Gyenesise 25
25
Abraham bosofoɛ biemɔ
(1 Aberɛso Dwirɛ 1.32-33)
1 #
1 Abe 1.28-34
Abraham gyale braa bieku. Oli Ketura. 2#Ɛks 2.15 Ɔne ye bɛwole Simram, Yokesan, Medan, Midian, Yisbake ne Suwa. 3Yokesan wole Hyeba ne Dedan. Dedan wole Asurifoɛ, Letusifoɛ ne Leomufoɛ. 4Midian wole Efa, Efɛre, Hanoke, Abida ne Eldaa. Ɛhemɔ amukoraa ole Ketura mma.
5Abraham fale nikyee biala bɔ ole ye ɔ mane Yisake. 6Nakoso Abraham sómaa nemɔ bɛ mma de, ɔhyɛle bɛ nningyein, na mmerɛ bɔ né ɔte ase ne, ɔmaa bɛhwene bɛ nwo befili ɔwa Yisake nwo bɛhɔle eyia afiteleɛ aseɛ ne aso dɔ.
Abraham wue ne ye sielɛ
7Abraham afoɛ amukoraa bɔ olili te ɛyaa ko ne aburasoo ne nnu. 8Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ. 9Na ye mma Yisake ne Yismael besiele ye Makepɛla wɔ nyɔboɛ bɔ wasi sua nu, wɔ Hitiniɛ Sofa ɔwa Efron aseɛ so, wɔ Mamre ndendeneɛ so. 10#Gye 23.16-20 Abraham tɔle sɔ aseɛ ne fili Hitifoɛ berɛ. Na berɛ yeɛ besiele Abraham ne ɔye Sara ɔ. 11#Gye 24.62 Abraham wue asi ne, Nyameɛ yirale ɔwa Yisake. Na Yisake tenane pingyele Lahai Roi abura ne.
Yismael boso ama
(1 Aberɛso Dwirɛ 1.28-31)
12 #
Gye 21.13-16; 1 Abe 1.29-31 Abraham awa Yismael, bɔ Misraimniɛ Hagar, Sara afaneɛ bɔ ɔne Abraham bɛwole ne, ye boso ama mɔ ɛhe: 13Yismael mma nemɔ dumaa, kyɛbɔ belili so wɔ aworɛ nu ɛhe: Ye bamuɛbaa ole Nebayote, yeɛ afei Kedare, Adebel ne Mibesam, 14Misma, Duma, Masa, 15Hadade, Tema, Yeture, Nafise ne Kedema. 16Ɛhemɔ ole Yismael mma nemɔ, na bɛ dumaa ɛne: kyɛbɔ sɔ atitirefoɛ buru ne nyɔ nemɔ bɛ dumaa ɔɔlale bɛ nguraa ne asikyeleɛ mɔ so ɛne. 17Yismael afoɛ bɔ olili amukoraa te ɛyaa ko ne aburasa ne nzoo. Owuli, na ɔtoale ye mbanyi mɔ. 18#Gye 16.12 Ye boso ama tenane fili Hawila maa oodwuli Sure, bɔ sɛ ɛ́kɔ Asiria a ɔwɔ Misraim ndendeneɛ so ne. Na ɔne oliɛma nemɔ amukoraa banyakyi ngondii honɛ.#25.18: Tete Ahyerɛlɛ ne bie ka kyɛ: Ye boso ama ne Abraham boso ama ngaa ne bandena asomdwee nu.
Yakob ne Yisɔ aworɛ
19Abraham awa Yisake, ye boso ama mɔ ɛhe: Abraham wole Yisake. 20Yisake lili afoɛ aburanna yeɛ ogyale ɔye Rebɛka ɔ. Rebɛka te Aramniɛ Betuel bɔ ofi Padan Aram n’awa. Osa te Aramniɛ Laban aliɛma brasua. 21Yisake fale ye mbaeɛ tole AWURADE nyunu mane ɔye, ofikyɛ né ɔye ne te mmotaen. AWURADE tiele ye mbaeɛ, na ɔye Rebɛka nwonzɛle. 22Ngwadaa nemɔ lili apereapereɛ wɔ ye kunu, na ɔhane kyɛ, “Sɛ ɔte sɔ de a, nzaade nzikyɛ dwirɛ yeɛ wato me ye?” Yiti ɔhɔle AWURADE sona berɛ oobisale so. 23#Gye 27.27; Mal 1.2; Rom 9.10-12 Na AWURADE sele ye kyɛ,
“Maen nyɔ wɔ wɔ kunu,
na mmenia fekue nyɔ bɔ ɛkɔwo bɛ ne, b’afia ngɔwo fite b’aworɛ nu.
Ko koli obiɛngo so,
na panyi ne kɔso kãa ne.”
24Odwuli ye aworɛ so nen, né bɛte ndaa wɔ ye kunu. 25Bɔ olili moa wale ne te kɔkorɛ, na né enwiaa wɔ ye nwo paa; yiti bɛtole ye dumaa Yisɔ.#25.25: YISƆ: Ye bo kyire: Enwiaa. Besa bɛfrɛ ye Edom, bɔ ye bo kyire: kɔkorɛ. 26#Hos 12.4 Ye si ye, oliɛma ne koso wale, na né watira Yisɔ gya ndii nu; yiti bɛtole ye dumaa Yakob#25.26: YAKOB: Ye bo kyire: Bɔ otira obiɛngo gya ndii nu ɔ. Osa kyire: Nnakannakaniɛ. Bɛwole bɛ ne, né Yisake ali afoɛ aburasia.
Yisɔ yɛ ye bamuɛbaa dibea atɔen
27Ngwadaa nemɔ nyini. Yisɔ yɛle bɔfoɛ paa, na né okuro eburo wurawuralɛ. Nakoso Yakob de, né onguro ye nwo dwudwolɛ, na daa né owurawura ɛtena sua nu. 28#Gye 27.3 Né Yisake kuro Yisɔ dwirɛ, ofikyɛ né Yisɔ ku eburo naen maa odi; nakoso Rebɛka de, né okuro Yakob dwirɛ.
29Ɛlɛho bie, né Yakob ɔyɔ ye abomu yeɛ Yisɔ fili eburo wale ɔ. Né ɛhɔen apɛ ye. 30Na Yisɔ sele Yakob kyɛ, “Mesrɛ wɔ, ɛhɔen apɛ me, yiti ma me abomu bɔ ye nye kɔkorɛ ne bie ma nni.” Ɛhe ati yeɛ ɔmaa bɛfrɛ ye Edom, bɔ ye bo kyire Kɔkorɛ ɔ. 31#Deut 21.17 Na Yakob buale ye kyɛ, “Di moa tɔne wɔ bamuɛbaa dibea ne ma me koraka.” 32Na Yisɔ sele kyɛ, “Mepena mewu, na bamuɛbaa dibea koso meyɛ ye sɛ?” 33Na Yakob sele kyɛ, “Nzaade ta ndaen kyire me koraka.#25.33: Koraka, anaa: ɛnɛ. “Yiti ɔtale ndaen hyirele ye, na ɔyɛle ye bamuɛbaa dibea ne atɔen mane Yakob. 34Afei Yakob mane Yisɔ paanoo ne ngongo abomu ne bie. Odidili, ɔnone, na odwɔsole hɔle. Yiti Yisɔ ammu ye bamuɛbaa dibea ne huu.
Tällä hetkellä valittuna:
Gyenesise 25: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.
Gyenesise 25
25
Abraham bosofoɛ biemɔ
(1 Aberɛso Dwirɛ 1.32-33)
1 #
1 Abe 1.28-34
Abraham gyale braa bieku. Oli Ketura. 2#Ɛks 2.15 Ɔne ye bɛwole Simram, Yokesan, Medan, Midian, Yisbake ne Suwa. 3Yokesan wole Hyeba ne Dedan. Dedan wole Asurifoɛ, Letusifoɛ ne Leomufoɛ. 4Midian wole Efa, Efɛre, Hanoke, Abida ne Eldaa. Ɛhemɔ amukoraa ole Ketura mma.
5Abraham fale nikyee biala bɔ ole ye ɔ mane Yisake. 6Nakoso Abraham sómaa nemɔ bɛ mma de, ɔhyɛle bɛ nningyein, na mmerɛ bɔ né ɔte ase ne, ɔmaa bɛhwene bɛ nwo befili ɔwa Yisake nwo bɛhɔle eyia afiteleɛ aseɛ ne aso dɔ.
Abraham wue ne ye sielɛ
7Abraham afoɛ amukoraa bɔ olili te ɛyaa ko ne aburasoo ne nnu. 8Abraham yɛle aworowaa posoposo, ɔyɛle panyi paa, na owuli ye mbanyi nu asomdwee nu. Na ɔtoale ye mbanyi mɔ. 9Na ye mma Yisake ne Yismael besiele ye Makepɛla wɔ nyɔboɛ bɔ wasi sua nu, wɔ Hitiniɛ Sofa ɔwa Efron aseɛ so, wɔ Mamre ndendeneɛ so. 10#Gye 23.16-20 Abraham tɔle sɔ aseɛ ne fili Hitifoɛ berɛ. Na berɛ yeɛ besiele Abraham ne ɔye Sara ɔ. 11#Gye 24.62 Abraham wue asi ne, Nyameɛ yirale ɔwa Yisake. Na Yisake tenane pingyele Lahai Roi abura ne.
Yismael boso ama
(1 Aberɛso Dwirɛ 1.28-31)
12 #
Gye 21.13-16; 1 Abe 1.29-31 Abraham awa Yismael, bɔ Misraimniɛ Hagar, Sara afaneɛ bɔ ɔne Abraham bɛwole ne, ye boso ama mɔ ɛhe: 13Yismael mma nemɔ dumaa, kyɛbɔ belili so wɔ aworɛ nu ɛhe: Ye bamuɛbaa ole Nebayote, yeɛ afei Kedare, Adebel ne Mibesam, 14Misma, Duma, Masa, 15Hadade, Tema, Yeture, Nafise ne Kedema. 16Ɛhemɔ ole Yismael mma nemɔ, na bɛ dumaa ɛne: kyɛbɔ sɔ atitirefoɛ buru ne nyɔ nemɔ bɛ dumaa ɔɔlale bɛ nguraa ne asikyeleɛ mɔ so ɛne. 17Yismael afoɛ bɔ olili amukoraa te ɛyaa ko ne aburasa ne nzoo. Owuli, na ɔtoale ye mbanyi mɔ. 18#Gye 16.12 Ye boso ama tenane fili Hawila maa oodwuli Sure, bɔ sɛ ɛ́kɔ Asiria a ɔwɔ Misraim ndendeneɛ so ne. Na ɔne oliɛma nemɔ amukoraa banyakyi ngondii honɛ.#25.18: Tete Ahyerɛlɛ ne bie ka kyɛ: Ye boso ama ne Abraham boso ama ngaa ne bandena asomdwee nu.
Yakob ne Yisɔ aworɛ
19Abraham awa Yisake, ye boso ama mɔ ɛhe: Abraham wole Yisake. 20Yisake lili afoɛ aburanna yeɛ ogyale ɔye Rebɛka ɔ. Rebɛka te Aramniɛ Betuel bɔ ofi Padan Aram n’awa. Osa te Aramniɛ Laban aliɛma brasua. 21Yisake fale ye mbaeɛ tole AWURADE nyunu mane ɔye, ofikyɛ né ɔye ne te mmotaen. AWURADE tiele ye mbaeɛ, na ɔye Rebɛka nwonzɛle. 22Ngwadaa nemɔ lili apereapereɛ wɔ ye kunu, na ɔhane kyɛ, “Sɛ ɔte sɔ de a, nzaade nzikyɛ dwirɛ yeɛ wato me ye?” Yiti ɔhɔle AWURADE sona berɛ oobisale so. 23#Gye 27.27; Mal 1.2; Rom 9.10-12 Na AWURADE sele ye kyɛ,
“Maen nyɔ wɔ wɔ kunu,
na mmenia fekue nyɔ bɔ ɛkɔwo bɛ ne, b’afia ngɔwo fite b’aworɛ nu.
Ko koli obiɛngo so,
na panyi ne kɔso kãa ne.”
24Odwuli ye aworɛ so nen, né bɛte ndaa wɔ ye kunu. 25Bɔ olili moa wale ne te kɔkorɛ, na né enwiaa wɔ ye nwo paa; yiti bɛtole ye dumaa Yisɔ.#25.25: YISƆ: Ye bo kyire: Enwiaa. Besa bɛfrɛ ye Edom, bɔ ye bo kyire: kɔkorɛ. 26#Hos 12.4 Ye si ye, oliɛma ne koso wale, na né watira Yisɔ gya ndii nu; yiti bɛtole ye dumaa Yakob#25.26: YAKOB: Ye bo kyire: Bɔ otira obiɛngo gya ndii nu ɔ. Osa kyire: Nnakannakaniɛ. Bɛwole bɛ ne, né Yisake ali afoɛ aburasia.
Yisɔ yɛ ye bamuɛbaa dibea atɔen
27Ngwadaa nemɔ nyini. Yisɔ yɛle bɔfoɛ paa, na né okuro eburo wurawuralɛ. Nakoso Yakob de, né onguro ye nwo dwudwolɛ, na daa né owurawura ɛtena sua nu. 28#Gye 27.3 Né Yisake kuro Yisɔ dwirɛ, ofikyɛ né Yisɔ ku eburo naen maa odi; nakoso Rebɛka de, né okuro Yakob dwirɛ.
29Ɛlɛho bie, né Yakob ɔyɔ ye abomu yeɛ Yisɔ fili eburo wale ɔ. Né ɛhɔen apɛ ye. 30Na Yisɔ sele Yakob kyɛ, “Mesrɛ wɔ, ɛhɔen apɛ me, yiti ma me abomu bɔ ye nye kɔkorɛ ne bie ma nni.” Ɛhe ati yeɛ ɔmaa bɛfrɛ ye Edom, bɔ ye bo kyire Kɔkorɛ ɔ. 31#Deut 21.17 Na Yakob buale ye kyɛ, “Di moa tɔne wɔ bamuɛbaa dibea ne ma me koraka.” 32Na Yisɔ sele kyɛ, “Mepena mewu, na bamuɛbaa dibea koso meyɛ ye sɛ?” 33Na Yakob sele kyɛ, “Nzaade ta ndaen kyire me koraka.#25.33: Koraka, anaa: ɛnɛ. “Yiti ɔtale ndaen hyirele ye, na ɔyɛle ye bamuɛbaa dibea ne atɔen mane Yakob. 34Afei Yakob mane Yisɔ paanoo ne ngongo abomu ne bie. Odidili, ɔnone, na odwɔsole hɔle. Yiti Yisɔ ammu ye bamuɛbaa dibea ne huu.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.