Marko 8
8
Yezo ahɛ̃ tɛ hɛ̃ azi koto siɔ ala tɛ
(Mat. 15.32-39)
1Na ngoi ko ndo ko, azi butu butu abombi tɛrɛ la fani mɛ ndɛ̃. Ta ala ndo na ye kɔi ti tɛngɔ ma. Yezo ĩ hũ so ko, lo ili ava lo, lo pa hɛ̃ la ya: 2“Vundu tɛ azi olo agbɔ̃ mbi sĩ, ta sanga ma, e na la e li ndo mɛ bi ta, ko ta ala na ye ti tɛngɔ kɔi ma. 3Se mbi pa ya, ala diri ka tɛ la na gwɛ̃ ya la ko, nzɛ̃ngɔ na ɔngɔ ndo la ka ta lege. Ta sanga ma, na popo tɛ la ko, ambanga azi gba alo ka yɔngɔrɔ ndo.” 4Ava lo agbinya hɛ̃ lo ya: “E ge bɛ ndo, wa ndo mɛ e lua na tɛ ti tɛngɔ, ko e hɛ̃ azi olo zu atɛ wa?” 5La Yezo ahũnda la ya: “Ĩ na mapa so ti ĩ ke?” Ala gbinya hɛ̃ lo ya: “E na mapa mbara mbara.”
6La Yezo ahɛ̃ nyɔ ya, azi ko butu butu adunga tise. Ala ĩ dunga tise wɛ ko, lo lɔ mapa ko mbara mbara, lo hɛ̃ sia kɔli hɛ̃ Nzapa, lo kara ya ni, lo hɛ̃ ava lo ya, ala mu akangbi na azi ko butu butu. La ava lo amu amapa ni akangbi na azi. 7Ava Yezo nga ndo na ambanga anzina susu. Ala lɔ ni, aga na ni hɛ̃ Yezo. Lo hɛ̃ sia kɔli hɛ̃ Nzapa na lo ti asusu ni. Ko lo pa hɛ̃ ava lo ya: “Ĩ kangbi nga asusu olo na azi.” La ala kangbi ni na se nyɔ lo. 8Ala zu atɛ ye, ya la asĩsĩ. Ngoi mɛ ala ĩ tɛ ye wɛ ko, ava Yezo alɔ tanga ni mɛ angbã, asĩsĩ gogo mbara mbara. 9Azi mɛ ndo atɛ ye ko, ala ndo koto siɔ. 10So pɛni, Yezo apa hɛ̃ azi ni ko ya, ala diri ka tɛ la. Ngoi mɛ ala ĩ diri wɛ ko, Yezo na ava lo ako ya ngɔ, afa ngu, agwe ka sese mɛ ili ni la Dalmanuta.
Afarizeo ahũnda Yezo ya lo li ye ti kpɛnɛ
(Mat. 16.1-4)
11Afarizeo aga atã Yezo, ala na lo ato nda bimbingɔ tɛnɛ. Ala ye ndo tarangɔ bɛ lo. La ala hũnda lo ya: “Li ye ti kpɛnɛ kɔi mɛ afa ya, nguru tɛ mɔ alo ka tɛ Nzapa!” 12Yezo ĩ ma so ko, awɔ foo! Ko lo hũnda la ya: “Nda mɛ azi ti ngoi olo ndohũnda mbi ya, mbi li ye ti kpɛnɛ nɛ? Mbi pa hɛ̃ ĩ ti beta tɛnɛ ya, ta mbi na lingɔ ye ti kpɛnɛ kɔi fangɔ na la ma!” 13So pɛni, lo zia la, lo na ava lo ako ya ngɔ, afa ngu.
Tɛnɛ tɛ Afarizeo na tɛnɛ tɛ Erodɛ adu nga ma vɔrɔ mɛ ndosusu na mapa
(Mat. 16.5-12)
14Bɛ ava Yezo ali ndo na mungɔ mapa. Ala ndo bo na lengere mapa kɔi so ya ngɔ tɛ la. 15Yezo ahɛ̃ nyɔ hɛ̃ la ya: “Ĩ du na kpengba lɛ, ko ĩ bata li ĩ nzɔ̃ni na lo ti yɔrɔ tɛ Afarizeo nga na tɛ Erodɛ mɛ ndosusu na mapa.” 16Ala ĩ ma so ko, ala tɛnɛ lo ni na popo tɛ la ya: “Lo tɛnɛ nga so, na lo mɛ ya, ta e na mapa ti tɛngɔ ma.” 17Ko Yezo ahĩnga tɛnɛ mɛ ala tɛnɛ, la lo hũnda la ya: “Nda mɛ ĩ ndotɛnɛ ya, mbi pa nga so, na lo mɛ ya, ta ĩ na mapa ti tɛngɔ ma nɛ? Ta ĩ dɛ ĩ ma nda tɛnɛ ni ko ma? Ta ĩ hĩnga nda ni ma? Kɔdɛ tɛ ĩ akpɛ? 18Lɛ ĩ da ti hũngɔ na ndo! Ko ta ĩ ndohũ ndo ma ya nɛ? Ma ĩ da ti mangɔ na ndo! Ko ta ĩ ndoma nga ndo ma ya nɛ? 19Bɛ ĩ ali na mapa kɔ̃ mɛ ndo mbi kara ya ni mbi hɛ̃ ĩ, ĩ kangbi na azi koto kɔ̃? Ĩ lɔ ndo tanga ni, asĩsĩ gogo kɛ̃?” Ala gbinya hɛ̃ lo ya: “Asĩsĩ ndo gogo sui kɔi ndoni se.” 20La Yezo ahũnda la ya: “Ngoi mɛ mbi kara ya mapa mbara mbara mbi hɛ̃ ĩ, ĩ kangbi na azi koto siɔ, ko ĩ lɔ ndo tanga mapa ni asĩsĩ gogo kɛ̃?” Ala gbinya hɛ̃ lo ya: “Asĩsĩ ndo gogo mbara mbara.” 21La Yezo apa hɛ̃ la ya: “Ta ĩ dɛ ĩ ma nda ni ma?”
Yezo asara wa ziba ka Bɛtrsaida
22Yezo na ava lo asi ka kɔdɔrɔ mɛ ili ni la Bɛtɛsaida. Ngoi mɛ ala ĩ si kai ko, azi aga na wa ziba kɔi hɛ̃ lo. Ko ala hũnda Yezo ya, lo bɔrɔ le lo, wa lo hũ ndo. 23La Yezo agbɔ̃ ti wa ziba, ala dɔ lɛ kɔdɔrɔ azia, aɔ ka katɛ. Yezo aku solo, ahĩni na lɛ wa ziba ko, akpa ti lo na ndo lɛ lo. Ngoi mɛ Yezo ĩ zi ti lo ko, ahũnda wa ziba ko ya: “Mɔ lengbi ti hũngɔ ye nga?” 24Wa ziba aya lɛ lo, apa ya: “Mbi hũ azi nga ma akɛkɛ la ndodɔ nɔ.” 25Ko Yezo akpa ti lo fani mɛ ndɛ̃ na ndo lɛ kɔli ko. Lo ĩ zi ti lo ko, kɔli ko ahũ ndo mbiri mbiri na gbɛlɛ lo. Lɛ lo azi ngbɛ̃, lo hũ ye zu na seni. 26La Yezo apa hɛ̃ lo ya: “Ta mɔ diri ka kɔdɔrɔ ma. Wa gwe ka tɛ mɔ.”
Petro apa ya Yezo lo Mɛsia
(Mat. 16.13-20; Luk. 9.18-21)
27So pɛni, Yezo na ava lo agwe ka ndo akɔdɔrɔ mɛ ndũ na kɔdɔrɔ mɛ ili ni la Sezarea Filipo. Ngoi mɛ ala so lege so ndogwe ko, lo hũnda la ya: “Azi ndopa ya mbi na?” 28Ala gbinya hɛ̃ lo ya: “Ambanga ndopa ya, mɔ Yoanɛ wa hɛ̃ngɔ batisimɔ, ambanga ya, mɔ Elia. Ambanga mɛ ndɛ̃ ya, mɔ mbanga wa pangɔ nyɔ Nzapa.” 29Ko Yezo ahũnda la ya: “Wa ĩ, ĩ ndonɛ tɛ ĩ ya, mbi na?” Petro agbinya hɛ̃ lo ya: “Mɔ Mɛsia mɛ Nzapa ato mɔ.” 30La Yezo ahɛ̃ la nyɔ ya, ta ala pa hɛ̃ azi ya, ni Mɛsia ma.
Yezo apa lo ti kwa tɛ lo nga na lo ti songɔ tɛ lo
(Mat. 16.21-28; Luk. 9.22-27)
31So pɛni, Yezo ato nda hangɔ ava lo na ye ya: “Ale mbi Nyi Zo mbi hũ pɛnɔ ma ya ma. Akangba ti kɔdɔrɔ, na agbia tɛ awa lungɔ Nzapa na ye, nga na awa hangɔ ndia na kɛ̃ngɔ mbi. Na hongɔ mbi, ko na pɛ bi ta ko, mbi so.” 32Ta lo hɔndɛ la na tɛnɛ ni ma. Ko Petro amu lo, agwe na lo katɛ, ato nda belangɔ lo na lo tɛnɛ mɛ lo tɛnɛ. 33La Yezo asana tɛrɛ lo, aba ava lo, atiri ló hɛ̃ Petro ya: “Mɔ nga ma Satana, ɔ lɛ mbi kai! Ta sanga ma, dangɔ be tɛ mɔ nga ma tɛ azi, ta dangɔ be tɛ mɔ nga ma tɛ Nzapa ma.”
34So pɛni, Yezo aili azi butu butu, aili nga ava lo, apa hẽ la ya: “Se zo aye ya, e na ni, e ɔ ndoni kɔi ko, ale lo zia dangɔ bɛ lo na tɛrɛ lo nvɛni. Ale lo yɔ krusi tɛ lo, so fangɔ ya, ni ye hũngɔ pɛnɔ, wadila lo ga, ko mbi na lo e ɔ ndoni kɔi. 35Ta sanga ma, zo ko aye batangɔ du tɛ lo ko, tɔrɔ tɛrɛ lo na kpingɔ. Wa zo ko la aka tɛrɛ lo na lo tɛ mbi, nga na lo ti hangɔ Nzɔ̃ Pa tɛ Nzapa ko, tɔrɔ tɛrɛ lo na songɔ. 36Se zo alua aye ti tise zu, wa se tɔrɔ tɛrɛ lo akpi ko, aye ni ko zu ati gɛgɛrɛ. 37Ta mbanga ye so le sese mɛ se zo ahɛ̃ ko, atɔ̃ na tɔrɔ tɛrɛ lo da ma. 38Azi ti ngoi olo adu asiɔ azi, ala nga awa wezangɔ lo Nzapa. Ko se kamɛnɛ agbɔ̃ zo na lo tɛ mbi, nga na lo ti tɛnɛ tɛ mbi na gbɛlɛ azi ni ko, kamɛnɛ nga na gbɔ̃ngɔ mbi Nyi Zo na lo tɛ zo ni ko, na ngoi mɛ gbanda mbi e na aangelo mɛ santo, e ga na ya ndima tɛ To mbi.”
Tällä hetkellä valittuna:
Marko 8: NGB87
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.
Marko 8
8
Yezo ahɛ̃ tɛ hɛ̃ azi koto siɔ ala tɛ
(Mat. 15.32-39)
1Na ngoi ko ndo ko, azi butu butu abombi tɛrɛ la fani mɛ ndɛ̃. Ta ala ndo na ye kɔi ti tɛngɔ ma. Yezo ĩ hũ so ko, lo ili ava lo, lo pa hɛ̃ la ya: 2“Vundu tɛ azi olo agbɔ̃ mbi sĩ, ta sanga ma, e na la e li ndo mɛ bi ta, ko ta ala na ye ti tɛngɔ kɔi ma. 3Se mbi pa ya, ala diri ka tɛ la na gwɛ̃ ya la ko, nzɛ̃ngɔ na ɔngɔ ndo la ka ta lege. Ta sanga ma, na popo tɛ la ko, ambanga azi gba alo ka yɔngɔrɔ ndo.” 4Ava lo agbinya hɛ̃ lo ya: “E ge bɛ ndo, wa ndo mɛ e lua na tɛ ti tɛngɔ, ko e hɛ̃ azi olo zu atɛ wa?” 5La Yezo ahũnda la ya: “Ĩ na mapa so ti ĩ ke?” Ala gbinya hɛ̃ lo ya: “E na mapa mbara mbara.”
6La Yezo ahɛ̃ nyɔ ya, azi ko butu butu adunga tise. Ala ĩ dunga tise wɛ ko, lo lɔ mapa ko mbara mbara, lo hɛ̃ sia kɔli hɛ̃ Nzapa, lo kara ya ni, lo hɛ̃ ava lo ya, ala mu akangbi na azi ko butu butu. La ava lo amu amapa ni akangbi na azi. 7Ava Yezo nga ndo na ambanga anzina susu. Ala lɔ ni, aga na ni hɛ̃ Yezo. Lo hɛ̃ sia kɔli hɛ̃ Nzapa na lo ti asusu ni. Ko lo pa hɛ̃ ava lo ya: “Ĩ kangbi nga asusu olo na azi.” La ala kangbi ni na se nyɔ lo. 8Ala zu atɛ ye, ya la asĩsĩ. Ngoi mɛ ala ĩ tɛ ye wɛ ko, ava Yezo alɔ tanga ni mɛ angbã, asĩsĩ gogo mbara mbara. 9Azi mɛ ndo atɛ ye ko, ala ndo koto siɔ. 10So pɛni, Yezo apa hɛ̃ azi ni ko ya, ala diri ka tɛ la. Ngoi mɛ ala ĩ diri wɛ ko, Yezo na ava lo ako ya ngɔ, afa ngu, agwe ka sese mɛ ili ni la Dalmanuta.
Afarizeo ahũnda Yezo ya lo li ye ti kpɛnɛ
(Mat. 16.1-4)
11Afarizeo aga atã Yezo, ala na lo ato nda bimbingɔ tɛnɛ. Ala ye ndo tarangɔ bɛ lo. La ala hũnda lo ya: “Li ye ti kpɛnɛ kɔi mɛ afa ya, nguru tɛ mɔ alo ka tɛ Nzapa!” 12Yezo ĩ ma so ko, awɔ foo! Ko lo hũnda la ya: “Nda mɛ azi ti ngoi olo ndohũnda mbi ya, mbi li ye ti kpɛnɛ nɛ? Mbi pa hɛ̃ ĩ ti beta tɛnɛ ya, ta mbi na lingɔ ye ti kpɛnɛ kɔi fangɔ na la ma!” 13So pɛni, lo zia la, lo na ava lo ako ya ngɔ, afa ngu.
Tɛnɛ tɛ Afarizeo na tɛnɛ tɛ Erodɛ adu nga ma vɔrɔ mɛ ndosusu na mapa
(Mat. 16.5-12)
14Bɛ ava Yezo ali ndo na mungɔ mapa. Ala ndo bo na lengere mapa kɔi so ya ngɔ tɛ la. 15Yezo ahɛ̃ nyɔ hɛ̃ la ya: “Ĩ du na kpengba lɛ, ko ĩ bata li ĩ nzɔ̃ni na lo ti yɔrɔ tɛ Afarizeo nga na tɛ Erodɛ mɛ ndosusu na mapa.” 16Ala ĩ ma so ko, ala tɛnɛ lo ni na popo tɛ la ya: “Lo tɛnɛ nga so, na lo mɛ ya, ta e na mapa ti tɛngɔ ma.” 17Ko Yezo ahĩnga tɛnɛ mɛ ala tɛnɛ, la lo hũnda la ya: “Nda mɛ ĩ ndotɛnɛ ya, mbi pa nga so, na lo mɛ ya, ta ĩ na mapa ti tɛngɔ ma nɛ? Ta ĩ dɛ ĩ ma nda tɛnɛ ni ko ma? Ta ĩ hĩnga nda ni ma? Kɔdɛ tɛ ĩ akpɛ? 18Lɛ ĩ da ti hũngɔ na ndo! Ko ta ĩ ndohũ ndo ma ya nɛ? Ma ĩ da ti mangɔ na ndo! Ko ta ĩ ndoma nga ndo ma ya nɛ? 19Bɛ ĩ ali na mapa kɔ̃ mɛ ndo mbi kara ya ni mbi hɛ̃ ĩ, ĩ kangbi na azi koto kɔ̃? Ĩ lɔ ndo tanga ni, asĩsĩ gogo kɛ̃?” Ala gbinya hɛ̃ lo ya: “Asĩsĩ ndo gogo sui kɔi ndoni se.” 20La Yezo ahũnda la ya: “Ngoi mɛ mbi kara ya mapa mbara mbara mbi hɛ̃ ĩ, ĩ kangbi na azi koto siɔ, ko ĩ lɔ ndo tanga mapa ni asĩsĩ gogo kɛ̃?” Ala gbinya hɛ̃ lo ya: “Asĩsĩ ndo gogo mbara mbara.” 21La Yezo apa hɛ̃ la ya: “Ta ĩ dɛ ĩ ma nda ni ma?”
Yezo asara wa ziba ka Bɛtrsaida
22Yezo na ava lo asi ka kɔdɔrɔ mɛ ili ni la Bɛtɛsaida. Ngoi mɛ ala ĩ si kai ko, azi aga na wa ziba kɔi hɛ̃ lo. Ko ala hũnda Yezo ya, lo bɔrɔ le lo, wa lo hũ ndo. 23La Yezo agbɔ̃ ti wa ziba, ala dɔ lɛ kɔdɔrɔ azia, aɔ ka katɛ. Yezo aku solo, ahĩni na lɛ wa ziba ko, akpa ti lo na ndo lɛ lo. Ngoi mɛ Yezo ĩ zi ti lo ko, ahũnda wa ziba ko ya: “Mɔ lengbi ti hũngɔ ye nga?” 24Wa ziba aya lɛ lo, apa ya: “Mbi hũ azi nga ma akɛkɛ la ndodɔ nɔ.” 25Ko Yezo akpa ti lo fani mɛ ndɛ̃ na ndo lɛ kɔli ko. Lo ĩ zi ti lo ko, kɔli ko ahũ ndo mbiri mbiri na gbɛlɛ lo. Lɛ lo azi ngbɛ̃, lo hũ ye zu na seni. 26La Yezo apa hɛ̃ lo ya: “Ta mɔ diri ka kɔdɔrɔ ma. Wa gwe ka tɛ mɔ.”
Petro apa ya Yezo lo Mɛsia
(Mat. 16.13-20; Luk. 9.18-21)
27So pɛni, Yezo na ava lo agwe ka ndo akɔdɔrɔ mɛ ndũ na kɔdɔrɔ mɛ ili ni la Sezarea Filipo. Ngoi mɛ ala so lege so ndogwe ko, lo hũnda la ya: “Azi ndopa ya mbi na?” 28Ala gbinya hɛ̃ lo ya: “Ambanga ndopa ya, mɔ Yoanɛ wa hɛ̃ngɔ batisimɔ, ambanga ya, mɔ Elia. Ambanga mɛ ndɛ̃ ya, mɔ mbanga wa pangɔ nyɔ Nzapa.” 29Ko Yezo ahũnda la ya: “Wa ĩ, ĩ ndonɛ tɛ ĩ ya, mbi na?” Petro agbinya hɛ̃ lo ya: “Mɔ Mɛsia mɛ Nzapa ato mɔ.” 30La Yezo ahɛ̃ la nyɔ ya, ta ala pa hɛ̃ azi ya, ni Mɛsia ma.
Yezo apa lo ti kwa tɛ lo nga na lo ti songɔ tɛ lo
(Mat. 16.21-28; Luk. 9.22-27)
31So pɛni, Yezo ato nda hangɔ ava lo na ye ya: “Ale mbi Nyi Zo mbi hũ pɛnɔ ma ya ma. Akangba ti kɔdɔrɔ, na agbia tɛ awa lungɔ Nzapa na ye, nga na awa hangɔ ndia na kɛ̃ngɔ mbi. Na hongɔ mbi, ko na pɛ bi ta ko, mbi so.” 32Ta lo hɔndɛ la na tɛnɛ ni ma. Ko Petro amu lo, agwe na lo katɛ, ato nda belangɔ lo na lo tɛnɛ mɛ lo tɛnɛ. 33La Yezo asana tɛrɛ lo, aba ava lo, atiri ló hɛ̃ Petro ya: “Mɔ nga ma Satana, ɔ lɛ mbi kai! Ta sanga ma, dangɔ be tɛ mɔ nga ma tɛ azi, ta dangɔ be tɛ mɔ nga ma tɛ Nzapa ma.”
34So pɛni, Yezo aili azi butu butu, aili nga ava lo, apa hẽ la ya: “Se zo aye ya, e na ni, e ɔ ndoni kɔi ko, ale lo zia dangɔ bɛ lo na tɛrɛ lo nvɛni. Ale lo yɔ krusi tɛ lo, so fangɔ ya, ni ye hũngɔ pɛnɔ, wadila lo ga, ko mbi na lo e ɔ ndoni kɔi. 35Ta sanga ma, zo ko aye batangɔ du tɛ lo ko, tɔrɔ tɛrɛ lo na kpingɔ. Wa zo ko la aka tɛrɛ lo na lo tɛ mbi, nga na lo ti hangɔ Nzɔ̃ Pa tɛ Nzapa ko, tɔrɔ tɛrɛ lo na songɔ. 36Se zo alua aye ti tise zu, wa se tɔrɔ tɛrɛ lo akpi ko, aye ni ko zu ati gɛgɛrɛ. 37Ta mbanga ye so le sese mɛ se zo ahɛ̃ ko, atɔ̃ na tɔrɔ tɛrɛ lo da ma. 38Azi ti ngoi olo adu asiɔ azi, ala nga awa wezangɔ lo Nzapa. Ko se kamɛnɛ agbɔ̃ zo na lo tɛ mbi, nga na lo ti tɛnɛ tɛ mbi na gbɛlɛ azi ni ko, kamɛnɛ nga na gbɔ̃ngɔ mbi Nyi Zo na lo tɛ zo ni ko, na ngoi mɛ gbanda mbi e na aangelo mɛ santo, e ga na ya ndima tɛ To mbi.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Ngbandi New Testament © United Bible Societies, 1987.