Gyenesise 23
23
Sara wue ne ye sielɛ
1Sara afoɛ bɔ olili amukoraa te ɛyaa ko ne aburanyɔ ne nzoo. 2Sara wuli wɔ Kiriate Aba, (bɔ osa li Hebron), bɔ ɔwɔ Kanaan aseɛ so. Na Abraham oosuni Sara lili ye nwo yealɛ. 3Abraham dwɔsole yakyili ɔye fuin ne berɛ, na osele Hitifoɛ nemɔ kyɛ, 4#Heb 11.9, 13 “Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.” 5Na Hitifoɛ ne buale Abraham kyɛ, 6“Yɛ mene, tie bɔ yɛkã ye. Ɛte sona titire wɔ yɛ nu wa. Sie wɔ fuin ne wɔ yɛ asieleɛ biala bɔ ekuro ɔ so. Yɛ nu biala ngɔfa ye asieleɛ ngɔbɔ wɔ atianuserɛ, anaa ongosi wɔ ate wɔ wɔ fuin ne sielɛ nu.” 7Abraham dwɔsole, na ɔbɔle ye ti ase mane Hitifoɛ nemɔ, bɔ bɛte aseɛ ne asofoɛ ne. 8Na osele bɛ kyɛ, “Sɛ ɛmɔkuro kyɛ mesie me fuin ne maa ofi berɛ a, nzaade mesrɛ ɛmɔ, ɛ́mɔsrɛ Soha awa Efron 9bɛma ɔfa nyɔboɛ bɔ wasi sua wɔ Makepɛla ne ɔma me. Ye deɛ ɔ, na ɔwɔ ye aseɛ ne noa. Kyɛbɔ ɔkɔfa kole ne, ɛ́mɔma ole ye ɛmɔ nyunu wa, na mva nyɛ asieleɛ wɔ ɛmɔ wa.” 10Né Hitiniɛ Efron boka Hitifoɛ nemɔ so wɔ berɛ bie, na Efron buale Abraham mane Hitifoɛ amukoraa bɔ bawa kuro ne anoa nu berɛ ne tele kyɛ, 11“Me mene, daabi, tie me kãa. Mefa aseɛ ne mema wɔ, na nyɔboɛ bɔ wasi sua wɔ nu ne koso mefa mema wɔ. Mefa mema wɔ wɔ me mmenia ye anyunu wa. Fa sie wɔ fuin ne.” 12Na Abraham bɔle ye ti ase wɔ aseɛ ne asofoɛ nyunu, 13na osele Efron mane Hitifoɛ ne tele kyɛ, “Wɔ koso tie bɔ meka ye. Ngotua aseɛ ne kerɛ, maa ndua wɔ kerɛ, na mahora masie me fuin ne berɛ.” 14Na Efron buale Abraham kyɛ, 15“Me mene, tie, aseɛ ye nyɔboɛ te ɛdwetɛ sekel#23.15: SEKEL: Sekel ko nu nonɛ te kilo ko nu ngyɛmuɛ ɛyaa. ɛyaa nna, ɔte nzu koraa wɔ yɛ munyɔ y’afia? Sie wɔ fuin ne wɔ so.” 16#Aso 7.16 Abraham ne Efron yɛle adwene, na ɛdwetɛ bɔ Efron bɔle ye dumaa mane Hitifoɛ tele ne, Abraham karili fa mane Efron: ɛdwetɛ kilo nna ne bue, kyɛbɔ né dwadifoɛ bɛ sikaa bɔ bedi ne ɔte ɔ.
17Yiti Efron aseɛ bɔ ɔla Makepɛla, bɔ ɔwɔ Mamre ndendeneɛ so ne, aseɛ ne nyɔboɛ bɔ wasi sua wɔ nu ne, ɔne so mmakaa mukoraa, bɔ ɔkwaadwu ye ɛwɛen so ne, 18ɔɔyɛle Abraham deɛ wɔ Hitifoɛ nyunu, wɔ bɛ bɔ né bayia kuro ne tiwaa berɛ ne amukoraa nyunu. 19Na ɛhe asi ne, Abraham siele ɔye Sara wɔ nyɔboɛ bɔ wasi sua nu, wɔ Makepɛla, wɔ Mamre ndendeneɛ so (mekyire Hebron), wɔ Kanaan aseɛ so. 20#Gye 25.9-10; 47.30; 49.29-30; 50.13 Yiti Hitifoɛ nemɔ fale aseɛ ne, ɔne nyɔboɛ bɔ wasi sua wɔ nu ne bɛmane Abraham kyɛ ɔfa yɛ asieleɛ.
Tällä hetkellä valittuna:
Gyenesise 23: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.
Gyenesise 23
23
Sara wue ne ye sielɛ
1Sara afoɛ bɔ olili amukoraa te ɛyaa ko ne aburanyɔ ne nzoo. 2Sara wuli wɔ Kiriate Aba, (bɔ osa li Hebron), bɔ ɔwɔ Kanaan aseɛ so. Na Abraham oosuni Sara lili ye nwo yealɛ. 3Abraham dwɔsole yakyili ɔye fuin ne berɛ, na osele Hitifoɛ nemɔ kyɛ, 4#Heb 11.9, 13 “Nde ɛwɔfoɛ ne amanvraniɛ wɔ ɛmɔ nu wa. Ɛ́mɔma me ɛmɔ aseɛ ne bie ma mva nyɛ asieleɛ, na nzie me fuin ne ma ofi berɛ.” 5Na Hitifoɛ ne buale Abraham kyɛ, 6“Yɛ mene, tie bɔ yɛkã ye. Ɛte sona titire wɔ yɛ nu wa. Sie wɔ fuin ne wɔ yɛ asieleɛ biala bɔ ekuro ɔ so. Yɛ nu biala ngɔfa ye asieleɛ ngɔbɔ wɔ atianuserɛ, anaa ongosi wɔ ate wɔ wɔ fuin ne sielɛ nu.” 7Abraham dwɔsole, na ɔbɔle ye ti ase mane Hitifoɛ nemɔ, bɔ bɛte aseɛ ne asofoɛ ne. 8Na osele bɛ kyɛ, “Sɛ ɛmɔkuro kyɛ mesie me fuin ne maa ofi berɛ a, nzaade mesrɛ ɛmɔ, ɛ́mɔsrɛ Soha awa Efron 9bɛma ɔfa nyɔboɛ bɔ wasi sua wɔ Makepɛla ne ɔma me. Ye deɛ ɔ, na ɔwɔ ye aseɛ ne noa. Kyɛbɔ ɔkɔfa kole ne, ɛ́mɔma ole ye ɛmɔ nyunu wa, na mva nyɛ asieleɛ wɔ ɛmɔ wa.” 10Né Hitiniɛ Efron boka Hitifoɛ nemɔ so wɔ berɛ bie, na Efron buale Abraham mane Hitifoɛ amukoraa bɔ bawa kuro ne anoa nu berɛ ne tele kyɛ, 11“Me mene, daabi, tie me kãa. Mefa aseɛ ne mema wɔ, na nyɔboɛ bɔ wasi sua wɔ nu ne koso mefa mema wɔ. Mefa mema wɔ wɔ me mmenia ye anyunu wa. Fa sie wɔ fuin ne.” 12Na Abraham bɔle ye ti ase wɔ aseɛ ne asofoɛ nyunu, 13na osele Efron mane Hitifoɛ ne tele kyɛ, “Wɔ koso tie bɔ meka ye. Ngotua aseɛ ne kerɛ, maa ndua wɔ kerɛ, na mahora masie me fuin ne berɛ.” 14Na Efron buale Abraham kyɛ, 15“Me mene, tie, aseɛ ye nyɔboɛ te ɛdwetɛ sekel#23.15: SEKEL: Sekel ko nu nonɛ te kilo ko nu ngyɛmuɛ ɛyaa. ɛyaa nna, ɔte nzu koraa wɔ yɛ munyɔ y’afia? Sie wɔ fuin ne wɔ so.” 16#Aso 7.16 Abraham ne Efron yɛle adwene, na ɛdwetɛ bɔ Efron bɔle ye dumaa mane Hitifoɛ tele ne, Abraham karili fa mane Efron: ɛdwetɛ kilo nna ne bue, kyɛbɔ né dwadifoɛ bɛ sikaa bɔ bedi ne ɔte ɔ.
17Yiti Efron aseɛ bɔ ɔla Makepɛla, bɔ ɔwɔ Mamre ndendeneɛ so ne, aseɛ ne nyɔboɛ bɔ wasi sua wɔ nu ne, ɔne so mmakaa mukoraa, bɔ ɔkwaadwu ye ɛwɛen so ne, 18ɔɔyɛle Abraham deɛ wɔ Hitifoɛ nyunu, wɔ bɛ bɔ né bayia kuro ne tiwaa berɛ ne amukoraa nyunu. 19Na ɛhe asi ne, Abraham siele ɔye Sara wɔ nyɔboɛ bɔ wasi sua nu, wɔ Makepɛla, wɔ Mamre ndendeneɛ so (mekyire Hebron), wɔ Kanaan aseɛ so. 20#Gye 25.9-10; 47.30; 49.29-30; 50.13 Yiti Hitifoɛ nemɔ fale aseɛ ne, ɔne nyɔboɛ bɔ wasi sua wɔ nu ne bɛmane Abraham kyɛ ɔfa yɛ asieleɛ.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.