Marko 12
12
Matɔ tɛ asiɔ awa kwa ti yaka vinɔ
(Mat. 21.33-46; Luk. 20.9-19)
1So pɛni, Yezo atɛnɛ tɛnɛ na ya matɔ hɛ̃ la ya: “Kɔli kɔi asɛ̃ ndo yaka alu na vinɔ. Lo kpɔ gbágbá tɛrɛ ni, lo gɛ̃ du ti gungɔ na le vinɔ ni, lo wa gbaraga mɛ ganguruni so batangɔ na yaka ni. Ko lo mu yaka ni, lo hɛ̃ awa kwa ya, ala lɛkɛ ni, wa se ngoi ti kɔngɔ le vinɔ alengbi ko, ani kangbi ya ni. So pɛni, lo gwe fɔnɔ. 2Ngoi ti kɔngɔ le vinɔ ĩ lengbi ko, lo to wa kwa tɛ lo kɔi ka tɛ awa kwa ti yaka vinɔ ya, awa kwa ti yaka vinɔ ahɛ̃ lo tɛ ni le vinɔ ni. 3Wa kwa ko ĩ nɔ ĩ si kai ko, awa kwa ti yaka agbɔ̃ lo, asɔ̃ lo, ta ala hɛ̃ lo ye kɔi ma, ala toma lo. 4Nvɛ̃ yaka ĩ hũ so ko, lo ti to wa kwa tɛ lo mɛ ndɛ̃. Wa kwa tɛ lo ĩ nɔ, ĩ si kai ko, awa kwa ti yaka agbɔ̃ nga lo, asɔ̃ lo na li lo, aguru lo. Nvɛ̃ yaka ato mbanga wa kwa tɛ lo mɛ ndɛ̃, ko awa kwa ti yaka agbɔ̃ lo, aho lo. 5Ko ambanga awa kwa tɛ nvɛ̃ yaka sĩni mɛ lo ndoto la ka yaka ko, awa kwa ti yaka ali bo gi tɛrɛ ye ko na tɛrɛ la. Ala sɔ̃ ndo ambanga, ko ala ho ambanga mɛ ndɛ̃. 6Nvɛ̃ yaka angbã bo na nyi lo ti kɔli kɔi mɛ lo ye lo ma wo ma. Lo ye ya ni to lo na nda ni gbɔ. La nvɛ̃ yaka apa ka ya bɛ lo ya: ‘Ala na tɔndɔngɔ nyi mbi.’ 7Kanda awa kwa ti yaka atɛnɛ ka popo tɛ la ya: ‘Ĩ ba zo mɛ gbanda ati nvɛ̃ yaka lo mɛ. E nɔ, é ho lo, wadila yaka ni angbã ndũ ye tɛ e.’ 8La ala gbɔ̃ lo, aho lo, abi lo ka pɛ yaka.”
9La Yezo apa hɛ̃ la ya: “Ĩ ba ye mɛ nvɛ̃ yaka na lingɔ lo mɛ. Lo na nɔngɔ, kpɔngɔ awa kwa ti yaka, kó lo na mungɔ yaka ni, hɛ̃ngɔ azi mɛ ndɛ̃. 10Mbi hĩnga nzɔ̃ni ya, ĩ di tɛnɛ mɛ asu ka ya Buku tɛ Nzapa. Tɛnɛ ni lo mɛ:
‘Tɛ́nɛ mɛ ndo awa wangɔ da akɛ̃, abi tise,
La ati tɛ́nɛ ti nda ngɔrɔ da.
11Ĩ ba ye mɛ ndo Gbia Nzapa ali la,
Ko e hũ ya, adu ye ti bemangɔ!’ ”
12Na pɛ tɛnɛ mɛ Yezo ĩ tɛnɛ hɛ̃ la ko, agbia tɛ Ayuda agi kɔdɛ ya, ani gbɔ̃ lo, ta sanga ma, ala hĩnga ya, Yezo ato matɔ ni ko hɛ̃ ani. Kanda mbɛtɔ tɛ azi mɛ so ndo ko butu butu agbɔ̃ la, la ala zia lo, agwe.
Lapo mɛ andofuta liɛ kota gbia ti Roma
(Mat. 22.15-22; Luk. 20.20-26)
13Agbia tɛ Ayuda ato ambanga Afarizeo na ava gbia Erodɛ ka tɛ Yezo ya, ala nɔ ahũnda Yezo na ndo, wa ala gbɔ̃ nda lo na ya tɛnɛ mɛ lo na tɛnɛngɔ. 14Ala nɔ apa hɛ̃ lo ya: “Wa hangɔ lo tɛ Nzapa, e hĩnga ya, mɔ ndotɛnɛ beta tɛnɛ. Ta mɔ ndokpɛ lɛ zo ma. Ta sanga ma, ta mɔ ndoda bɛ mɔ na ndima mɛ zo na ni ma, kanda mɔ ndoha azi na beta lo mɛ aba sé du mɛ Nzapa ndoye. Wa pa hɛ̃ e, ndia tɛ e ahɛ̃ lege ya, afuta lapo hɛ̃ kota gbia ti Roma, bere ta afuta ma?” 15Yezo ahĩnga ya, ta beta tɛnɛ mɛ ka ya bɛ la la ma, la lo pa hɛ̃ la ya: “Nda mɛ ĩ ndogi kɔdɛ ya, ĩ gbɔ̃ nda mbi nɛ? Ĩ ga na faranga kɔi hɛ̃ mbi, mbi ba hĩ.” 16Ala mu faranga kɔi, aga na ni hɛ̃ Ĩo, ko lo hũnda la ya: “Lɛ zo na ili zo mɛ na lɛ faranga olo mɛ ko, adu tɛ na?” Ala gbinya hɛ̃ lo ya: “Adu lɛ kota gbia ti Roma nga na ili lo la.” 17La Yezo apa hɛ̃ la ya: “Wa ĩ futa lapo tɛ kota gbia ti Roma hɛ̃ lo, ko ĩ futa nga ye tɛ Nzapa hɛ̃ Nzapa.” Ala ĩ ma Yezo ĩ gbinya so ko, ala bema sĩ.
Asaduseo ahũnda Yezo na lo ti songɔ tɛ azi na pɛ kwa
(Mat. 22.23-33; Luk. 20.27-40)
18Asaduseo adu azi mɛ ndopa ya, se zo akpi ko, ta lo so ma. Mbanga lá kɔi, ambanga Asaduseo aga ka tɛ Yezo, ahũnda lo ya: 19“Wa hangɔ lo tɛ Nzapa, Mɔizɛ asu ndo ndia hɛ̃ e ya: ‘Se kɔli adu na wali, ko se ta ala dú nyi ma, ko kɔli akpi ko, ale nyita lo ti kɔli, amu we muã ko, adu na lo, adú lo na ayangambi hɛ̃ nyita lo wa kwáni.’ 20Wa ma hĩ! Aya kɔli mbara mbara asi ndo na ya ta la kɔi, to la kɔi. Ko kɔzo nyi adu na wali, ta ala dú nyi ma, ko kɔzo nyi akpi. 21Nyingambi ti sɛ amu we muã ni, adu na ni, ta ala dú nga nyi ma, ko nyingambi ti sɛ akpi. Nyingambi ti ta nga bo so. 22Ko aya kɔli ko zu mbara mbara adu ndo na wali ni ko, ta ala dú nyi ma, ko ala zu akpili bo nga so. So pɛ kwá tɛ la zu ko, wali nvɛni akpi nga. 23Wa na lá ko gbanda awa kwáni aso ko, kɔ wali nvɛni so popo tɛ aya kɔli ko mbara mbara gbanda na? Omɛ ala zu adu ndo na wali ko mɛ!” 24La Yezo agbinya hɛ̃ la ya: “Ĩ yu ndo, ko ĩ hĩnga nda ni nga? Adu na lo mɛ ya, ta ĩ hĩnga Buku tɛ Nzapa, bere nguru tɛ lo ma. 25Ta sanga ma, ngoi mɛ gbanda azi mɛ akpili aso ko, ta akɔli na awe ti dungbi gbanda ma, kanda ala du gbanda nga ma aangelo ka yayu mɛ ta ndodu na wali ma. 26Wa adu ti lo ti songɔ tɛ azi na pɛ kwá ko, mbi hĩnga nzɔ̃ni ya, ĩ di tɛnɛ mɛ ndo Mɔizɛ asu, na ngoi mɛ Nzapa atɛnɛ tɛnɛ hɛ̃ lo na ya sã ti kĩ. Nzapa apa ndo hɛ̃ lo ya: ‘Mbi du Nzapa mɛ Abrahama, na Izaki, nga na Yakobo ndovɔrɔ.’ 27Nzapa adu Nzapa mɛ azi mɛ lɛ la ngɛ ndovɔrɔ lo, kanda ta lo du Nzapa tɛ awa kwáni ma. Oko afa ya, Abrahama, na Izaki nga na Yakobo ndodu lɛ la ngɛ̃. Nda mɛ ĩ yu ndo sĩ nvɛni la.”
Ndia mɛ aɔ andia kwɛ zu
(Mat. 22.34-40; Luk. 10.25-28)
28Mbanga wa hangɔ ndia kɔi ama Yezo na Asaduseo so ndobimbi tɛnɛ. Lo ĩ hũ ya Yezo agbinya beta tɛnɛ hɛ̃ la ko, lo i tɛrɛ lo ka tɔ̃nda Yezo, Ĩo hũnda lo ya: “Ndia mɛ aɔ andia kwɛ zu nɛ?” 29La Yezo agbinya hɛ̃ lo ya: “Ndia mɛ aɔ andia kwɛ zu lo mɛ: ‘Ĩ azi ti Izrayɛlɛ, ĩ ma la! Gbia Nzapa tɛ e, lo Gbia bo ngengereni kɔi. 30Ale mɔ ye Gbia Nzapa tɛ mɔ na bɛ mɔ kɔi, na tɔrɔ tɛrɛ mɔ zu, na kɔdɛ tɛ mɔ zu, nga na nguru tɛ mɔ zu.’ Ndia ti kɔi la. 31Wa ĩ ba ndia ti sɛ lo mɛ: ‘Ale mɔ ye afɔ̃ mɔ nga ma se mɛ mɔ ndoye na tɛrɛ mɔ nvɛni.’ Ta mbanga ndia mɛ ndɛ̃ mɛ aɔ andia olo sɛ da ma.”
32La wa hangɔ ndia ko apa hɛ̃ Yezo ya: “Biani, wa hangɔ lo tɛ Nzapa, mɔ tɛnɛ beta tɛnɛ. Gbia Nzapa bo kɔi, ta Nzapa mɛ ndɛ̃ da ma, bo lo kɔi. 33Ale zo aye Nzapa na bɛ lo kɔi, na kɔdɛ tɛ lo zu, nga na nguru tɛ lo zu. Ale lo ye afɔ̃ lo, nga ma se mɛ lo ndoye na tɛrɛ lo nvɛni. Oko aɔ sa mɛ azi ndoho, azɔ alu na Nzapa, nga na aye zu mɛ ala ndolu na lo.” 34Yezo ĩ hũ ya, wa hangɔ ndia ko agbinya tɛnɛ hɛ̃ ni na ndara ko, lo pa hɛ̃ lo ya: “Mɔ doli na Kɔdɔrɔ Gbia tɛ Nzapa wɛ.” So pɛni ko, ta zo kɔi ti tara hũndangɔ Yezo na ndo ma.
Mɛsia adu Gbia tɛ Davidi
(Mat. 22.41-46; Luk. 20.41-44)
35Ngoi mɛ Yezo so ndoha azi na lo tɛ Nzapa ka ya kota da Nzapa ko, lo hũnda la ya: “Kɔdɛ mɛ awa hangɔ ndia ndopa ya, Mɛsia lo tara Davidi sia? 36Ta sanga ma, ngoi mɛ ndo Tɔrɔ Santo azi kɔdɛ na li Davidi ko, Davidi nvɛni apa ndo ya:
‘Gbia Nzapa apa hɛ̃ Gbia tɛ mbi ya;
Du na ndo kɔti ti mbi,
Nga ka gbanda mbi nwɔ awa kɛ̃ngɔ mɔ,
Mbi kpa la gbe gɛrɛ mɔ.’
37Davidi nvɛni aili ndo Mɛsia ya lo Gbia. Ko kɔdɛ mɛ Mɛsia alengbi nga ti dungɔ tara Davidi sia?”
Yezo atisa azi ya ta ala mu se li ye tɛ awa hangɔ ndia ma
(Mat. 23.1-36; Luk. 20.45-47)
Azi butu butu ndoma ndo Yezo na dengɔ bɛ. 38Yezo apa hɛ̃ azi mɛ lo ndoha la na lo ya: “Ĩ bata li ĩ nzɔ̃ni na lo tɛ awa hangɔ ndia. Bɛ la ndode na fɔnɔngɔ na yɔngɔrɔ bɔngɔ na tɛrɛ la, so fangɔ ya, ani akota azi. Ala ndoye nga ya, azi abala ani nzɔ̃ni ka lɛ kɔdɔrɔ. 39Ngoi mɛ ala li ya da sambela ko, ala ndosara tɛ la bo akiti mɛ na gbɛlɛ azi zu, wa ala dunga da. Na ngoi ti kota yenga ko, ala ndosara akiti mɛ nzɔ̃ni buai, wa ala dunga nga da. 40Ala ndohanda awe muã, alɔ atanga ye tɛ la zu na ti la. Ala ndosambela yɔngɔrɔ sambela so fangɔ ya, ani anzɔ̃ azi. Nzapa ahɛ̃ la gbanda etumbu aɔ tɛ azi mɛ ndɛ̃ zu!”
We muã mɛ wa yɛlɛ alu Nzapa na faranga
(Luk. 21.1-4)
41Ngoi mɛ Yezo na ava lo ka ya kota da Nzapa ko, Yezo adu na tɔ̃ asandugu mɛ andosa faranga da, lo so ndoba se mɛ azi ndosa na faranga ka ya ni hɛ̃ Nzapa. Awa nwa ma ya ma asa ndo faranga sĩ. 42We muã kɔi mɛ wa yɛlɛ aga asa tɛ lo bo le faranga osɛ mɛ alengbi na mɛnya gɛgɛrɛ. 43Yezo ĩ hũ so ko, lo ili ava lo, lo pa hɛ̃ la ya: “Mbi pa hɛ̃ ĩ ti beta tɛnɛ ya, we muã mɛ wa yɛlɛ asa faranga ya sandugu hɛ̃ Nzapa, aɔ tɛ azi mɛ ndɛ̃ zu. 44Ta sanga ma, faranga mɛ azi mɛ ndɛ̃ asa so lungɔ na Nzapa ko, adu omɛ ta ala na gwɛ̃ ni ma. Kanda tɛ we muã mɛ wa yɛlɛ ko, lo hɛ̃ kɔtɛ faranga tɛ lo zu mɛ lo na ni ti tɛngɔ na ye.”
Tällä hetkellä valittuna:
Marko 12: NGB87
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.
Marko 12
12
Matɔ tɛ asiɔ awa kwa ti yaka vinɔ
(Mat. 21.33-46; Luk. 20.9-19)
1So pɛni, Yezo atɛnɛ tɛnɛ na ya matɔ hɛ̃ la ya: “Kɔli kɔi asɛ̃ ndo yaka alu na vinɔ. Lo kpɔ gbágbá tɛrɛ ni, lo gɛ̃ du ti gungɔ na le vinɔ ni, lo wa gbaraga mɛ ganguruni so batangɔ na yaka ni. Ko lo mu yaka ni, lo hɛ̃ awa kwa ya, ala lɛkɛ ni, wa se ngoi ti kɔngɔ le vinɔ alengbi ko, ani kangbi ya ni. So pɛni, lo gwe fɔnɔ. 2Ngoi ti kɔngɔ le vinɔ ĩ lengbi ko, lo to wa kwa tɛ lo kɔi ka tɛ awa kwa ti yaka vinɔ ya, awa kwa ti yaka vinɔ ahɛ̃ lo tɛ ni le vinɔ ni. 3Wa kwa ko ĩ nɔ ĩ si kai ko, awa kwa ti yaka agbɔ̃ lo, asɔ̃ lo, ta ala hɛ̃ lo ye kɔi ma, ala toma lo. 4Nvɛ̃ yaka ĩ hũ so ko, lo ti to wa kwa tɛ lo mɛ ndɛ̃. Wa kwa tɛ lo ĩ nɔ, ĩ si kai ko, awa kwa ti yaka agbɔ̃ nga lo, asɔ̃ lo na li lo, aguru lo. Nvɛ̃ yaka ato mbanga wa kwa tɛ lo mɛ ndɛ̃, ko awa kwa ti yaka agbɔ̃ lo, aho lo. 5Ko ambanga awa kwa tɛ nvɛ̃ yaka sĩni mɛ lo ndoto la ka yaka ko, awa kwa ti yaka ali bo gi tɛrɛ ye ko na tɛrɛ la. Ala sɔ̃ ndo ambanga, ko ala ho ambanga mɛ ndɛ̃. 6Nvɛ̃ yaka angbã bo na nyi lo ti kɔli kɔi mɛ lo ye lo ma wo ma. Lo ye ya ni to lo na nda ni gbɔ. La nvɛ̃ yaka apa ka ya bɛ lo ya: ‘Ala na tɔndɔngɔ nyi mbi.’ 7Kanda awa kwa ti yaka atɛnɛ ka popo tɛ la ya: ‘Ĩ ba zo mɛ gbanda ati nvɛ̃ yaka lo mɛ. E nɔ, é ho lo, wadila yaka ni angbã ndũ ye tɛ e.’ 8La ala gbɔ̃ lo, aho lo, abi lo ka pɛ yaka.”
9La Yezo apa hɛ̃ la ya: “Ĩ ba ye mɛ nvɛ̃ yaka na lingɔ lo mɛ. Lo na nɔngɔ, kpɔngɔ awa kwa ti yaka, kó lo na mungɔ yaka ni, hɛ̃ngɔ azi mɛ ndɛ̃. 10Mbi hĩnga nzɔ̃ni ya, ĩ di tɛnɛ mɛ asu ka ya Buku tɛ Nzapa. Tɛnɛ ni lo mɛ:
‘Tɛ́nɛ mɛ ndo awa wangɔ da akɛ̃, abi tise,
La ati tɛ́nɛ ti nda ngɔrɔ da.
11Ĩ ba ye mɛ ndo Gbia Nzapa ali la,
Ko e hũ ya, adu ye ti bemangɔ!’ ”
12Na pɛ tɛnɛ mɛ Yezo ĩ tɛnɛ hɛ̃ la ko, agbia tɛ Ayuda agi kɔdɛ ya, ani gbɔ̃ lo, ta sanga ma, ala hĩnga ya, Yezo ato matɔ ni ko hɛ̃ ani. Kanda mbɛtɔ tɛ azi mɛ so ndo ko butu butu agbɔ̃ la, la ala zia lo, agwe.
Lapo mɛ andofuta liɛ kota gbia ti Roma
(Mat. 22.15-22; Luk. 20.20-26)
13Agbia tɛ Ayuda ato ambanga Afarizeo na ava gbia Erodɛ ka tɛ Yezo ya, ala nɔ ahũnda Yezo na ndo, wa ala gbɔ̃ nda lo na ya tɛnɛ mɛ lo na tɛnɛngɔ. 14Ala nɔ apa hɛ̃ lo ya: “Wa hangɔ lo tɛ Nzapa, e hĩnga ya, mɔ ndotɛnɛ beta tɛnɛ. Ta mɔ ndokpɛ lɛ zo ma. Ta sanga ma, ta mɔ ndoda bɛ mɔ na ndima mɛ zo na ni ma, kanda mɔ ndoha azi na beta lo mɛ aba sé du mɛ Nzapa ndoye. Wa pa hɛ̃ e, ndia tɛ e ahɛ̃ lege ya, afuta lapo hɛ̃ kota gbia ti Roma, bere ta afuta ma?” 15Yezo ahĩnga ya, ta beta tɛnɛ mɛ ka ya bɛ la la ma, la lo pa hɛ̃ la ya: “Nda mɛ ĩ ndogi kɔdɛ ya, ĩ gbɔ̃ nda mbi nɛ? Ĩ ga na faranga kɔi hɛ̃ mbi, mbi ba hĩ.” 16Ala mu faranga kɔi, aga na ni hɛ̃ Ĩo, ko lo hũnda la ya: “Lɛ zo na ili zo mɛ na lɛ faranga olo mɛ ko, adu tɛ na?” Ala gbinya hɛ̃ lo ya: “Adu lɛ kota gbia ti Roma nga na ili lo la.” 17La Yezo apa hɛ̃ la ya: “Wa ĩ futa lapo tɛ kota gbia ti Roma hɛ̃ lo, ko ĩ futa nga ye tɛ Nzapa hɛ̃ Nzapa.” Ala ĩ ma Yezo ĩ gbinya so ko, ala bema sĩ.
Asaduseo ahũnda Yezo na lo ti songɔ tɛ azi na pɛ kwa
(Mat. 22.23-33; Luk. 20.27-40)
18Asaduseo adu azi mɛ ndopa ya, se zo akpi ko, ta lo so ma. Mbanga lá kɔi, ambanga Asaduseo aga ka tɛ Yezo, ahũnda lo ya: 19“Wa hangɔ lo tɛ Nzapa, Mɔizɛ asu ndo ndia hɛ̃ e ya: ‘Se kɔli adu na wali, ko se ta ala dú nyi ma, ko kɔli akpi ko, ale nyita lo ti kɔli, amu we muã ko, adu na lo, adú lo na ayangambi hɛ̃ nyita lo wa kwáni.’ 20Wa ma hĩ! Aya kɔli mbara mbara asi ndo na ya ta la kɔi, to la kɔi. Ko kɔzo nyi adu na wali, ta ala dú nyi ma, ko kɔzo nyi akpi. 21Nyingambi ti sɛ amu we muã ni, adu na ni, ta ala dú nga nyi ma, ko nyingambi ti sɛ akpi. Nyingambi ti ta nga bo so. 22Ko aya kɔli ko zu mbara mbara adu ndo na wali ni ko, ta ala dú nyi ma, ko ala zu akpili bo nga so. So pɛ kwá tɛ la zu ko, wali nvɛni akpi nga. 23Wa na lá ko gbanda awa kwáni aso ko, kɔ wali nvɛni so popo tɛ aya kɔli ko mbara mbara gbanda na? Omɛ ala zu adu ndo na wali ko mɛ!” 24La Yezo agbinya hɛ̃ la ya: “Ĩ yu ndo, ko ĩ hĩnga nda ni nga? Adu na lo mɛ ya, ta ĩ hĩnga Buku tɛ Nzapa, bere nguru tɛ lo ma. 25Ta sanga ma, ngoi mɛ gbanda azi mɛ akpili aso ko, ta akɔli na awe ti dungbi gbanda ma, kanda ala du gbanda nga ma aangelo ka yayu mɛ ta ndodu na wali ma. 26Wa adu ti lo ti songɔ tɛ azi na pɛ kwá ko, mbi hĩnga nzɔ̃ni ya, ĩ di tɛnɛ mɛ ndo Mɔizɛ asu, na ngoi mɛ Nzapa atɛnɛ tɛnɛ hɛ̃ lo na ya sã ti kĩ. Nzapa apa ndo hɛ̃ lo ya: ‘Mbi du Nzapa mɛ Abrahama, na Izaki, nga na Yakobo ndovɔrɔ.’ 27Nzapa adu Nzapa mɛ azi mɛ lɛ la ngɛ ndovɔrɔ lo, kanda ta lo du Nzapa tɛ awa kwáni ma. Oko afa ya, Abrahama, na Izaki nga na Yakobo ndodu lɛ la ngɛ̃. Nda mɛ ĩ yu ndo sĩ nvɛni la.”
Ndia mɛ aɔ andia kwɛ zu
(Mat. 22.34-40; Luk. 10.25-28)
28Mbanga wa hangɔ ndia kɔi ama Yezo na Asaduseo so ndobimbi tɛnɛ. Lo ĩ hũ ya Yezo agbinya beta tɛnɛ hɛ̃ la ko, lo i tɛrɛ lo ka tɔ̃nda Yezo, Ĩo hũnda lo ya: “Ndia mɛ aɔ andia kwɛ zu nɛ?” 29La Yezo agbinya hɛ̃ lo ya: “Ndia mɛ aɔ andia kwɛ zu lo mɛ: ‘Ĩ azi ti Izrayɛlɛ, ĩ ma la! Gbia Nzapa tɛ e, lo Gbia bo ngengereni kɔi. 30Ale mɔ ye Gbia Nzapa tɛ mɔ na bɛ mɔ kɔi, na tɔrɔ tɛrɛ mɔ zu, na kɔdɛ tɛ mɔ zu, nga na nguru tɛ mɔ zu.’ Ndia ti kɔi la. 31Wa ĩ ba ndia ti sɛ lo mɛ: ‘Ale mɔ ye afɔ̃ mɔ nga ma se mɛ mɔ ndoye na tɛrɛ mɔ nvɛni.’ Ta mbanga ndia mɛ ndɛ̃ mɛ aɔ andia olo sɛ da ma.”
32La wa hangɔ ndia ko apa hɛ̃ Yezo ya: “Biani, wa hangɔ lo tɛ Nzapa, mɔ tɛnɛ beta tɛnɛ. Gbia Nzapa bo kɔi, ta Nzapa mɛ ndɛ̃ da ma, bo lo kɔi. 33Ale zo aye Nzapa na bɛ lo kɔi, na kɔdɛ tɛ lo zu, nga na nguru tɛ lo zu. Ale lo ye afɔ̃ lo, nga ma se mɛ lo ndoye na tɛrɛ lo nvɛni. Oko aɔ sa mɛ azi ndoho, azɔ alu na Nzapa, nga na aye zu mɛ ala ndolu na lo.” 34Yezo ĩ hũ ya, wa hangɔ ndia ko agbinya tɛnɛ hɛ̃ ni na ndara ko, lo pa hɛ̃ lo ya: “Mɔ doli na Kɔdɔrɔ Gbia tɛ Nzapa wɛ.” So pɛni ko, ta zo kɔi ti tara hũndangɔ Yezo na ndo ma.
Mɛsia adu Gbia tɛ Davidi
(Mat. 22.41-46; Luk. 20.41-44)
35Ngoi mɛ Yezo so ndoha azi na lo tɛ Nzapa ka ya kota da Nzapa ko, lo hũnda la ya: “Kɔdɛ mɛ awa hangɔ ndia ndopa ya, Mɛsia lo tara Davidi sia? 36Ta sanga ma, ngoi mɛ ndo Tɔrɔ Santo azi kɔdɛ na li Davidi ko, Davidi nvɛni apa ndo ya:
‘Gbia Nzapa apa hɛ̃ Gbia tɛ mbi ya;
Du na ndo kɔti ti mbi,
Nga ka gbanda mbi nwɔ awa kɛ̃ngɔ mɔ,
Mbi kpa la gbe gɛrɛ mɔ.’
37Davidi nvɛni aili ndo Mɛsia ya lo Gbia. Ko kɔdɛ mɛ Mɛsia alengbi nga ti dungɔ tara Davidi sia?”
Yezo atisa azi ya ta ala mu se li ye tɛ awa hangɔ ndia ma
(Mat. 23.1-36; Luk. 20.45-47)
Azi butu butu ndoma ndo Yezo na dengɔ bɛ. 38Yezo apa hɛ̃ azi mɛ lo ndoha la na lo ya: “Ĩ bata li ĩ nzɔ̃ni na lo tɛ awa hangɔ ndia. Bɛ la ndode na fɔnɔngɔ na yɔngɔrɔ bɔngɔ na tɛrɛ la, so fangɔ ya, ani akota azi. Ala ndoye nga ya, azi abala ani nzɔ̃ni ka lɛ kɔdɔrɔ. 39Ngoi mɛ ala li ya da sambela ko, ala ndosara tɛ la bo akiti mɛ na gbɛlɛ azi zu, wa ala dunga da. Na ngoi ti kota yenga ko, ala ndosara akiti mɛ nzɔ̃ni buai, wa ala dunga nga da. 40Ala ndohanda awe muã, alɔ atanga ye tɛ la zu na ti la. Ala ndosambela yɔngɔrɔ sambela so fangɔ ya, ani anzɔ̃ azi. Nzapa ahɛ̃ la gbanda etumbu aɔ tɛ azi mɛ ndɛ̃ zu!”
We muã mɛ wa yɛlɛ alu Nzapa na faranga
(Luk. 21.1-4)
41Ngoi mɛ Yezo na ava lo ka ya kota da Nzapa ko, Yezo adu na tɔ̃ asandugu mɛ andosa faranga da, lo so ndoba se mɛ azi ndosa na faranga ka ya ni hɛ̃ Nzapa. Awa nwa ma ya ma asa ndo faranga sĩ. 42We muã kɔi mɛ wa yɛlɛ aga asa tɛ lo bo le faranga osɛ mɛ alengbi na mɛnya gɛgɛrɛ. 43Yezo ĩ hũ so ko, lo ili ava lo, lo pa hɛ̃ la ya: “Mbi pa hɛ̃ ĩ ti beta tɛnɛ ya, we muã mɛ wa yɛlɛ asa faranga ya sandugu hɛ̃ Nzapa, aɔ tɛ azi mɛ ndɛ̃ zu. 44Ta sanga ma, faranga mɛ azi mɛ ndɛ̃ asa so lungɔ na Nzapa ko, adu omɛ ta ala na gwɛ̃ ni ma. Kanda tɛ we muã mɛ wa yɛlɛ ko, lo hɛ̃ kɔtɛ faranga tɛ lo zu mɛ lo na ni ti tɛngɔ na ye.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.