbɔ ma.” 16So pɛni, lo mu ayangambi ko, lo kpa ti lo ndo la kɔi kɔi, lo sunu la.
Wa nwa kɔi ahũnda Yezo na ndo
(Mat. 19.16-30; Luk. 18.18-30)
17Ngoi mɛ Yezo so ndoɔ ka ta lege ko, kɔli kɔi akpɛ aga, akuku gbɛlɛ lo, ahũnda lo ya: “Nzɔ̃ wa hangɔ lo tɛ Nzapa, ye mɛ mbi lengbi ti lingɔ, wa mbi lua du ti kaka nɛ?” 18La Yezo agbinya hɛ̃ lo ya: “Nda mɛ ntɔ ili mbi ya, mbi nzɔ̃ zo nɛ? Ta nzɔ̃ zo da ma, bo Nzapa kɔi la nzɔ̃ni. 19Mɔ hĩnga ya, ndia apa ya: ‘Ta mɔ ho zo ma, ta mɔ ti kɔmbɛ ma, ta mɔ nzĩ ye ma, ta mɔ pa nvɛnɛ na ili zo ma, ta mɔ handa zo ma, tɔndɔ to mɔ na ta mɔ.’ ” 20La kɔli ko agbinya hɛ̃ lo ya: “Wa hangɔ lo tɛ Nzapa, ato na ngoi ko ndo mbi dɛ nyingambi, ngbĩi asi na la olo mɛ ko, mbi tɔndɔ andia ni ko zu.” 21La Yezo aba lo, aye lo, apa hɛ̃ lo ya: “Ta mɔ dɛ mɔ li ye kɔi ma. Ba ye ni lo mɛ: gwe, mɔ ka aye tɛ mɔ zu na ngere, ko mɔ mu faranga ni, mɔ hɛ̃ awa yɛlɛ. So pɛni, mɔ diri mɔ ga, e na mɔ e ɔ ndoni kɔi. Wa gbanda ko, mɔ lua nwa ka yayu.” 22Ko ngoi mɛ kɔli ko ĩ ma so ko, lo gbe lɛ lo ki ki ki, lo hã nɔ, lo gwe na kota vundu, ta sanga ma, lo ndo na nwa sĩ.
23Yezo aba ava lo mɛ aka lo kɛrɛrɛ, apa hɛ̃ la ya: “Adu kpengbani ya, wa nwa asi ka Kɔdɔrɔ Gbia tɛ Nzapa!” 24Ava lo abema sĩ na lo tɛnɛ ni ko. Ko Yezo apa nga hɛ̃ la ya: “Aya mbi, adu kpengbani ya, zo asi ka Kɔdɔrɔ Gbia tɛ Nzapa! 25Adu kpengbani ya, mbarata ali ti lɛ do sua, ko ati du kpengbani buai ya, wa nwa asi ka Kɔdɔrɔ Gbia tɛ Nzapa.” 26Ngoi mɛ ava lo ĩ ma lo ĩ tɛnɛ so ko, ala ti abema aɔ ndoni. Ala hũndangbi tɛrɛ la ya: “Wa zo mɛ na songɔ na?” 27Yezo aba la, agbinya hɛ̃ la ya: “Ta zo alengbi ti songɔ tɔrɔ tɛrɛ lo nvɛni ma, bo Nzapa kɔi la alengbi ti songɔ zo, ta sanga ma, Nzapa alengbi tɛ lo ti lingɔ ye zu.”
28Petro apa hɛ̃ lo ya: “Ma mbi, wa omɛ e zia aye tɛ e kwe zu, e na mɔ e ndoɔ ndoni kɔi mɛ!” 29La Yezo agbinya hɛ̃ lo ya: “Mbi pa hɛ̃ ĩ ti beta tɛnɛ ya, se zo azia da tɛ lo, na ayata lo ti kɔli na ti wali, na to lo, na ta lo, na aya lo, bere nga ayaka tɛ lo na lo tɛ mbi, lo ɔ so hangɔ Nzɔ̃ Pa tɛ Nzapa ko, 30lo na luangɔ ada, na ayata lo ti kɔli na ti wali, na ata lo, na aya lo, na ayaka, fani ngbangbo kɔi aɔ ti ngoi olo e da. Ko azi nga na giangɔ bɛ lo, ko gbanda ngbĩi ko, lo lua du ti kaka. 31Kanda azi ma wo ma mɛ awa li ni na olo ko, ala na tingɔ awa nda ni, ko azi ma wo ma mɛ awa nda ni na olo ko, ala na tingɔ awa li ni.”
Yezo apa ti fani ta ya ni na kpingɔ ko ni so
(Mat. 20.17-19; Luk. 18.31-34)
32Yezo na ava lo ndo so lege mɛ agwe ka Yeruzalɛmɛ. Lo ɔ tɛ lo uzu. Ava lo abema, ko mbɛtɔ agbɔ̃ azi mɛ ndogwe pɛko la. Yezo amu ava lo sui kɔi ndoni sɛ, atɛnɛ nga tɛnɛ hɛ̃ la na lo ti ye mɛ na lingɔ lo. 33Lo pa hɛ̃ la ya: “Ĩ ma mbi, gwengɔ e ka Yeruzalɛmɛ lo mɛ. Kai ko, azi na kangɔ mbi Nyi Zo hɛ̃ agbia tɛ awa lungɔ Nzapa na ye, na awa hangɔ ndia. Ala na fangɔ ngbanga li mbi ya, aho mbi, ko ala na kangɔ mbi hɛ̃ apaganɔ. 34Ko apaganɔ ni na bubangɔ mbi, ala na kukungɔ solo tɛrɛ mbi, ala na sɔ̃ngɔ mbi na fimbo, ala nga na hongɔ mbi. Wa na pɛ bi ta ko, mbi so.”
Zaki na Yoanɛ ahũnda Yezo na ndo
(Mat. 20.20-28)
35So pɛni, Zaki na nyita lo Yoanɛ mɛ aya Zebedeo, ai tɛrɛ la ka tɔ̃nda Yezo, apa hɛ̃ lo ya: “Wa hangɔ lo tɛ Nzapa, e separa ya, mɔ li hɛ̃ e ye mɛ e na hũndangɔ na mɔ.” 36Yezo ahũnda la ya: “Ye mɛ ĩ ye ya, mbi li hɛ̃ ĩ nɛ?” 37Ala gbinya hɛ̃ lo ya: “E ye ya, ngoi mɛ gbanda mɔ diri mɔ ga so lɛngɔ gbia na ndima, na popo tɛ e sɛ ko, kɔi adu na ndo kɔti ti mɔ, ontɛ ndɛ̃ adu na ndo ti mɔ ti ga.” 38La Yezo agbinya hɛ̃ la ya: “Ta ĩ hĩnga ye mɛ ĩ ndohũnda ma. Ĩ lengbi ti hũngɔ pɛnɔ mɛ mbi na hũngɔ ni? Ĩ lengbi nga ti mungɔ batisimɔ ti pɛnɔ mɛ mbi na mungɔ ni?” 39Ala gbinya hɛ̃ lo ya: “E lengbi na ni zu.” La Yezo apa hɛ̃ la ya: “Biani, ĩ na hũngɔ pɛnɔ mɛ mbi na hũngɔ, ĩ nga na mungɔ batisimɔ ti pɛnɔ mɛ mbi na mungɔ. 40Kanda adu lo ti dungɔ na ndo kɔti ti mbi, nga na dungɔ na ndo ti mbi ti ga ko, ta mbi la mbi lengbi ti fangɔ azi mɛ gbanda adu na ndo ni ko ma. Ndo ni ko adu na lo tɛ azi mɛ Nzapa alɛkɛ ni hɛ̃ la.”
41Ngoi mɛ ava lo mɛ ndɛ̃ sui kɔi ĩ ma so ko, ngɔnzɔ agbɔ̃ la hɛ̃ Zaki na Yoanɛ. 42La Yezo aili la zu, apa hɛ̃ la ya: “Ĩ hĩnga ya, zo ko la azi ndoba lo nga ma gbia ko, zo ni ndosɔ ndo la nga ma se tɛ gbia. Ko akota azi ndofa la na nguru ya, ani agbia ti ndo la. 43Ko na popo tɛ ĩ ko, ale ta adu so ma. Kanda se mbanga zo na popo tɛ ĩ aye dungɔ kotani ko, ale lo du wa lingɔ kwa hɛ̃ ĩ. 44Wa se mbanga zo na popo tɛ ĩ aye nga dungɔ wa li ni ko, ale lo du mbɛ tɛ ĩ zu. 45Ta sanga ma, ta mbi Nyi Zo mbi ga ge le sese ya, azi ali kwa hɛ̃ mbi ma. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”
Yezo asara lɛ Bartime
(Mat. 20.29-34; Luk. 18.35-43)
46Yezo na ava lo asi ka kɔdɔrɔ ti Yeriko. Ala na azi butu butu ĩ lo ka ya kɔdɔrɔ ni ĩ si ko, kɔli kɔi mɛ wa ziba adu so tɛrɛ lege, so ndoyɔ ndo na ti azi. Ili lo la Bartime, ili to lo la Time. 47Wa ziba ko ĩ ma ya, zo ko la aɔ adu Yezo wa Nazarɛtɛ ko, lo de kɔngɔ ya: “Yezo, Tara Davidi, ma vundu tɛ mbi!” 48Azi gba abela wa ziba ko, apa hɛ̃ lo ya, lo du kpɔ. Lo ĩ ma so ko, lo ti dɛ kɔngɔ kpengbani ya: “Tara Davidi, ma vundu tɛ mbi oo!” 49Yezo ĩ ma so ko, adɔ alo, apa ya: “Ĩ ili lo hɛ̃ mbi.” La ala ili lo, apa hɛ̃ lo ya: “Kpengba na tɛrɛ mɔ, lo ndozu, Yezo ndoili mɔ.” 50Wa ziba ĩ ma so ko, azi kota bɔngɔ tɛ lo ati, ahulu, azunda, adɔ nɔ, anɔ ka tɛ Yezo. 51La Yezo ahũnda lo ya: “Ye mɛ mɔ ye ya, mbi li hɛ̃ mɔ nɛ?” Wa ziba agbinya hɛ̃ lo ya: “Wa hangɔ lo tɛ Nzapa, mbi ye ya, mɔ sara lɛ mbi, ko mbi hũ ndo fani mɛ ndɛ̃.” 52Yezo apa hɛ̃ lo ya: “Wa gwe, yengɔ mɛ mɔ ye na lo tɛ mbi la asara mɔ.” Bo na ngoi ni ko la wa ziba ko ahũ ndo, la lo na Yezo amu lege aɔ ndoni kɔi.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.