Gyenesise 12
12
Nyameɛ frɛ Abram
1 #
Aso 7.3; Heb 11.8 Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso. 2#Gye 15.5; 17.4, 5; 18.18; 22.17; 28.14; 32.12; 35.11; 46.3 Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ. 3#Gye 18.18; 22.17, 18; 26.4; 28.14; Gal 3.8 Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”
4Yiti Abram hɔle, kyɛbɔ AWURADE ha hyirele ye ne, na Lɔto ne ye bɛhɔle. Mmerɛ bɔ Abram tu fili Haran nen, né wali afoɛ aburasoo ne nnu. 5Na Abram fale ɔye Sarae, oliɛma bienzua awa Lɔto, bɛ nwo nningyein bɔ banya amukoraa, ɔne mmenia bɔ benyane bɛ wɔ Haran, na besili nu kyɛ bɛ́kɔ Kanaan aseɛ so. Beedwuli Kanaan aseɛ so. 6Abram pɛle nu wɔ aseɛ ne aso, na oodwuli More eluii bakaa bɔ ɔwɔ Sɛkem ne anwo. Sɔ mmerɛ ne, né Kanaanfoɛ wɔ aseɛ ne aso. 7#Gye 13.15; 15.18; 17.8; 24.7; 26.3; 28.4, 13; 35.12; 48.4; Aso 7.5; Gal 3.16 Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne. 8Afei otu fili berɛ hɔle mmokaa aseɛ bɔ ɔwɔ Betel eyia afiteleɛ ne aso dɔ, na osili ye ɛtena sua wɔ berɛ; bɔ né Betel wɔ ye eyia atɔleɛ, yeɛ Aye koso wɔ ye eyia afiteleɛ. Osili afɔleɛ bokyea berɛ mane AWURADE, na ɔsɔnene AWURADE. 9Abram toale ye ateetulɛ ne aso fale ye nye hyirele ngwaen dɔ aseɛ#12.9: NGWAEN DƆ ASEƐ: Hebri dwudwolɛ nu, bɛfrɛ ye Nɛgɛbo. ne.
Abram wɔ Misraim
10 #
Gye 20.1-18; 26.7-11 Afei ɛhɔen piri bie wale aseɛ ne aso. Na ɔnate kyɛ ɛhɔen ne te piri ne ati, Abram hɔle Misraim ɔɔtenane berɛ yɛle wɔfoɛ. 11Na ɔka kãa maa odwu Misraim nen, osele ɔye Sarae kyɛ, “Mese kyɛ ɛte brasua bɔ wɔ nwo yɛ nyemene ɔ; 12na sɛ Misraimfoɛ nwu wɔ a, bɛkɔhã kyɛ, ‘Ɔye ɔ’; ná bahu me, nakoso wɔ de bɛkɔyakyi wɔ. 13Yiti ka kyɛ nniɛma ole wɔ, amaa ɔnate wɔ ti bale me nyemene so, na ɔnate wɔ ti manya me ti madidi nu.” 14Abram dwuli Misraim nen, Misraimfoɛ nemɔ nwuni kyɛ braa ne nwo yɛ nyemene paa. 15Faro mbanyi nemɔ nwuni ye, na bɛkamvole ye behyirele Faro. Na bɛfale braa ne bɛhɔle Faro awuro. 16Na ɔnate ye ti Faro lele Abram nyemene so; na Abram nyane mmoaen, nandwie, afunum nyii mɔ, ngoaa ne afaneɛ mɔ, afunum beleɛ mɔ ne afupɔngɔ mɔ.
17Na ɔnate Abram aye Sarae ti, AWURADE fale amaneɛ pirikua tole Faro ne ye awuro ama so. 18Yiti Faro frɛle Abram bisale ye kyɛ, “Nzikyɛ dwirɛ paa yeɛ afa ali me e? Nzu ati yeɛ anga angyire me kyɛ ɛye ahɔ ɔ? 19Nzu ati yeɛ ɛhane kyɛ ‘Nniɛma ɔ,’ bɔ ahaa ɛmaa mefa ye meyɛ me ye ɔ? Nea, ɛye ne ɛhe. Fa ye na ɛne ye befi wa bɛhɔ!” 20Na Faro hyɛle mmenia kyɛ bɛma Abram ɔhɔ, na bɛhane Abram ne ɔye, ɔne bɔ banya ye amukoraa beguale atee so maa bɛhɔle.
Tällä hetkellä valittuna:
Gyenesise 12: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.
Gyenesise 12
12
Nyameɛ frɛ Abram
1 #
Aso 7.3; Heb 11.8 Na AWURADE sele Abram kyɛ, “Tu fi wɔ maen nu, w’abusuafoɛ nu, ɔne ɛse awuro, ná kɔ aseɛ bɔ mebaahyire wɔ ne aso. 2#Gye 15.5; 17.4, 5; 18.18; 22.17; 28.14; 32.12; 35.11; 46.3 Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ. 3#Gye 18.18; 22.17, 18; 26.4; 28.14; Gal 3.8 Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”
4Yiti Abram hɔle, kyɛbɔ AWURADE ha hyirele ye ne, na Lɔto ne ye bɛhɔle. Mmerɛ bɔ Abram tu fili Haran nen, né wali afoɛ aburasoo ne nnu. 5Na Abram fale ɔye Sarae, oliɛma bienzua awa Lɔto, bɛ nwo nningyein bɔ banya amukoraa, ɔne mmenia bɔ benyane bɛ wɔ Haran, na besili nu kyɛ bɛ́kɔ Kanaan aseɛ so. Beedwuli Kanaan aseɛ so. 6Abram pɛle nu wɔ aseɛ ne aso, na oodwuli More eluii bakaa bɔ ɔwɔ Sɛkem ne anwo. Sɔ mmerɛ ne, né Kanaanfoɛ wɔ aseɛ ne aso. 7#Gye 13.15; 15.18; 17.8; 24.7; 26.3; 28.4, 13; 35.12; 48.4; Aso 7.5; Gal 3.16 Na AWURADE yele ye nwo ali hyirele Abram, na osele kyɛ, “Wɔ bosofoɛ yeɛ ngɔfa sɔ aseɛ he ngɔma bɛ ɔ.” Yiti Abram sili afɔleɛ bokyea berɛ mane AWURADE bɔ ɔyele ye nwo ali hyirele ye ne. 8Afei otu fili berɛ hɔle mmokaa aseɛ bɔ ɔwɔ Betel eyia afiteleɛ ne aso dɔ, na osili ye ɛtena sua wɔ berɛ; bɔ né Betel wɔ ye eyia atɔleɛ, yeɛ Aye koso wɔ ye eyia afiteleɛ. Osili afɔleɛ bokyea berɛ mane AWURADE, na ɔsɔnene AWURADE. 9Abram toale ye ateetulɛ ne aso fale ye nye hyirele ngwaen dɔ aseɛ#12.9: NGWAEN DƆ ASEƐ: Hebri dwudwolɛ nu, bɛfrɛ ye Nɛgɛbo. ne.
Abram wɔ Misraim
10 #
Gye 20.1-18; 26.7-11 Afei ɛhɔen piri bie wale aseɛ ne aso. Na ɔnate kyɛ ɛhɔen ne te piri ne ati, Abram hɔle Misraim ɔɔtenane berɛ yɛle wɔfoɛ. 11Na ɔka kãa maa odwu Misraim nen, osele ɔye Sarae kyɛ, “Mese kyɛ ɛte brasua bɔ wɔ nwo yɛ nyemene ɔ; 12na sɛ Misraimfoɛ nwu wɔ a, bɛkɔhã kyɛ, ‘Ɔye ɔ’; ná bahu me, nakoso wɔ de bɛkɔyakyi wɔ. 13Yiti ka kyɛ nniɛma ole wɔ, amaa ɔnate wɔ ti bale me nyemene so, na ɔnate wɔ ti manya me ti madidi nu.” 14Abram dwuli Misraim nen, Misraimfoɛ nemɔ nwuni kyɛ braa ne nwo yɛ nyemene paa. 15Faro mbanyi nemɔ nwuni ye, na bɛkamvole ye behyirele Faro. Na bɛfale braa ne bɛhɔle Faro awuro. 16Na ɔnate ye ti Faro lele Abram nyemene so; na Abram nyane mmoaen, nandwie, afunum nyii mɔ, ngoaa ne afaneɛ mɔ, afunum beleɛ mɔ ne afupɔngɔ mɔ.
17Na ɔnate Abram aye Sarae ti, AWURADE fale amaneɛ pirikua tole Faro ne ye awuro ama so. 18Yiti Faro frɛle Abram bisale ye kyɛ, “Nzikyɛ dwirɛ paa yeɛ afa ali me e? Nzu ati yeɛ anga angyire me kyɛ ɛye ahɔ ɔ? 19Nzu ati yeɛ ɛhane kyɛ ‘Nniɛma ɔ,’ bɔ ahaa ɛmaa mefa ye meyɛ me ye ɔ? Nea, ɛye ne ɛhe. Fa ye na ɛne ye befi wa bɛhɔ!” 20Na Faro hyɛle mmenia kyɛ bɛma Abram ɔhɔ, na bɛhane Abram ne ɔye, ɔne bɔ banya ye amukoraa beguale atee so maa bɛhɔle.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.